| e-texts navigator |
| Wylie |
82b1 ལེགས་པར་དྲངས་པ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་སྟོང་ཕྲག་གསུམ་བཅུ་རྩ་གཉིས་ལ་བཀུར་སྟི་བྱས།། བཙུན་པར་བྱས།། རི་མོར་བྱས། མཆོད་པར་བྱས་ཀྱང་དེ་བཞིན་གཤེགས་པའི་དེ་དག་གིས་ང་ལུང་མ་བསྟན།
82b2 ཏོ།། དེའི་ཡང་ཕ་རོལ་ན་ཚངས་པ་བསྐལ་ད་པ་བཀོད་པ་ཞེས་བྱ་བ་བྱུང་སྟེ། དེ་ལ་དེ་བཞིན་གཤེགས་པ་སྟོང་ཕྲག་བརྒྱ་ཅུ་རྩ་བཞི་ལ་ངས་བཀུར་སྟིར་བྱས། བཙུན་པར་བྱས།། རི་མོར་བྱས།། མཆོད་པར་བྱས་ཀྱང་། དེ་བཞིན་གཤེགས
82b3 པ་དེ་དག་གིས་ང་ལུང་མ་བསྟནད་ཏོ།། ཚངས་པ་ངས་གང་རྣམས་ལ་རི་མོར་བྱས་པ་དང་། མཆོད་པར་བྱས་པ་དང་། བཀུར་སྟིར་བྱས་པ་དང་། བཙུན་པར་བྱས་པ་དང་། གང་ལས་ངས་ཚངས་པར་སྤྱོད་པ་སྤྱད་པ་དང་། ངས་བདོག་པ
82b4 ཐམས་ཅད་ཡོངས་སུ་བཏང་བར་བྱས་པ་དང་།། ཚུལ་ཁྲིམས་དང་སྦྱངས་པའི་ཡོན་ཏན་ཡང་དག་པར་གཟུང་བས་ངས་བླངས་པ་དང་། དཁྲོ་བའི་ཟ་བ་དང་། ཕྲ་དོག་དང་། ང་རྒྱལ་དང་། འཆབ་པ་མྱེད་པར་བྱས་ནས། ངས་བཟོད་པ་དང་།
82b5 བྱམས་པ་དང་། བསྒོམས་པ་དང་། བསམ་གཏན་དང་། རབ་ཏུ་དབེན་པར་སྤྱོད་པ་དང་། དབེན་པར་གནས་མལ་ཚ་བ་དང་། ཟས་དང་སྒྲའི་རྗེས་སུ་འགྲོ་བའི་དྲི་བ་ཡོངས་སུ་དྲི་བ་དང་། དེ་བྱེད་པའི་བརྩོན
82b6 འགྲུས་ཀྱིས། ཐོས་པ་ཐམས་ཅད་ཁོང་དུ་ཆུད་པར་བྱས་པའི་དེ་བཞིན་གཤེགས་པ་དེ་དག་གི་མྱིང་ཡང་བསྐལ་པ་འམ་བསྐལ་པ་ལས་ལྷག་པ་ར་བརྗོད་དུ་ཡོད་ཀྱང་།། དེ་བཞིན་གཤེགས་པ་དེ་དག་གིས་བླ་ན་མྱེད
82b7 པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་ཏོ།། དེ་ཅིའི་ཕྱིར་ཞེ་ན། ཚངས་པ། འདི་ལྟར་སྤྱོད་པ་ལ་གནས་པར་འགྱུར་ཏེ། དེ་བས་ན་ཚངས་པ་རྣམ་གྲངས་འདིས་ཀྱང་། ཇི་ནས་བྱང་ཆུབ་སེམས་དཔའ་སྤྱོད་པ་ཐམས་ཅད
82b8 ལས་འདས་པ་རྣམས་ལ་ལུང་བསྟནད་པ་ཡིན་པར་དེ་ལྟར་རིག་པར་བྱའོ།། ཚངས་པ་གང་གི་ཚེ་ངས་དེ་བཞིན་གཤེགས་པ་མར་མེ་མཛད་མཐོང་མ་ཐག་དུ་མྱི་སྐྱེ་བའི་ཆོས་ལ་བཟོད་པ་ཐོབ་པ།། དེ་ནས་གདོད་དེ་བཞིན
82b9 གཤེགས་པ་མར་མེ་མཛད་ཀྱིས་ང་ལ་ཁྱོད་མ་འོངས་པའི་དུས་མ།། བསྐལ་པ་གྲངས་མྱེད་པ་ཡ། ག་ཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས
iiif viewer powered by OpenSeadragon
