| e-texts navigator |
| Wylie |
94b1 མརའང་གྱི་དམྱིགས་སོ།། ཚངས་པ་ཡོངས་སུ་མྱ་ངན་ལས་འདས་པ་ཞེས་བྱ་བ་འདི་ནི་བཏགས་པའི་ཚིག་པ་སྙད་ཙམ་སྟེ།། འདི་ལ་གང་ཡང་འཁོར་བ་ཡང་མྱེད་ཡོངས་སུ་མྱ་ངན་ལས་འདས་པ་ཡང་མྱེད་དོ།། སྦས་པ་འཇས
94b2 དཔལ་འདི་ལ་སུ་དག་དད་པར་འགྱུར། སྤྲས་པ་གང་ཆོས་གང་ལ་ཡང་མངོན་པར་ཆགས་པར་མྱི་འགྱུར་བ་རྣམས་སོ།། སྤྲས་པ་འཇམ་དཔལ་མངོན་པར་ཆགས་པ་ཞེས་བྱ་བ་ནི་དེ་ཅི་ལ་མངོན་པར་ཆགས་སྤྲས་པ། ཚངས་པ
94b3 མངོན་པར་ཆགས་པ་ཞེས་བྱ་བ་ནི་མྱེད་པ་ལ་མངོན་པར་ཆགས་སོ།། གལ་ཏེ་ཚངས་པ་ཡོད་པ་ལ་མངོན་པར་ཆགས་པར་གྱུར་ན།། འདི་ལྟར་ཤིན་ཏུ་མངོན་པའི་ང་རྒྱལ་དང་བྲལ་བར་གྱུར་པ་མ་ཡིན་ནོ།། འདི་ལྟར་མྱེད
94b4 པ་ལ་མངོན་པར་ཆགས་པ་སྟེ། དེ་བས་ན་མྱེད་པའོ་ཞེས་རྟོགས་ནས། མངོན་པར་ཆགས་པར་མྱི་བྱེད་དེ། གང་མངོན་པར་ཆགས་པར་མྱི་བྱེད་པ་དེ་མྱི་འཁོར་རོ།། གང་མྱི་འཁོར་བ་དེ་ནི་རྣམ་པར་མྱི་འགྲོ་བའོ།། གང
94b5 རྣམ་པར་མྱི་འགྲོ་བ་དེ་མྱ་ངན་ལས་འདས་པ་ཞེས་བྱའོ།། སྨྲས་པ། འཇམ་དཔལ་ཡོངས་སུ་མྱ་ངན་ལས་འདས་པ་ཞེས་བྱ། ཅིའི་གཉེན་པོ་ཡིན་པའི་ཕྱིར་མྱ་ངན་ལས་འདས་ཞེས་བྱ། སྨྲས་པ་ཚངས་པ
94b6 ཡོངས་སུ་མྱ་ངན་ལས་འདས་པ་ཞེས་བྱ་བ་ནི། ཕན་ཚུན་རྐྱེན་ལ་སྤྲོ་མྱི་འདོགས་པའི་ཕྱིར་རོ།། མ་རིག་པ་མངོན་པར་འདུ་མྱི་བྱེད་པ་དང་། འདུ་བྱེད་མྱི་འཇུག་པས་ཀྱང་ཉེ་བར་མྱི་སྦྱོར་ཏེ། གང་ཉེ་བར་མྱི་སྦྱོར་བ
94b7 དེ་ནི་ཀུན་ནས་མྱི་སྤོང་ངོ་།། གང་ཀུན་ནས་ཀྱི་སྤོང་བ་དེ་ནི་ཡོངས་སུ་མྱ་ངན་ལས་འདས་པ་ཞེས་བྱའོ།། ཀུན་ནས་མྱི་སྤོང་བར་སྤྱོད་པ་དེ་ནི་ཤིན་ཏུ་འགོག་པའོ།། དེའི་ལམ་མངོན་པར་རྟོགས་པ་ནི་ཤིན་ཏུ་མྱི་སྐྱེ་བ་ཡིན་ཏེ། འདི།
94b8 ནི་འཕགས་པའི་བདེན་པ་བཞི་ཞེས་བྱའོ།། དེ་ནས་བྲམ་ཟེ་ཤིང་ས་ལ་ཆེན་པོ་ལྟ་བུའི་མཉམ་པར་གནས་པས། འཇམ་དཔལ་གཞོ་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་ཁྱོད་ཀྱིས་བསྟན་པ་ཐམས་ཅད་ནི་ཡང
94b9 དག་པར་བསྟན་པའོ།། སྨྲས་པ་རིགས་ཀྱི་བུ་ཚིག་ཐམས་ཅད་ནི་ཡང་དག་པའོ།། སྨྲས་པ་འཇམ་དཔལ་གང་བརྫུན་གྱི་ཚིག་ཡོད་པ་མ་ཡིན་པ་ཡང་དག་པ་མ་ཡིན་པ་གང་ཡིན་པ་དེ་ཡང་ཡང་དག་པ་འམ། སྨྲས་པ་རིགས་ཀྱི
iiif viewer powered by OpenSeadragon
