| e-texts navigator |
| Wylie |
139a1 ན་བྱང་ཆུབ་སེམས་དཔའ་རྣམས་རྒྱས་ལ་གཟིགས་པ་ཡིན་ནོ།། བྱང་ཆུབ་སེམས་དཔའ་རྣམས་རྒྱ་གང་གིས་རྒྱུད་ལ་གཟིགས་པར་མཛད་ཅེ་ན། བྱང་ཆུབ་སེམས་དཔའ་དཀའ་ལྡན་གི་གནས་ན་བཞུགས་པ་ནི་འདི་སྙམ་དུ་དག
139a2 ཏེ།། བྱང་ཆུབ་སེམས་དཔའ་རྣམས་རྒྱུད་ཅི་འདྲ་བ་ཞིག་ཏུ་ཉིང་མཚམས་སྦྱོར་བ་ལེན་སྙམ་ན། རིགས་གང་ཞིག་བཙུན་པར་བཀུར་ཞིང་མ་མྱེས་དང་། པ་མྱེས་ཟུང་བདུན་གི་བར་ལ་སྤྱོད་པ་ལ་སྐྱོན་མྱེད་པར་གཟིགས་ནས། འདི་སྙམ་དུ་དགོངས
139a3 ཏེ། ཤཀ་ཀྱའི་རིགས་རྒྱུད་འདི་ནི་བཙུན་པར་བཀུར་བ་ཡིན་ཞིང་མང་པོས་བཀུར་བ་ནས་བཟུང་སྟེ། སྤྱོད་པ་སྐྱོན་མྱེད་པ་ཡིན་གྱིས། མ་ལ་བདག་ལ་གཞན་དག་བྱང་ཆུབ་སེམས་དཔས་རྒྱུད་ངན་པ་ལས་ཉིང་མཚམས་སྦྱོར་བ་བླངས་སོ།
139a4 ཞེས་གཞི་འདིས་ཁ་ཟེར་བར་མྱི་འགྱུར་བར་བདག་གིས་རྒྱལ་པོ་ཟས་གཙང་མའི་རྒྱུད་དུ་ཉིང་མཚམས་སྦྱོར་བ་བླ་བ་རོ་སྙམ་མོ།། འདི་ལྟར་བྱང་ཆུབ་སེམས་དཔས་ཐོག་མ་མྱེད་པའི་དུས་ནས་སྨད་པར་མྱི་འགྱུར་བའི་ལས་བྱས་ཤིང་བསམ
139a5 པ་དང་། སངས་རྒྱས་བཅོམ་ལྡན་འདས་རྣམས་ནི་ཆོས་བཤད་པར་འབྲས་བུ་མྱེད་པར་མ་ཡིན་པས་རྒྱུ་འདིས་ན་བྱང་ཆུབ་སེམས་དཔའ་རྒྱུད་ལ། གཟིགས་པར་མཛད་དོ།། བྱང་ཆུབ་སེམས་དཔའ་རྣམས་རྒྱུ་གང་གི།
139a6 བུད་མྱེད་ལ་གཟིགས་པར་མཛད་ཅེ་ན། བྱང་ཆུབ་སེམས་དཔ་རྒ་ལྡན་གི་གནས་ན་བཞུགས་པ་ནི་འདི་སྙམ་ཏུ་དགོངས་ཏེ། བྱང་ཆུབ་སེ་མས་དཔའ་རྣམས་བུད་མྱེད་ཇི་འདྲ་བ་ཞིག་གི་རུམ་དུ་ཉིང་མཚམས
139a7 སྦྱོར་བ་ལེན་སྙམ་ན། དེ་འདི་སྙམ་དུ་དགོངས་ཏེ། བུད་མྱེད་གང་ཞིག་གཟུགས་བཟང་མོ་དང་ལྡན་པ། རིགས་དང་ལྡན་པ་རིགས་འཕེལ་བར་འགྱུར་བ། ཁྲོ་བག་ཅན་མ་ཡིན་པ། ཕྲ་མ་ཅན་མ་ཡིན་པ། ངག་རྩུབ་པ་མ
139a8 པཾ། དད་པ་དང་ལྡན་པ། རང་བཞིན་བཟང་བ། བསམ་པ་དགེའ་བ། རྒྱང་ཕུན་གསུམ་ཚོགས་པ། རིགས་མཐོ་བ། ཉེ་དུའི་རིགས་དང་ལྡན་པ། ཤེས་རབ་ཕུན་གསུམ་ཚོགས་པ། གཏོང་བ་ཕུན་གསུམ་ཚོགས་པ།
139a9 ཉིད་མྱི་གཡོལ་བ། རང་བཞིན་བརྟན་པ། རྒོང་བག་ཅན་མ་ཡིན་པ། ཁེངས་པ་མྱེད་པ། བྱམས་པའི་སེམས་དང་ལྡན་པ། སྡུག་ཅིང་ཡིད་དུ་འོང་བ། འཇིག་རྟེན་ཐམས་ཅད་ལ་ཆོས་དང་ལྡན་པ། བུད་མེད་ཐམས་ཅད
iiif viewer powered by OpenSeadragon
