| e-texts navigator |
| Wylie |
71b1 རྣམས་སྤྲུལང་བའི་རང་བཞིན་དུ་ཤེས་ནས། དེ་བཞི་བལྟག་པ་དགའ་བ་ཡང་མྱི་སྐྱེའོ།། སེམས་ཅན་གཞན་དག་ལ་ཡང་དམན་པར་གྱི་འཛི་རང་ཏོ།། དྲ་བ་ཅན་གི་འོད་ཀྱིས་སྨྲས་པ། ཚངས་པ་ཁྱོད་ཀྱིས་ཆོས་ཐམས།
71b2 ཅད་སྒྱུ་མས་སྤྲུལ་པའི་རང་བཞིན་དུ་ཤེས་སམ།། སྨྲས་པ་རིགས་ཀྱི་བུ་གང་རྣམ་པ་གཉིས་སུ་རྣམ་པར་གཞག་པ་སྤྱོད་པ་དེ་དག་ལ་དྲིས་ཤིག། སྨྲས་པ་ཚངས་པ་ཁྱོད་གང་ལ་སྤྱོད། སྨྲས་པ་གང་ལ་བྱིས་པ་སོ་སོའི་སྐྱེ་བོ་ཐས
71b3 ཅད་སྤྱོད་པ་དེ་ང་ཡང་སྤྱོད་དོ།། སྨྲས་པ་ཚངས་པ་བྱིས་པ་སོ་སོའི་སྐྱེ་བོ་རྣམས་ནི། འདོད་ཆགས་དང་། ཞེ་སྡང་དང་གཏི་མུག་རྣམས་ལ་སྤྱོད་དོ།། འཇིག་ཚོགས་ལ་ལྟ་བ་དང་། ཚུལ་ཁྲིམས་དང་། བརྟུལ་ཞུགས་མཆོག
71b4 ཏུ་འཛིནད་པ་དང་། ཐེ་ཙོམ་དང་ངར་འཛིནད་པ་དང་། པའི་ར་འཛིན་པ་དང་། འདོད་པ་དང་། འདོད་ཆེན་པོ་དང་། ལོག་པར་སྦྱོར་བ་རྣམས་ལ་སྤྱོད་ན་ཅི་ཁྱོད་ཀྱང་དེ་དག་ལ་སྤྱོད་དམ། རིགས་ཀྱི་བུ་ཁྱོད་སོ་སོ་ལ།
71b5 སྐྱེ་བོའི་ཆོས་ཡོངས་སུ་གྲུབ་པར་འདོད་དམ།། སྨྲས་པ་སོ་སོའི་། སྐྱེ་བོ་ཉིད་ཀྱང་ང་མྱི་འདོད་ན། དེ་དག་གི་ཆོས་ཡོངས་སུ་གྲུབ་པར་ག་ལ།། འདོད། སྨྲས་པ་རིགས་ཀྱི་བུ་གང་འདི་ཆོས་ཡོངས་སུ་མ་གྲུབ་པའི
71b6 ཆོས་དེ་ལ། ཆགས་པའམ། ཞེ་སྡང་བ་འམ། གཏི་མུག་པར་བྱ་བ་ཁྱོད་འདོད་དམ། སྨྲས་པ་དེ་ནི་མ་ཡིན་ནོ།། སྨྲས་པ་རིགས་ཀྱི་བུ་ཐམས་ཅད་འདོད་དང་བྲལ་བ་ཞེ་སྡང་དང་བྲལ་བ།། གཏི་མུག་དང་བྲ
71b7 བའི་སྤྱོད་པ་ཡང་དེའི་མཚན་ཉིད་དོ།། རིགས་ཀྱི་བུ་དེ་ལྟར་སྤྱོད་པ་གཉིས་སུ་མྱེད་པའི་ཕྱིར།། སོ་སོའི་སྐྱེ་བོ་སྤྱོད་པ་གང་ཡིན་པ་དེ་ཉིད་འཕགས་པ་རྣམས་ཀྱི་སྤྱོད་པའོ།། རིགས་ཀྱི་བུ་ཡང་སྤྱོད་པ་ཐམས་ཅད་ནི་སྤྱོད་པ་མ་ཡིན
71b8 མོ།། འདོགས་པ་ཐམས་ཅད་མི་འདོགས་པ་མ་ཡིན་ནོ།། འགྲོ་བ་ཐམས་ཅད་ནི་འགྲོ་བ་མ་ཡིན་ནོ།། སྨྲས་པ་ཚངས་པ་དེ་ཇི་ལྟར་ན་སྤྱོད་པ་ཐམས་ཅད་སྤྱོད་པ་མ་ཡིན། སྨྲས་པ། བསྐལ་པ་བྱེ་བ་ཁྲག་ཁྲིག་བརྒྱད་སྟོང་དུ་སྤྱད
71b9 ཀྱང་ཆོས་ཀྱི་དབྱིངས་ལ་བྲི་བ་འམ། གང་བར་མྱི་དམྱིགས་སྟེ། དེའི་ཕྱིར་སྤྱོད་པ་ཐམས་ཅད་སྤྱོད་པ་མ་ཡིན་ནོ།། སྨྲས་པ་ཚངས་པ་དེ་ཇི་ལྟར་ན་འདོག་པ་ཐམས་ཅད་འདོགས་པ་མ་ཡིན་ཞེ་ན། སྨྲས་པ་རིགས་ཀྱི་བུ་ཆོས་ཐམས
iiif viewer powered by OpenSeadragon
