| e-texts navigator |
| Wylie |
172a1 གཅིག་ཙམ་རབ་བསྟན་པར།། ལྷར་བཅས་འགྲོ་བའི་ནང་ནས་ནུས་མ་མཆིས།། ཡོན་ཏན་མཚོ་ལས་ཡོན་ཏན་ཐིགས་བླངས་ཏེ། དེ་ལྟར་བདག་གིས་མདོར་བསྡུས་ནུང་བཟང་བཤད།། བདག་གི་བསོད་ནམས་གང་།།
172a2 བསྔགས་དེ་ཡིས་ནི།། སེམས་ཅན་དེ་དག་བྱང་ཆུབ་མཆོག་རེག་ཤོག། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས།། བྱང་ཆུབ་སེམས་དཔའ་ཐམས་ཅད་ཀྱིས་བསྟོད་པའི་ལེའུ་ཞེས་བྱ་སྟེ། ཉི་ཤུ་རྩ་བདུན་པའོ།།
172a3 དེ་ནས་བྱང་ཆུབ་སེམས་དཔའ་མཛེས་པའི་ཏོག་སྟན་ལས་ལངས་ཏེ།། བླ་ཀོས་ཕྲག་པ་གཅིག་ཏུ་གཟར་ནས།། པུས་མོ་གཡས་པའི་ལྷ་ང་ས་ལ་བཙུགས་ཏེ།། བཅོམ་ལྡན་འདས་ག་ལ་བ་དེ་ལོགས
172a4 སུ་ཐལ་མོ་སྦྱར་བ་བརྒྱད་ནས།། ཚིགས་སུ་བཅད་པ་འདི་དག་གིས་མངོན་པར་བསྟོད་དོ།། ཐུབ་དབང་ཁྱོད་ནི་བསོད་ནམས་བརྒྱ་པའི་མཚན་དཔལ་སྟོང་མཛེས་པའི་ཡོན་ཏན་རྣམས་ཀྱིས་བརྒྱད།། ཁ་དོག
172a5 ཆེན་མཆོག་ཏུ་ཞི་བ་སྟོན།། ཉི་མ་སྟོང་ལྟར་འོད་ནི་རྣམ་པར་འཕྲོ་འོད་གཟེར་དུ་མ་འབར་བས་འོད་ཀྱིས་ཁྱབ་ཁ་དོག་སྣ་ཚོགས་གང་། བས་རིན་ཆེན་འདྲ།། སྔོན་པོ་དཀར་པོ་གསེར་འོད་བྱེ་དཱུརྱ།། ཟངས
172a6 དང་སྐྱ་རེང་ཤེལ་གྱི་འོད་ལྟ་བུས།། རྡོ་རྗེ་རི་དབང་རི་རབ་ཐལ་མཛད་ཅིང་།། ཞིང་རྣམས་བྱེ་བ་ཏུ་མང་སྣང་མཛད་དེ།། སྡུག་བསྔལ་མྱི་བཟང་དྲག་པོ་ཞི་བར་མཛད།། བདེ་བ་མཆོག་གིས་སེམས་ཅན་ཚིམ
172a7 བར་མཛད།། མདོག་དང་དབང་པོ་གསལ་བག་བལྟ་ན་མཛེས།། གཟུགས་བལྟས་མྱི་ངོམས་སྐྱེ་བོས་བལྟ་ན་དཀའ།། རྨ་བྱའི་མདོག་འདྲའི་དབུ་སྨ་རྣམ་པར་མཛེས།། བུང་བ་མང་པོས་གང་བའི་འོད་དང་འདྲ།། ཐུགས
172a8 རྗེ་རྣམ་དག་ཡོན་ཏན་རྣམས་ཀྱིས་བརྒྱན།། ཏིང་འཛིན་བྱམས་པ་བསོད་ནམས་དམ་པ་བརྩེགས།། དཔའ་བྱད་བཟང་དང་ཁ་དོག་སྣ་ཚོགས་ལྡན།། ཏང་ངེ་འཛིན་བྱང་ཆུབ་ཡན་ལག་ཡོན་ཏན་བརྒྱན།། ཁྱོད་ནི་རབ་ཏུ་ཚིམ
172a9 མཛད་པན་པ་མཛད།། བདེ་མཛད་བདེ་བ་ཀུན་གྱི་འབྱུང་གནས་འབྱུང་།། ཡོན་ཏན་ཟབ་མོ་སྣ་ཚོགས་རྣམས་ཀྱིས་བརྒྱན།། ཞིང་རྣམས་བྱེ་བ་དག་ཏུ་ལྷ་དེ་སྟེ།། མྱེའི་འོད་ལྟར་འོད་གཟེར་རྣམས་ཀྱིས་མཛེས།། ཅི་ལྟར་ནི
iiif viewer powered by OpenSeadragon
