| e-texts navigator |
| Wylie |
97a1 འདི་ལྟར་ཉན་ཐོས་དང་རང་སངས་རྒྱས་རྣམས་ལ་ཆོས་ཀྱི་གཏམ་ཡང་མྱེད། འཕགས་པ་མྱི་སྨྲ་བར་གྱུར་ད་པ་ཡང་མྱེད་པར་རིག་པར་བྱའོ།། དེ་ནས་འཇམ་དཔལ་གཞོ་ནུར་གྱུར་ད་པས། ཚེ་དང་ལྡན་པ་རབ
97a2 འབྱོར་དེ་ལ་འདི་སྐད་ཅེས་སྨྲས་སོ།། རབ་འབྱོར་དེ་སེམས་ཅན་རྣམས་ཀྱི་སྤྱོད་པ་བརྒྱད་ཁྲི་བཞི་སྟོང་གང་དེ་བཞིན་གཤེགས་པས་མཁྱེནད་པ་དེ་དག་གནས་བརྟན་གྱིས་ཤེས་སམ། གང་དག་ལ་དེ་ལྟ་བུའི་གཏམ་བརྗོད
97a3 པར་བྱ་བ་དེ་དག་ལ་རྗེས་སུ་མཐུན་པའི་གཏམ་བསྟན་པར་བྱ་བ་དེ་ལ་གནས་བརྟན་གྱི་ཡེ་ཤེས་འཇུག་གམ། སྨྲས་པ་འཇམ་དཔལ་དེ་མ་ཡིན་ནོ།། འཇམ་དཔལ་གྱིས་སྨྲས་པ། གནས་བརྟན་རབ་འབྱོར་ད་ཏིང་ངེ་འཛིནད
97a4 གང་ལ་གནས་ནས། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ལ་ལྟ་ཞིང་། བདག་གི་སེམས་དང་ཕ་རོལ་གི་སེམས་སུ་བསྒྲིབ་པར་མྱི་གྱུར་པ། སེམས་ཅན་ཐམས་ཅད་ཀྱི་སེམས་ལ་བལྟ་བའི་ཏིང་ངེ་འཛིན
97a5 ལ་མཉམ་པར་བཞོག་གོ།། སྨྲས་པ་འཇམ་དཔལ་དེ་མ་ཡིན་ནོ།། 2། རྔམ་དཔལ་གྱིས་སྨྲས་པ། བཙུན་པ་རབ་འབྱོར་ད་དེ་བཞིན་གཤེགས། པ་སེམས་ཅན་གྱི་སྤྱོད་པ་བརྒྱད་ཁྲི་བཞི་སྟོང་སོ་སོ་ན་རིགས་པར
97a6 སྨན་སྟོན་པས། ཆོས་ཀྱི་གཏམ་བརྗོད་དོ།། ཏིང་ངེ་འཛིན་མཉམ་པ་ཉིད་ལས་ཀྱང་མྱི་གཡོ་ལ། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཡ་ང་རབ་ཏུ་མཁྱེནད་ཏོ།། བཙུན་པ་རབ་འབྱོར་དེ་རྣམ་གྲངས་འདིས་ཀྱང་།
97a7 འདི་ལྟར་འདི་ལ་ཉན་ཐོས་དང་། རང་སངས་རྒྱས་རྣམས་ཀྱི་ཡུལ་མ་ཡིན་པར་རིག་པར་བྱའོ།། བཙུན་པ་རབ་འབྱོར་དེ་སེམས་ཅན་འདོད་ཆགས་སྤྱོད་པ་གང་དག་སྡུག་པའི་རྣམ་པ་ཉིད་ཀྱིས་རྣམ་པར་གྲོལ་ཞིང་མྱི་སྡུག་པའི་རྣམ
97a8 པས། རྣམ་པར་མྱི་གྲོལ་བ་ཡང་ཡོད་དེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེནད་ཏོ།། སེམས་ཅན་ཞེ་སྡང་ལ་སྤྱོད་པ་གང་དག་སྐྱོན་མཐོང་བས་རྣམ་པར་གྲོལ་བར་འགྱུར་ལ། བྱམས་པས་རྣམ་པར་གྲོལ་བར
97a9 མྱི་འགྱུར་བ་ཡོད་དེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེནད་ཏོ།། སེམས་ཅན་གཏི་མུག་སྤྱོད་པ་གང་དག་སྤད་པས་རྣམ་པར་གྲོལ་བར་འགྱུར་ལ། ཆོས་བསྟན་པས་རྣམ་པར་གྲོལ་བར་མྱི་འགྱུར་བ་ཡོད་དེ། དེ
iiif viewer powered by OpenSeadragon
