| e-texts navigator |
| Wylie |
90b1 བཅོམ་ལྡན་འདས་བྱང་ཆུབ་སེམས་དཔའ་གང་སེམས་ཀྱིས་ཆོས་ཐམས་ཅད་ལ་སེམས་ཀྱང་། དེ་ལ་མ་སྨྲས་ཤིང་མཉེས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བཀྱེའོ།། བྱང་ཆུབ་སེམས་དཔའ་སེང་གེའི་འགྲོས་སུ
90b2 འགྲོ་བས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་། ཆོས་ཟབ་མོ་ལ་བཟོད་ཅིང་མྱི་འཇིགས་མྱི་སྐྲག་སྟེ། ཕ་རོལ་ཀཽ་མུ་སྟེ་གཅ་ཐམས་ཅད་སྐྲག་པར་བགྱིད་པ་དེ་ནི། དེའི་སླད་དུ་བྱང་ཆུབ་སེམས
90b3 དཔའ་ཞེས་བགྱིའོ།། བྱང་ཆུབ་སེམས་དཔའ་བསམ་གྱིས་མྱི་ཁྱབ་པས་གསོལ་པ། བཅོམ་ལྡན་འདས་གང་སེམས་ལུས་བསམ་གྱིས་མྱི་ཁྱབ་པར་འཇུག་ཅིང་། མྱི་སེམས་རྣམ་པར་མྱི་སེམས་དཔའ་དེ་ནི་དེའི་སླད
90b4 དུ་བྱང་ཆུབ་སེམས་དཔའ་ཞེས་བགྱིའོ།། ལྷའི་བུ་མཚམས་བཟངས་ཀྱིས་གསོལ་པ། གང་ལྔའི་གནས་ཐམས་ཅད་དུ་ཡང་སྐྱེ་ལ། ཅི་ལ་ཡང་ཆགས་པར་མྱི་བགྱིད། འདོད་ཆགས་དང་བྲལ
90b5 བའི་ཆོས་ཉིད་ཀྱི་ཁོང་དུ་ཆུད་པར་མྱི་བགྱིད་པ་དེ་ནི་དེའི་སླད་དུ་བྱང་།། ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་བདེ།། ན་པར་སྨྲ་བས་གསོལ་པ། བཅོམ་ལྡན་འདས་བྱང་ཆུབ་སེམས
90b6 དཔའ་གང་གི་ངག་བདེན་པའི་རྗེས་སུ་འཇུག་ཅིང་།། རྨྱི་ལམ་མ་ཡང་སྦུན་གྱི་ཚིག་ཀྱི་སྨྲ་བ་དེ་ནི། དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་མཐོང་ན་དགས་གསོལ
90b7 པ། གཟུགས་ཐམས་ཅད་སངས་རྒྱས་ཀྱི་གཟུགས་མཐོང་བ་དེ་ནི། དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་རྟག་ཏུ་སྙིང་རྩེ་བས་གསོལ་པ། བཅོམ་ལྡན་འདས་བྱང་ཆུབ་སེམས
90b8 དཔའ་གཔ་འཁོར་བར་ཞུགས་པའི་སེམས་ཅན་སྡུག་བསྔལ་བ་རྣམས་མཐོང་ནས། ཆོས་ལ་དཔའ་བ་མ་རྟོགས་པ་དང་། སེམས་ཅན་ཡོངས་སུ་སྨྱིན་པར་བགྱི་བ་མ་རྟོགས་པར། དཀའ་བ་ཐམས་ཅད་ལས་དགའ་བར་མྱི
iiif viewer powered by OpenSeadragon
