| e-texts navigator |
| Wylie |
45'b1 ལ་མྱི་གནོད་པའི་སྦྱིན་པ་སྦྱིན་ན།། རྣམ་པར་སྨིན་པ་གཏོང་བ་ཆེན་པོ་རབ་ཏུ་ཐོབ་པར་འགྱུར་རོ།། ཁ་དོག་ཕུན་སུམ་ཚོགས་པ་སྦྱིན་པ་སྦྱིན་ན། རྣམ་པར་སྨིན་པ་ཁ་དོག་མཛེས་པ་རབ་ཏུ་ཐོབ་པར་འགྱུར་རོ།། སྤོས་ཕུན་སུམ་ཚོགས་པ
45'b2 སྦྱིན་པ་སྦྱིན་ན། རྣམ་པར་སྦྱིན་པ་གྲགས་པའི་སྤོས་རབ་ཏུ་ཐོབ་པར་འགྱུར་རོ།། རོ་བྲོ་བ་ཕུན་སུམ་ཚོགས་པ་སྦྱིན་པ་སྦྱིན་ན།། རྣམ་པར་སྦྱིན་པ་རོ་བྲོ་བ་མཆོག་གི་དཔེ་བྱད་བཟང་པོ་རབ་ཏུ་ཐོབ་པར་འགྱུར་རོ།། གྱ་ནོམ་པ
45'b3 སྦྱིན་པ་སྦྱིན་ན། རྣམ་པར་སྦྱིན་པ་ལ་ལོངས་པྱོད་གྱ་ནོམ་པ་རབ་ཏུ་འཐོབ་པར་འགྱུར་རོ།། རྒྱ་ཆེན་པོའི་སྦྱིན་པ་སྦྱིན་ན།། རྣམ་པར་སྨྱིན་པ་ལོངས་སྤྱོད་རྒྱ་ཆེན་པོ་རབ་ཏུ་འཐོབ་པར་འགྱུར་རོ།། བཟའ་བ་སྦྱིན་པ་བྱིན་ན།། རྣམ་པར
45'b4 སྦྱིན་པ་སྐྱེ་བ་ཐམས་ཅད་དུ་བཀྲེས་པ་རྣམ་པར་གཅོད་པ་རབ་ཏུ་འཐོབ་པར་འགྱུར་རོ།། བཏུང་བ་སྦྱིན་པ་སྦྱིན་ན། རྣམ་པར་སྦྱིན་པ་སྐྱེ་བ་ཐམས་ཅད་དུ་སྐྱོམ་པ་རྣམ་པར་གཅོད་པ་རབ་ཏུ་འཐོབ་པར་འགྱུར་རོ།། གོས་སྦྱིན་པ
45'b5 བྱིན་ན། རྣམ་པར་སྦྱིན་པ་གོས་ཀྱི་ལོངས་པྱོད་སྣ་ཚོགས་རབ་ཏུ་འགྲོ་བ་པར་འགྱུར་རོ།། གནས་སྦྱིན་པ་བྱིན་ན།། རྣམ་པར་སྨིནད་པ། པུ་ཤུ་དང་། ཁང་པ་བརྩེགས་པ་དང་། ཁྱམས་དང་། ཁང་པ་དང་།
45'b6 གཞལ་མྱེད་ཁང་དང་། སྐྱེད་ཤིང་གི་ར་བ་དང་། ཀུན་དགའ་ར་བ་དང་། ཚེ་ཡུལ་རབ་ཏུ་འཐོབ་པར་འགྱུར་རོ།། མལ་མ་སྦྱིན་པ་བྱིན་ན།། རྣམ་བར་སྦྱིན་པ་རིགས་མཐོན་པོ་རབ་ཏུ་འཐོབ་པར་འགྱུར་རོ།། གཞོན
45'b7 བསྦྱར་བ་སྦྱིན་ན། རྣམ་པར་སྨིན་པ་རྫུ་འཕྲུལ་གི་རྐང་པ་བཞི་རབ་ཏུ་འཐོབ་པར་འགྱུར་རོ།། སྨན་སྦྱིན་པ་བྱིན་ན་རྣམ་པར་སྦྱིན་དཔ་རྒ་ཤི་མྱེད་ཅིང་མྱ་ངན་དང་། ཀུན་ནས་ཉོན་མོངས་པ་འགོག་པའི་མྱ་ངན་ལས་འདས་པ་རབ་ཏུ
45'b8 འཐོབ་པར་འགྱུར་རོ།། ཆོས་སྦྱིན་པ་བྱིན་ན། རྣམ་པར་སྨིནད་པ་སྐྱེ་བ་དྲན་པ་རབ་ཏུ་འཐོབ་པར་འགྱུར་རོ།། མེ་ཏོག་སྦྱིན་པ་བྱིན་ན། རྣམ་པར་སྨིནད་པ་བྱང་ཆུབ་ཀྱི་ཡན་ལག་གི་མེ་ཏོག་རབ་ཏུ་འཐོབ་པར་འགྱུར་རོ།། འཕྲེང
45'b9 བསྦྱིན་པ་བྱིན་ན། རྣམ་པར་སྦྱིནད་པ་འདོད་ཆགས་དང་། ཞེ་སྡང་དང་། གཏི་མུག་གི་དྲི་མ་རྣམ་པར་དག་པ་རབ་ཏུ་འཐོབ་པར་འགྱུར་རོ།། བདུག་པ་སྦྱིན་པ་བྱིན་ན། རྣམ་པར་སྦྱིན་པ་ཉོན་མོངས་པའི་དྲི་ང་བ་ཐམས་ཅད
iiif viewer powered by OpenSeadragon
