| e-texts navigator |
| Wylie |
94a1 ཅུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ།། འཇམ་དཔལ་ཁྱོད་ཀྱི་ཚིག་ནི་ལེགས་པར་སྨྲས་ཏེ། ཇི་ལྟར་སྟོན་པ་དེ་དེ་བཞིན་ནོ།། ཁྱོད་ཀྱིས་བསྟནད་པ་འདི་བཤད་པ་ན། དགེ་སློང་བདུན་སྟོང་ལེ་ནང་པ་མྱེད་པར།
94a2 ཟག་པ་མྱེད་པ་ལས་སེམས་རྣམ་པར་གྲོལ་ལོ།། ལྷའི་བུ་སྟོང་ཕྲག་གསུམ་བཅུ་རྩ་གཉིས་ཆོས་རྣམས་ལ་ཚུལ་མྱེད་ཅིང་རྡུལ་དང་བྲལ་བའི་ཆོས་ཀྱི་མྱིག་སྐྱེས་སོ།། སྲོག་ཆགས་སྟོང་ཕྲག་བཅུ་འདོད་ཆགས་དང་བྲལ་བ་ཐོབ་བོ།
94a3 སྲོག་ཆགས་གཉིས་བརྒྱ་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ།། བྱང་ཆུབ་སེམས་དཔའ་ལྔ་སྟོང་གྱིས་མྱི་སྐྱེ་བའི་ཆོས་ལ་བཟོད་པ་སྐྱེས་སོ།། དེ་ནས་བཅོམ་ལྡན་འདས་ལ་ཚངས་པ་ཁྱད་པར
94a4 སེམས་ཀྱིས་འདི་སྐད་ཅེས་གསོལ་ད་ཏོ།། བཅོམ་ལྡན་འདས་འཇམ་ད་པལ་གཞོ་ནུར་གྱུརྡ་པས་སངས་རྒྱས་ཀྱི་བགྱི་བ་བགྱིས་སོ།། འཇམ་དང་། ལ་གྱིས་སྨྲས་པ། ཚངས་པ་སངས་རྒྱས་འབྱུང་བ་གང་ལ་འཕན་པ
94a5 འམ་གནོད་པར་ཉེ་བར་མྱི་གནས་སོ།། སྨྲས་པ་འཇམ་དཔལ་བཅོམ་ལྔ།། ན་འདས་ཀྱིས་ཚད་མྱེད་པའི་སེམས་ཅན་ཡོངས་སུ་མྱ་ངན་ལས་ཟློ་སྟེ། ཁྱོད་ཀྱང་ཚད་མྱེད་པའི་སེམས་ཅན་ཡོངས་སུ་མྱ་ངན་ལས་འདའ་བར
94a6 བྱེད་པ་མ་ཡིན་ནམ། སྨྲས་པ་ཚངས་པ་སེམས་ཅན་མྱེད་པ་ལ་སེམས་ཅན་དུ་རབ་ཏུ་འབྱེད་པ་འདོད་དམ། སྨྲས་པ་དེ་མ་ཡིན་ནོ།། སྨྲས་པ་ཚངས་པ་སེམས་ཅན་མྱེད་པ་ལ་སེམས་ཅན་དུ་བསྟན་པ་འམ། སེམས་ཅན
94a7 མྱེད་པ་ལ་སེམས་ཅན་ཡོངས་སུ་གྲུབ་པར་འདོད་དམ། སྨྲས་པ་དེ་མ་ཡིན་ནོ།། སྨྲས་པ་ཚངས་པ་དེ་བཞིན་གཤེགས་པ་འབྱུང་བ་འམ། འགག་པར་འདོད་དམ། སྨྲས་པ་མ་ཡིན་ནོ།། སྨྲས་པ་དེ་བཞིན་གཤེགས་པས་ཡོངས་སུ་མྱ་ངན
94a8 ལས་ཟླས་པའི་སེམས་ཅན་དེ་དག་གང་ཡིན། སྨྲས་པ་འཇམ་དཔལ་གཞོ་ནུར་གྱུར་པ་ཆོས་ཀྱི་ཚུལ་གྱི་རྣམ་པ་གང་གིས་སྟོན་པ་ལྟར་ན་འདི་ལ་འཁོར་བ་ཡང་མྱེད། མྱ་ངན་ལས་འདས་པ་ཡང་མྱེད་དོ།། སྨྲས་པ་ཚངས་པ་དེ་དེ་བཞིན་ཏེ།
94a9 དེ་བཞིན་གཤེགས་པས་འཁོར་བ་ཡང་མ་དམྱིགས། ཡོངས་སུ་མྱ་ངན་ལས་འདས་པ་ཡང་མྱི་དམྱིགས་སོ།། ཚངས་པ་བཅོམ་ལྡན་འདས་ཀྱིས་གང་ཉན་ཐོས་བརྟུལ་བ་དེ་དག་གིས་ཀྱང་འཁོར་བ་ཡང་མ་དམྱིགས་མྱ་ངན་ལས་འདས
iiif viewer powered by OpenSeadragon
