| e-texts navigator |
| Wylie |
69a1 རོ།། ཆོས་ཐམས་ཅད་ཀྱི་ཚུལ་འདི་ཡིན་ཏེ། གང་འདི་སྟོང་པ་ཉིད་ཀྱི་ཚུལ་དང་། མཚན་མ་མྱེད་པའི་ཚུལ་དང་། སྨོན་པ་མྱེད་པའི་ཚུལ་དང་། མངོན་པར་འདུ་མྱི་བྱེད་པའི་ཚུལ་དང་། མྱི་སྐྱེ་བའི་ཚུལ་དང་།
69a2 མྱི་འགག་པའི་ཚུལ་དང་།། འགྲོ་བ་མྱེད་ཅིང་འོང་བ་མྱེད་པའི་ཚུལ་དང་།། འཆི་འཕོ་མྱེད་ཅིང་སྐྱེ་བ་མྱེད་པའི་ཚུལ་དང་། རང་བཞིན་གིས་འོད་གསལ་བའི་ཚུལ་དང་། དབེན་པའི་ཚུལ་ལོ།། རང་བཞིན་གིས་བེམས་པོ་ཡིན་པའི
69a3 ཕྱིར། ཕན་ཚུན་མྱི་འཕྲད་པས་ན།། དེ་བཞིན་གཤེགས་པས་ཡི་གེ་ཐམས་ཅད་ལས་ཐ་རད་པའི་སྒོའི་ཚུལ་སྨོས་སོ་ཚངས་པ་ཡི་གེ་ཐམས་ཅད་ལ་བདེན་པའི་གཏམ་དུ་བལྟ་སྟེ།། གཏམ་ཐམས་ཅད་ནི་དེ་བཞིན་གཤེགས་པའི་ཐརང
69a4 པའི་ཚུལ་བསྟན་པ་བསྟན་ཏོ།། དེ་བཞིན་གཤེགས་པའི་ཆོས་པ་སྟནད་པ་གང་ཀུན་ནས་ཉོན་མོངས་པར་འགྱུར་བ་དེ་གང་ཡང་མྱེད་དོ།། ཆོས་སྟོན་ད་ཏོ་ཚིག་དུ་ཐ་རད་པར་འདྲེན་ཅིང་མྱ་ངན་ལས་འདས་པ་སྟོན་ཏོ།། །
69a5 ཚངས་པ་འདི་ནི་དེ་བཞིན་གཤེགས་པའི་ཚུལ་བསྟནད་པ་ཡིན་ཏེ།། དེ་ལ་བྱང་ཆུབ་སེམས་དཔས་བསླབ་པར་བྱའོ།། ཚངས་པ་དེ་ལ་དེ།། བཞིན་གཤེགས་པ་སྙིང་རྗེ་ཇི་ལྟ་བུས་སེམས་ཅན་རྣམས་ལ་ཆོས
69a6 སྟོནད་ཅེ་ན། སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་རྣམ་པ་སུམ་བཅུ་རྩ་གཉིས་དང་ལྡན་པ་སྐྱེའོ།། སུམ་བཅུ་རྩ་གཉིས་གང་ཞེ་ན།། ཆོས་ཐམས་ཅད་བདག་མྱེད་པ་ཡིན་ན།། སེམས
69a7 རྣམས་ནི་བདག་མྱེད་པར་མ་མོས་ཏེ། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་སེམས་ཅན་མྱེད་པ་ཡིན་ན། སེམས་ཅན་རྣམས་ནི་སེམས་ཅད་དུ་སྨྲ་སྟེ།། དེའི་ཕྱིར་སེམ
69a8 ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་རི་སྲོག་མྱེད་པ་ཡིན་ན།། སེམས་ཅན་རྣམས་སྲོག་ཏུ་སྨྲའོ་ཞེས།། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།།
69a9 ཆོས་ཐམས་ཅད་གང་ཟག་མྱེད་པ་ཡིན་ན། སེམས་ཅན་རྣམས་ནི་གང་ཟག་ལ་གནས་ཏེ།། དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་སྙིང་རྗེ་ཆེན་པོ་སྐྱེའོ།། ཆོས་ཐམས་ཅད་ནི་ངོ་བོ་མྱེད་པོ་ཡིན་ན། སེམས་ཅན་རྗེས
iiif viewer powered by OpenSeadragon
