| e-texts navigator |
| Wylie |
75b1 འབྲ་འམ་ཤིང་ཏ་ལ་ཡང་རུང་སྟེ། མེ་ཏོག་གི་དུས་ནས་འབྲས་བུའི་བར་དུ་ནི་མྱི་རྟག་པའི་ཆོས་ཀྱི་ཁོངས་སུ་འདུས་སོ།། འབྲས་བུ་སྦྱིན་པར་གྱུར་ནས་ནི། སེམས་ཅན་ཐམས་ཅད་ལ་ཕན་འདོགས་པར་འགྱུར་ཏེ།
75b2 རྟག་པའི་ཆོས་ཀྱི་ཁོངས་སུ་འདུས་པར་གྱུརར་ཏོ།། རིགས་ཀྱི་བུ་དེ་བཞིན་དུ་མདོ་སྡེ་ཐམས་ཅད་དང་། ཏིང་ངེ་འཛིནད་ཐམས་ཅད་ཀྱི་བསྒོམ་པ་བསྒོམས་པའི་འབྲས་བུ་ཡོངས་སུ་མྱ་ངན་ལས་འདས་པའི་མདོ
75b3 སྡེ་ཆེན་པོ་འདི་སེམས་ཅན་རྣམས་ཀྱིས་ནེམ་ཐོས་ཀྱི་བར་དུ་ནི་མྱོ་རྟག་པའི་ཁོངས་སུ་འདུས་སོ།། མདོ་སྡེ་རྣོ་པོ་ཆེ་འདི་ཐོས་ནས་ནི་རིགས་ཀྱི་བུ་འམ་རིགས་ཀྱི་བུ་མོ་རྣམས་ཉོན་མོངས་པ་དང་བཅས་པ་ཡིན་དུ་ཟིན་ཀྱང་།
75b4 ཉོན་མོངས་པ་མྱེད་པའི་ཁོངས་སུ་འདུས་ལ། སེམས་ཅན་ཐམས་ཅད་ལ་ཡང་ཕན་འདོགས་པར་གྱུར་ཏེ། དེ་ཅིའི་ཕྱིར་ཞེ་ན། བདག་ལ་དེ་བཞིན་གཤེགས་པའི་སྙིང་པོ་ཡོད་པར་ཤེས་པའི་ཕྱིར་རོ།། མནོ།།
75b5 ཏུ་རྟག་པར་ཤེས་ནས་ཀྱང་དེ་འཇུག་པར་འགྱུར་རོ།། རིགས་ཀྱི། བུ་གཞན་ཡང་དཔེར་ན་གསེར་ཞུང་ངམ། ཟངས་ཁུང་ཡང་རུང་སྟེ། བརྐོ་བའི་དུས་ཀྱི་བར་དུ་ནི་མྱེ་རྟག་པའི་ཁོངས་སུ་འདུས་སོ།།
75b6 གསག་མ་དང་རྡོ་དང་སྐྱོན་རྣམས་མྱེད་པར་གྱུར་ནས་ནི། སེམས་ཅན་ཐམས་ཅད་ལ་ཕན་འདོགས་པར་འགྱུར་ཏེ། རྟག་པའི་རྫས་རིན་པོ་ཆེའི་ཁོངས་སུ་འདུས་སོ།། རིགས་ཀྱི་བུ་དེ་བཞིན་དུ་མདོ
75b7 སྡེ་ཐམས་ཅད་དང་། ཏིང་ངེ་འཛིན་ཐམས་ཅད་ཀྱི་སྒོམ་པ་བསྒོམས་པའི་འབྲས་བུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་ཆེན་པོ་འདི་སེམས་ཅན་རྣམས་ཀྱིས་ནམ་མ་ཐོས་ཀྱི་བར་དུ་ནི། མྱི་རྟག་པའི་ཁོངས
75b8 སུ་འདུས་སོ།། མདོ་སྡེ་རིན་པོ་ཆེ་འདི་ཐོས་ནས་ནི། རིགས་ཀྱི་བུ་འམ་རིགས་ཀྱི་བུ་མོ་རྣམས་ཉོན་མོངས་པ་དང་བཅས་པ་ཡིན་དུ་ཟནད་ཀྱང་། ཉོན་མོངས་པ་མྱེད་པའི་ཁོངས་སུ་འདུས་ལ། སེམས་ཅན་ཐམས་ཅ
75b9 ལས་པ་ཕན་འདོགས་པར་འགྱུར་ཏེ། དེ་ཅིའི་ཕྱིར་ཞེ་ན། བདག་ལ་དེ་བཞིན་གཤེགས་པའི་སྙིང་པོ་ཡོད་པར་ཤེས་པའི་ཕྱིར་རོ།། མཆོག་ཏུ་རྟག་པར་ཤེས་ནས་ཀྱང་དེ་དག་འཇུག་པར་འགྱུར་རོ།། རིགས་ཀྱི་བུ
iiif viewer powered by OpenSeadragon
