| e-texts navigator |
| Wylie |
95a1 བུ་དེ་ཡང་ཡང་དག་པའོ།། དེ་ཅིའི་ཕྱིར་ཞེ་ན། འདི་ལྟར་ངག་ཐམས་ཅད་ནི་དབང་དུ་གྱུར་པ་སྟེ། ཡུལ་ལ་གནས་པ་ཡ་མ་ཡིན། ཕྱོགས་ན་གནས་པ་ཡང་མ་ཡིན་ནོ།། གང་དབང་དུ་གྱུར་ད་ཅིང་ཡུལ་ལ་ཡང་གྱི
95a2 གནས། ཕྱོགས་ལ་ཡང་མྱི་གནས་པ་དེ་ནི་མྱེད་པའི་ཕྱིར་ཡང་དག་པ་སྟེ། དེའི་ཕྱིར་ཚིག་ཐམས་ཅད་ཡང་དག་པ་ཞེས་བྱའོ།། གང་ཡང་ལྷས་བྱིན་གྱིས་ཚིག་སྨྲས་པ་དང་། གང་དེ་བཞིན་གཤེགས་པས་ཚིག་སྨྲས་པའི་ཚིག་དེ་གཉིས
95a3 ཐ་དད་པ་མ་ལགས་སོ།། དེ་ཅིའི་ཕྱིར་ཞེ་ན། ཚིག་ཐམས་ཅད་ནི་དེ་བཞིན་གཤེགས་པའི་ཚིག་སྟེ། ཚིག་ཐམས་ཅད་ནི་དེ་བཞིན་ཉིད་ལས་མྱི་འདའོ།། གང་ཚིག་གིས་རྣམ་པར་རིག་པར་བྱས་པ་དེ་ཐམས་ཅད་ནི་རྣམ་པར་རིག་པ་མྱེད
95a4 པས། རྣམ་པར་རིག་པར་བྱས་སྟེ། དེ་བས་ན་ཚིག་ཐམས་ཅད་ཡི་གེ་མཉམ་པའི་ཕྱིར་ཡི་གེ་མཚུངས་པའི་ཕྱིར། ཡི་གེ་སྟོང་པའི་ཕྱིར། ཚིག་ཐམས་ཅད་ནི་མཚུངས་པའོ།། མཉམ་པར་གནས་པས་སྨྲས་པ།། འཇམ
95a5 དཔལ་དེ་བཞིན་གཤེགས་པས་འཕགས་པའི་ཐ་སྙད་དུ་འདོགས་པ་དང་། འཕགས་པ་མ་ཡིན་པའི་ཐ་སྙད་དུ་འདོགས་པ་ཞེས་མ་ཀ། སུངས་སམ། སྨྲས་པ་རིགས་ཀྱི་བུ་ཡི་གེ་གང་དག་གིས་འཕགས
95a6 པ་རྣམས་ཐ་སྙད་དུ་འདོགས་པའི་ཡི་གེ་དེ་དག་ཉིད་ཀྱིས་འཕགས་པ་མ་ཡིན་པ་རྣམས་ཀྱང་ཐ་སྙད་དུ་འདོགས་སོ།། སྨྲས་པ་འཇམ་དཔལ་དེ་དེ་བཞིན་ནོ།། སྨྲས་པ་ཅི་ཡི་གེ་དེ་དག་འཕགས་པ་འམ། འཕགས
95a7 པ་མ་ཡིན་པ་ཞེས་རྟོག་གམ། སྨྲས་པ་དེ་མ་ཡིན་ནོ།། སྨྲས་པ་ཇི་ལྟར་ཡི་གེ་དེ་དག་མྱི་རྟོག་རྣམ་པར་མྱི་རྟོག་པ་དེ་བཞིན་དུ། འཕགས་པ་རྣམས་ནི་རྟོག་པ་དང་རྣམ་པར་རྟོག་པ་ཐམས་ཅད་དང་བྲལ་བའོ།། དེ་དག་ལ་ཐ
95a8 སྙད་མྱེད་དེ།། འཕགས་པ་རྣམས་ནི་ཡི་གེར་འདུ་ཤེས་པས་ཐ་སྙད་དུ་མྱི་འདོགས་སོ།། ཆོས་སུ་འདུ་ཤེས་པས་མ་ཡིན། ཆོས་མ་ཡིན་པར་འདུ་ཤེས་པས་མ་ཡིན། བདག་ཏུ་འདུ་ཤེས་པས་མ་ཡིན་ཕ་རོལ་ཏུ་འདུ་ཤེས
95a9 པས་མ་ཡིན་ནོ།། འདི་ལྟ་སྟེ། དཔེར་ན། སིལ་སྙན་དང་། རྔ་བོ་ཆེ་དང་། རྫ་རྔ་དང་། དུང་དག་ནི་རྐྱེན་ཀྱིས་སྒྲ་འབྱུང་ཡང་། དེ་དག་རྣམ་པར་མྱི་རྟོག་པ་དེ་བཞིན་དུ་འཕགས་པ་རྣམས་རྟེན་འབྲེལ་མཐོང་བའི་ཕྱིར་ཐ་སྙད་འདོག
iiif viewer powered by OpenSeadragon
