| e-texts navigator |
| Wylie |
100a1 རྔ་ཁྱོད་ལ་ནི་ཕྱི་ཕྱིར་ཞིང་།། འདི་ལྟར་བདག་ནི་རབ་ཏུ་དང་།། བདག་གི་ལུས་ནི་བསྐམས་པ་འམ།། ཡང་ན་སེམས་ནི་མྱེད་ཀྱང་བླ།། སྡུག་བསྔལ་ཤི་ནད་ཏུ་མྱི་བཟད་པར།། ལྟུང་ཡང་ཕྱིན་སྡིག་མྱི་བགྱིདདེ
100a2 ཚུལ་ཁྲིམས་ཉམས་པ་གསོན་པ་ལས།། ཚུལ་ཁྲིམས་ལྡན་པ་ཤི་ཡང་བླ་བ།། སྐྱེ་བ་གཅིག་པུ་འདིའི་ཕྱིར།། ཇི་ལྟ་བུར་ནི་མྱི་བཟང་སྤྱད།། བཅོམ་ལྡན་འདས་ཀྱིས་བཀའ་སྩལ་པ།། སྔོན་ཆེ་གང་དུ་རབ་གནས་ཤིང་།།
100a3 དེ་དང་དེར་ནི་སྐྱེས་པ་ན།། མྱི་དགེའི་གྲོགས་དང་འགྲོགས་པ་ཡིས།། ང་ཡིས་མྱི་དགེའི་ལས་རྣམས་བྱས།། དགེ་བའི་བཤེས་དང་ཕྲད་པ་དང་།། མྱི་དགེའི་ལས་རྣ་སྤངས་པར་གྱུར་པ།། བཅོམ་ལྡན་དེ་བཞིན་གཤེགས
100a4 པ་ཡིས།། སྔོན་གྱི་གནས་རྣམས་མངོན་མཁྱེནད་ནས།། དེ་ཕྱིར་དགེ་སློང་རྣམས་ལ་ནི།། ཐུབ་པས་ལུང་ཡང་བསྟནད་པ་མཛད།། སྔོན་ཆེ་ན་རྗེར་གྱུར་ཏེ།། ཀུན་དགའ་བོ་ནི་ཉེ་རྔ་ཡིན།། སྒྲ་སྦྱིན་རྔ་སླར
100a5 གྱུར་ཏོ་ཞེས།། སྐྱེས་རབས་དེ་ལྟར་བཟུང་བར་གྱིས།། ཆོས་རྣམས་སྡུད་པར་བྱེད་པ་ཡིས།། དོན་རྒྱས་མདོ་སྡེ་འདི་ཐོས་ནས་དགེ་སློང་ཐམས་ཅད་ཀུས་བཅས་པར།། ཆོས་ལ་སྤྱོད་པ་ཉིད་དུ་གྱིས
100a6 ཀླུའི་རྒྱལ་པོ་རྔ་སྒྲ་ཚིག་སུ་བཅད་པ།། ། རྫོགས་སྷོ།། །། རྒྱ་གར་སྐད་དུ། ཨ་རྱ་ཤྲི་གུ་པ་ཏ་ན་མ་སུ་ཏྲ།
100a7 བོད་སྐད་དུ།། འཕགས་པ་དཔལ་སྲས་ཤེས་བྱ་བའི་མདོལ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་ཀྱིས་ཟོས་པ་དུས་ཅིག་ན།། བཅོམ་ལྡན་འདས་རྒྱལ་པོ
100a8 ཁབ།། བྱ་རྒོད་ཀྱི་ཕུང་པོའི་རི་ལ།། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་ཏེ།། སྐྱེ་སློང་དང་དགེ་སློང་མ་དང་། དགེ་སྙེན་དང་། དགེ་བསྙེན་མ་རྣམས་དང་།།
100a9 རྒྱལ་པོ་དང་། བློན་པོ་རྣམས་དང་། བྲམ་ཟེ་དང་ཁྱིམ་བདག་རྣམས་དང་། མུ་སྟེགས་ཅན་སྣ་ཚོགས་དགེ་སྦྱོང་དང་། བྲམ་ཟེ་དང་། སྤྱོད་པ་ཅན་དང་། ཀུན་ཏུ་རྒྱུ་རྣམས་དང་།། ལྷ་རྣམས་དང་། ཀླུ་རྣམས་དང་། གནོད་སྦྱིན་ནས་དང་།།
iiif viewer powered by OpenSeadragon
