| e-texts navigator |
| Wylie |
88a1 སྲིད་པ་མྱི་ལེན་པའོ།། སྨྲས་པ་འཇམ་དཔལ་གང་བདེ་བར་གྱུར་པ་ཡིན། སྨྲས་པ་གང་ང་ཡིར་བྱ་བ་མྱེད་པ་རྣམས་སོ།། སྨྲས་པ་འཇམ་དཔལ་སུ་དག་འགྲོ་བ་ཡིན། སྨྲས་པ་གང་དམྱིགས་པར་འཁྲུགས་པ།
88a2 མྱི་བྱེད་པ་རྣམས་སོ།། སྨྲས་པ་འཇམ་དཔལ་སུ་དག་རྒལ་བ་ཡིན་སྨྲས་པ། གང་འཁོར་བ་དང་མྱ་ངན་ལས་འདས་པ་ལ་མྱི་གནས་པ་རྣམས་སོ།། སྨྲས་པ་འཇམ་དཔལ་ཟག་པ་ཟད་པའི་དགེ་སློང་ཅི་ཟད། སྨྲས་པ་ཚངས་པ
88a3 གལ་ཏེ་ཟད་པར་འགྱུར་བ་ནི། ཟག་པ་ཟད་པ་མྱི་འགྱུར་ཏེ། ཟད་པ་དེ་དག་ནི་སྐད་གཅིག་པ་ཡིན་པས། དེས་དེ་བཞིན་གཤེགས་པས་ན། དེའི་ཕྱིར་ཟག་པ་ཟད་པ་ཞེས་བྱའོ།། སྨྲས་པ་འཇམ་དཔལ་སུ་དག་བདེན་པར་སྨྲ་བ་ཡིན།
88a4 སྤྲས་པ་གང་ཡོད་པ་ཐམས་ཅད་ལས་ཤིན་ཏུ་འདས་པ་རྣམས་སོ།། སྨྲས་པ་འཇམ་དཔལ་སུ་ལམ་དུ་ཞུགས་པ་ཡིན། སྨྲས་པ་ཚངས་པ་བྱིས་པ་སོ་སོའི་སྐྱེ་བོ་རྣམས་ལམ་དུ་ཞུགས་པའོ།། སྨྲས་པ། འཇམ
88a5 དཔལ་སུ་ལམ་ངན་པར་ཞུགས་པ་ཡིན། སྨྲས་པ་གང་གིས་ཆོས་ཐམས། ཅད་གང་ནས་ཀྱང་མ་འོངས་པ་དང་། གང་དུ་ཡང་མྱི་འགྲོ་བར་ཤེས་།། པའི་འཕགས་པ་རྣམས་སོ།། སྨྲས་པ་འཇམ་དཔལ་བདེན་པ་མཐོང
88a6 པ་གང་ཡིན་སྨྲས་པ།། ཆོས་གང་ཡང་མྱི་མཐོང་བའོ།། དེ་ཅིའི་ཕྱིར་ཞེ་ན།། ཇི་ཙམ་དུ་མཐོང་བ་དེ་ཙམ་དུ་བསྐུར་ཏེ། མཐོང་བ་མྱེད་པ་ནི། བདེན་པ་མཐོང་བའོ།། སྨྲས་པ་གང་མཐོང་བས་བདེན་པ་མཐོང་། སྨྲས་པ
88a7 ལྟ་བར་གྱུར་ད་པ་ཐམས་ཅད་མ་མཐོང་བས་བདེན་པ་མཐོང་བའོ།། སྨྲས་པ་དེ་གང་དུ་བཙལ་བར་བྱ། སྨྲས་པ་ཕྱི་ནང་ཅི་ལོག་བཞི་དག་ལས་བདེར་བ་བཙལ་བར་བྱའོ།། སྨྲས་པ་འཇམ་དཔལ་ཇི་ལ་བསམས་ཏེ་དེ་སྐད་སྟོན།
88a8 སྨྲས་པ། ཕྱི་རང་ཅི་ལོག་བཞི་ཚོལ་བ་གང་ཡིན་པ་དེ་ལ་རྟག་པ་ཡང་མྱེད། བདེ་བ་ཡང་མྱེད། བདག་ཀྱང་མྱེད། གཙང་བ་ཡང་མྱེད་དེ།། གང་ལ་རྟག་པ་མྱེད་པ་དེ་ནི་མྱི་རྟག་པའོ།། གང་ལ་བདེ་བ་མྱེད་པ་དེ་ནི་སྡུག་སྔལ
88a9 བའོ།། གང་ལ་བདག་མྱེད་པ་དེ་ནི་བདག་མྱེད་པའོ།། གང་ལ་གཙང་བ་མྱེད་པ་དེ་ནི་གཙང་བའོ།། ཚངས་པ་ཆོས་ཐམས་ཅད་ལ་བདག་མྱེད་པ་དེ་ནི་འཕགས་པའི་བདེན་པ་ཚོལ་བ་སྟེ། གང་བདེན་པ་ཚོལ་བ་དེ་ནི་སྡུག
iiif viewer powered by OpenSeadragon
