| e-texts navigator |
| Wylie |
79a1 འོད་སྲུང་བྱང་ཆུབ་སེམས་དཔའ་དྲ་བ་ཅན་གི་འོད་ཀྱིས་འོད་བསྟནད་པས། སུ་དག་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་བའི་སེམས་ཅན་དེ་དག་གི་མཐར་ཕྱིནད་པར་མྱི་ནུས་སོ།།
79a2 འོད་སྲུང་བྱང་ཆུབ་སེམས་དཔའ་དྲ་བ་ཅན་གྱི་འོད་གྱིས་འོད་བསྟནང་བས་ཀྱང་། སེམས་ཅན་རྣམས་ཀྱི་དོན་བྱེད་ན། ཆོས་བསྟན་པ་ལྟ་ཅི་སྨོས། འོད་སྲུང་རིགས་ཀྱི་བུ་འདིའི་སངས་རྒྱས་ཀྱི་ཞིང་གི་ཡོན་ཏན་བཀོད་པའི་བྱེ་བྲག
79a3 གི་ཕྱོགས་ཙམ་ཞིག་བརྗོད་ཀྱིས་ཉོན་ཅིག། འོད་སྲུང་བྱང་ཆུབ་སེམས་དཔའ་དྲ་བ་ཅན་གི་འོད། བསྐལ་པ་གྲངས་མྱེད་པ་བརྒྱད་སྟོང་ཕྲག་བདུན་བཅུ་རྩ་དྲུག་ན། འཇིག་རྟེན་གི་ཁམས་ཁྱད་པར་གྱི་ཡོན་ཏན་བསྡུས་པ་ཞེས་བྱ་བར
79a4 ཀུན་ཏུ་འོད་རྣམ་པར་འཕྲུལ་བའི་འོད་ཟེར་གྱི་རྒྱལ་པོ་ཞེས་བྱ་བ། དེ་བཞི་ན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་སྟེ། དེ་བྱང་ཆུབ་ཀྱི་ཤིང་དྲུང་དུ་ཉེ་བར་སོང་བ་དང་། འཇིག
79a5 རྟེན་གི་ཁམས་དེའི་བདུད་དམ།། བདུད་ཀྱི་རིས་ཀྱི་ལྷ་ཇི་སྙེད་ཡོད་པ་དེ་དག་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་དུ་ངེས། པར་འགྱུར་རོ།། སྦྱིན་པ་དང་གཏོང་བ་རྒྱ་ཆེར་འགྱུར་རོ།། འོད
79a6 སྲུང་འཇིག་རྟེན་ཀཾ་ཁམས་དེ་ལག་ཟིལ་ལྟར་མཉམ་པར་འགྱུར་རོ།། ཀོས་ཀ་མ་ལ་འདི་ཀ་ལྟར་འཇམ་ཞིང་རེག་ན་བདེ་བ་ལ་རིང་པོ་ཆེ་ཐམ་ས་ཅད་ཀྱིས་སྨྲས་པར་འགྱུར་རོ།། འཇིག་རྟེན་དགི་ཁམས་དེན
79a7 ངན་སོང་མྱེད། མྱི་ཁོམ་པ་མྱེད། སྡོང་དུམ་དང་ཚེར་མ་ཡང་མྱེད་པར་འགྱུར་རོ།། འཇིག་རྟེན་ཀ་ཁམས་དེར་པད་མ་བཀྲོ་བ་དག་ཀྱང་འབྱུང་བར་འགྱུར་རོ།། རིན་པོ་ཆེའི་པད་མ་ཆེན་པོ་དྲི་དང་ལྡན་པ་དག་ཀྱང་འབྱུང་བར
79a8 འགྱུར་རོ།། འཇིག་རྟེན་གི་ཁམས་དེ་དྲི་མ་མྱེད་ཅིང་རྒྱ་ཆེ་བར་འགྱུར་རོ།། ཡང་འོད་སྲུང་འཇིག་རྟེན་གི་ཁམས་ཁྱད་པར་ཡོན་ཏན་བསྡུས་པ་དེ་ན། བཅོམ་ལྡན་འདས་ཀུན་ཏུ་འོད་རྣམ་པར་འཕྲུལ་པ། འོད་ཟེར་གྱི་རྒྱལ་པོ
79a9 དེ་བཞིན་གཤེགས་པ་དེའི་བྱང་ཆུབ་སེམས་དཔའི་དགེ་འདུན་མཐའ་ཡས་པར་བསྒྲུབ་པའི་ཆོས་འགྲོ་བ་ལ་མཁས་པ། རྫུ་འཕྲུལ་གྱིས་རྣམ་པར་འཕྲུལ་པ། འོད་ཀྱིས་ཀུན་ཏུ་བརྒྱད་པ། གཟུངས་ཀྱི་གཏེར་ཐོབ་པ། ཏིང་ངེ
iiif viewer powered by OpenSeadragon
