| e-texts navigator |
| Wylie |
135b1 ལྷའི་དབང་པོར་གྱུར་པ་དེ་ནི་ད་ལྟར་ཤ་རིའི་བུ་ཡིན་ནོ།། དེའི་ཚེ་རྔོནད་པར་གྱུརྡ་པ་དེ་ནི། ད་ལྟར་ཀུན་དཀའ་བོ་ཁྱོད་ཡིན་ནོ།། དེའི་ཚེ་ཁྱེའུ་ཡ་རི་ཞེས་བྱ་བ་ནི་ད་ལྟར་ངའི་སྲས་སྐྲག་གཅན་འཛིན་ཡིན་ནོ།། དེའི་ཚེ་བུ་མོར་གྱུར
135b2 པ་དེ་ནི་ཡུམ་སྲུ་གོ་ཏ་མྱི་ཞེས་བྱ་བ་ཡིན་ནོ།། དེའི་ཚེ་བྲམ་ཟེ་སློངས་མོ་བ་དེ་ནི་ད་ལྟར་ལྷ་སྦྱིན་ཉིད་ཡིན་ནོ།། དེའི་ཚེ་བྲམ་ཟེའི་ཆུང་མར་གྱུརྡ་པ་དེ་ནི་ད་ལྟར་བྲམ་ཟེ་མོ་ཙན་ཙམ་མ་ན་ཡིན་ནོ།། དེ་ལྟར་ན་བཞི་ནད་ཏུ་བྱེད་དཀ
135b3 བ་ཡང་གྲངས་མྱེད་དཔག་ཏུ་མྱེད། དགེའ་ལས་བྱས་པ་ཡང་གྲངས་མྱེད་དཔག་ཏུ་མྱེད་དེ་དེ་བས་ན་མདོ་སྡེ་འདི་དགེ་སློང་དང་། བྲམ་ཟེ་ལས་སྩོགས་པ་རྒྱས་པར་སྟོན་ཅིག།། བྱང་ཆུབ་སེམས་དཔའ་སེམས་དཔའ་ཆེན
135b4 བོས། སྦྱིན་པ་བྱ་བའི། སྦྱིན་པའི་ཕ་རོལ་ཏུ་ཕྱིནད་པ་འདི་ལྟ་བུ་ངག་ཡིན་ནོ།། ། འཕགས་པ་རྒྱལ་བུ་དོན་འགྲུབ་ཅེས་བྱ་བ་ཐེག་པ་ཆེན་པོའི་མདོ།། ། རྫོགས་སྷོ།།
135b5 ནི་རིན་ཅེན་འོད་ལྡན་དང་། བཙུན་མོ་པད་མ་ཁ་དབྱེ་བ་རྙིང་མདངས་ལྡན་པས་སློང་བས་དཀའ་མཛད་སངས་རྒྱས་ཀོ་འཕང་རྙེས་གྱུར། ད་ཅིང་།། ཆོས་རྣམས་སྟོན་མཛད་ཞི་བ་དེ་ལ་ཕྱག་འཚལ་ལོ།།
135b6 གང་ཞིག་རྙེད་པས་ངན་འགྲོའི་འཇིགས་ལས་འདས་ཀྱུ་རང་ཅིང་།། སྲིད་པའི་འཆིང་བ་ཐམས་ཅད་ཟད་བྱེད་ཞིར་འགྱུར་ལ།། སྡུག་བསྔལ་མཐའ་བྱེད་འཁོར་བའི་རྒྱ་མཚོ་ལས་རྒལ་བའི།། ཟབ་པ་གཅིག་པུ་བདེར་གཤེགས
135b7 ཆོས་ལ་ཕྱག་འཚལ་ལོ།། གང་དག་ཡོན་ཏན་བུལ་བྱུང་ལ་གནས་སྦྱིན་པའི་གནས་ལ།། མཆོད་པ་ཅུང་ཟད་བྱས་ཀྱང་རྒྱ་ཆེ་ཉིད་འགྱུར་བའི།། བདེ་བར་གཤེགས་པས་རབ་སྔགས་གང་ཟག་མཆོག་བརྒྱད་ཀྱིས།
135b8 རབ་རྒྱན་འཕགས་པའི་དགེ་འདུན་དེ་ལ་ཕྱག་འཚལ་ལོ།། ཐུབ་གསུང་རྣམ་པར་བཏགས་ན་དད་པ་གྱི་སྐྱེ་འམ། བནྡྷ། དམྱི་འབྱུང་ཀང་དེ་ཡང་ཡོད་བྱིན་ལ།། ཚིག་བཏུ་པ་ཡང་འཛིནད་པའི་ནུས་དང་ནམ་བྲལ་བ།
iiif viewer powered by OpenSeadragon
