| e-texts navigator |
| Wylie |
90a1 ཅད་བྱང་ཆུབ་ཏུ་ངེས་པར་འགྱུར་བ་དང་། མྱིང་ཐོས་པས་ཀྱང་འཇིག་རྟེན་ཐམས་ཅད་ལས་ཐ་རད་པར་འགྱུར་ཏེ།། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་མཐུའ་ཆེར
90a2 ཐོབ་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔལ་ཀང་གོམ་པ་འདོར་ཞིང་མཆི་ན། སྟོང་གསུམ་གྱི་སྟོང་ཆེན་པོ་ལ་འཇིག་རྟེན་གི་ཁམས་ཀྱི། བདུད་ཀྱི་ཁམས་ཐམས་ཅད་རབ་ཏུ་གཡོའ་བར་འགྱུར་ཏེ། དེ་ནི
90a3 དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་ཀུན་ཏུ་མྱི་བསྐྱོ་པས་གསོལ་པ།། བཅོམ་ལྡན་འདས་གལ་ཏེ་བསྐལ་པ་གང་གའི་ཀླུང་གི་བྱེ་མ་སྙེད་ཉིན་ཞག་གཅིག་ཏུ་གྱུར་པ་ལ། དེ
90a4 ཉིན་ཞག་བགྲང་བ་དེ་ལྟ་བུའི་ཚུལ་གྱིས་ཞག་བཅོ་ལྔ་ལ། ཟླ་བ་ཕྱེད་ཞག་གསུམ་བཅུ་ལ་ཟླ་བ་ཅིག། ཟླ་བ་བཅུ་གཉིས་ལ་ལོ་གཅིག་པའི་ལོ་བྱེ་བ་བརྒྱད་སྟོང་ལ་སངས་རྒྱས་གཅིག་བྱུང་ནས་མཉེས་པར
90a5 བྱེད་དེ། རྣམ་གྲངས་འདི་ལྟ་བུས། གང་གའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་ན། ཚངས་པ་སྤྱོད་པ་སྤྱད་ནས། ཕྱིས། ལུང་བསྟན་ཀྱང་ཡོངས་སུ་མྱི་སྐྱོ་བ་སྟེ། དེ་ནི་དེའི་སླད་དུ་བྱང་ཆུབ
90a6 སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་དེད་དཔོན་བཟང་པོས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ལམ་ངན་པར་ཞུགས་པའི་སེམས་ཅན་ལ་མ་ངན་པར་ཞུགས
90a7 པ་རྣམས་ལ་ལམ་བཟང་པོ་ལ་བཀོད་པའི་སླད་དུ།། སྙིང་རྗེ་ཆེན་པོ་བསྐྱེད་ཅིང་དེ་ལ་ལན་རེ་བ་མ་མཆིས། དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་རི་རབ་ཆེན་པོས་གསོལ་པ།
90a8 བཅོམ་ལྡན་འདས་བྱང་ཆུབ་སེམས་དཔའ་གང་ཆོས་ཐམས་ཅད་རི་རབ་དང་མཚུངས་ཤིང་། རྣམ་པར་མྱི་རྟོག་པར་རབ་ཏུ་འཚལ་བ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་མཐུ་བོ
90a9 ཆེས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་གང་ཉོན་མོངས་པ་ཐམས་ཅད་ཀྱིས་མྱི་མཆོམས་པ་དེ་ནི་དེའི་སླད་དུ་བྱང་ཆུབ་སེམས་དཔའ་ཞེས་བགྱིའོ།། བྱང་ཆུབ་སེམས་དཔའ་སེམས་ཀྱིས་གསོལ
iiif viewer powered by OpenSeadragon
