| e-texts navigator |
| Wylie |
229a1 ཀྱི་སྐྱེ་མཆེད་དང་། ཆོས་ཀྱི་སྐྱེ་མཆེད་དག་ཡང་དག་པ་ཇི་ལྟ་བཞིན་ཤེས་ཤིང་མཐོང་བ་སྟེ། ཀུན་དགའ་བོ་དེ་ཙམ་གྱིས་ན་མཁས་པ་སྐྱེ་མཆེད་ལ་མཁས་པ་ཡིན་ནོ།། བཙུན་པ་ཅི་ཙམ་གྱིས་ན་མཁས་པ་རྟེནད
229a2 ཅིང་འབྲེལ་པར་འབྱུང་བ་ལ་མཁས་པ་མཁས་པ་ལགས། ཀུན་དགའ་བོ་མཁས་པ་ནི་རྟེནད་ཅིང་འབྲེལྡ་པར་འབྱུང་བའི་འདི་ཉིད་ལུགས་བཞིན་འབྱུང་བ་དང་། ལུགས་ལས་བཟློག་པ་འདི་ལྟ་སྟེ་འདི་ཡོད་པས་འདི་འབྱུང་། འདི
229a3 སྐྱེས་པས་འདི་སྐྱེས་ཏེ། འདི་ལྟར་མ་རིག་པའི་རྐྱེནད་ཀྱིས་འདུ་བྱེད། འདུ་བྱེད་ཀྱི་རྐྱེནད་ཀྱིས་རྣམ་པར་ཤེས་པ། རྣམ་པར་ཤེས་པའི་རྐྱེནད་ཀྱིས་མྱིང་དང་གཟུགས། མྱིང་དང་གཟུགས་ཀྱི་རྐྱེན་ཀྱིས་སྐྱེ་མཆེད་དྲུག། སྐྱེ་མཆེད་དྲུག་གི
229a4 རྐྱེནད་ཀྱིས་རེག་པ། རེག་པའི་རྐྱེནད་ཀྱིས་ཚོར་བ། ཚོར་བའི་རྐྱེན་ཀྱིས་སྲེད་པ། སྲེད་པའི་རྐྱེནད་ཀྱིས་ལེནད་པ། ལེནད་པའི་རྐྱེན་སྲིད་པ། སྲིད་པའི་རྐྱེནད་ཀྱིས་སྐྱེ་བ། སྐྱེ་བའི་རྐྱེནད་ཀྱིས་རྒ་ཤི་དང་།
229a5 མྱ་ངན་དང་། སྨྲེ་སྔགས་འདོད་པ་དང་། སྡུག་བསྔལ་བ་དང་། ཡིད། མྱི་བདེ་བ་དང་། འཇུག་པ་དག་འབྱུང་ཞིང་། སྡུག་བསྔལ་གྱི་ཕུངཔོ་ཆེན་པོ་འདི་འབ་ཤིག་འབྱུང་བར་འགྱུར་རོ།། འདི་ལྟ་སྟེ། འདི
229a6 མྱེད་པས་འདི་མྱི་འབྱུང་། འདི་འགགས་པས་འདི་འགག་སྟེ། འདི་ལྟར་མ་རིག་པ་འགགས་པས་འདུ་བྱེད་འགག། འདུ་བྱེད་འགགས་པས་རྣམ་པར་ཤེས་པ་འགག། རྣམ་པར་ཤེས་པ་འགགས་པས
229a7 མྱིང་དང་གཟུགས་འགག། མྱིང་དང་གཟུགས་འགགས་པས་སྐྱེ་མཆེད་དྲུག་འགག། སྐྱེ་མཆེད་དྲུག་འགགས་པས་རེག་པ་འགག། རེག་པ་འགགས་པས་ཚོར་བ་འགག། ཚོར་བ་འགགས་པས་སྲེད་པ་འགག། སྲེད་པ་འགག
229a8 པས་ལེནད་པ་འགག། ལེནད་པ་འགགས་པས་སྲིད་པ་འགག། སྲིད་པ་འགགས་པས་སྐྱེ་བ་འགག། སྐྱེ་བ་འགགས་པས་རྒ་ཤི་དང་། མྱ་ངན་དང་། སྨྲེ་སྔགས་འདོན་དང་། སྡུག་བསྔལ་བ་དང་། ཡིད་མྱི་བདེ་བ་དང་། འཇུག
229a9 པ་དག་འགག་ཅིང་སྡུག་བསྔལ་གྱི་ཕུང་པོ་ཆེན་པོ་འདི་འབ་ཤིག། འགག་པར་འགྱུར་བ་ཡང་དག་པ་ཇི་ལྟ་བ་བཞིན་ཤེས་ཤིང་མཐོང་བ་ཡིན་ཏེ། ཀུན་དགའ་བོ་དེ་ཙམ་གྱིས་ན་མཁས་པ། རྟེན་ཅིང་འབྲེལ་པར་འབྱུང་བ་ལ་མཁས་པ
iiif viewer powered by OpenSeadragon
