| e-texts navigator |
| Wylie |
98a1 འཇུག་པ་འདི་ནི་འཕགས་པ་མྱི་སྨྲ་བར་གྱུར་པའོ།། རིགས་ཀྱི་བུ་ངས་བསྐལ་བར་འམ། བསྐལ་པ་ལས་ལྷག་པར་ཡང་ཆོས་ཀྱི་གཏམ་དང་། འཕགས་པ་ཀྱི་སྨྲ་བར་གྱུར་པ་ལ་བརྩམས་ཏེ། ལུང་བསྟནད་ཀྱང་།
98a2 ངའི་སྤོབས་པ་ཟད་པར་མྱི་འགྱུར་རོ།། དེ་ནས་བཅོམ་ལྡན་འདས་ཀྱིས་བྲམ་ཟེ་ཤིང་ས་ལྷ་ཆེན་པོ་ལྟ་བུའི་བུ་མཉམ་པར་གནས་པ་ལ་བཀའ་སྩལ་པ། རིགས་ཀྱི་བུ་སྔོན་འདས་པའི་དུས་ན། བྱུང་བ་བསྐལ་པ་གྲངས་མྱེད
98a3 བས་ཀྱང་ཆེས་གྲངས་མྱེད་པ་རྒྱ་ཆེ་བ་ཚད་མྱེད་པས་། བསྐལ་པ་སྙན་པ་རྣམ་པར་གྲགས་པ་ཞེས་བྱ་བ་བྱུང་སྟེ། དེའི་ཚེ་དེའི་དུས་ན་མཐོང་བ་ན་དགའ་བའི་འཇིག་རྟེན་གི་ཁམས་སུ། ཀུན་ཏུ་འོད་ཟེར་ཞེས་བྱ་བ་དེ་བཞིན་གཤེགས་པ་དགྲ
98a4 བཅོམ་པ་ཡང་དག་པར་རྫོགས་པའི་སངས་རྒྱས་མཁྱེནད་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་རིག་པ་སྐྱེས་བུ་འདུལ་བ་ཁ་ལོ་སྒྱུར་བ།། བླ་ན་མྱེད་པ་ལྷ་དང་མྱི་རྣམས་ཀྱི་བསྟོན
98a5 པ། སངས་རྒྱས་བཅོམ་ལྡན་འདས་འཇིག་རྟེན་དུ་འབྱུང་ངོ་།། བཅོམ་ལྡན་འདས་ཀུན་ཏུ་འོད་ཟེར་དེ་བཞིན་གཤེགས་པའི་འཇིག་རྟེ། ན་གི་ཁམས་མཐོང་ན་དགའ་བ་རིན་པོ་ཆེ་ཐམས་ཅད་རབ་ཏུ་བཀྲམ་པ།
98a6 འབྱོར་ད་པ་རྒྱས་པ་བདེ་བ་ཤིན་ཏུ་ལོ་ལེགས་པ།། ཉམས་དགའ་བ་ལྷ་དང་མྱིས་ཀུན་ཏུ་གང་བར་གྱུར་ཏོ།། འཇིག་རྟེན་གི་ཁམས་དེ་སྤྲོས་ཐམ་ས་ཅད་ཀྱིས་ཡོངས་སུ་བསྒོས་པ། རེག་ན་ཤིང་བལ་ལྟར་འཇམ་པ།
98a7 གོས་ཀ་ཎ་ལིན་ད་ལྟར་རེག་མ་བདེ་བ་རིན་པོ་ཆེ་སྣ་བདུན་གྱིས་མཉམ་པར་བརྒྱད་པར་འགྱུར་རོ།། མཐོང་ན་དགའ་བའི་འཇིག་རྟེན་གི་ཁམས་དེ་མ། གླིང་བཞི་པ་བྱེ་བྲག་བཞི་ཡོད་དེ།། རེ་རེ་ལ་ཡང་གླིང་ཆེན་པོ་དཔག་ཚད་བརྒྱད
98a8 ཁྲི་བཞི་སྟོང་བ་ཡོད་དོ།། གྲོང་ཁྱེར་ཆེན་པོ་དེ་དག་ཐམས་ཅད་ཀྱང་རིན་པོ་ཆེ་ཐམས་ཅད་ཀྱིས་བརྒྱན་པ། དཔག་ཚད་ཀྱི་ཚད་ཙམ་དུ་བྱས་པ་ཡིན་ཏེ། གྲོང་ཁྱེར་ཆེན་པོ་རེ་རེ་ལ་ཡང་གྲོང་དང་། རི་གྲོང་དང་། ཡུལ་འཁོར་དང་། གྲོང
98a9 རྡལ་ལྔ་བརྒྱས་བསྐོར་བར་གྱུར་པ་ཏོ།། གྲོང་དང་གྲོང་ཁྱེར་དང་། གྲོལ་རྡལ་དང་། གཞོངས་ཐམས་ཅད་ན་ཡང་སྲོག་ཆགས་མང་པོ་བརྒྱད་སྟོང་གནས་ཏེ།། གྱི་དེ་དག་གི་མྱིག་སྔར་ཅི་སྣང་བ་དེ་ཐམས་ཅད་ཀྱང་སྡུག་ཅིང་ཡིད་དུ་འོང
iiif viewer powered by OpenSeadragon
