| e-texts navigator |
| Wylie |
67b1 དབྱིངས་ལ་གཏུམ་པ་མྱེད་པས་ཞེ་སྡང་ནི་ཡང་དག་པའི་མཐའོ།། ཆོས་རྣམས་ལ་རྨོངས་པ་མྱེད་པའི་ཕྱིར། གཏི་མུག་ནི་གཏི་མུག་མྱེད་པའི་མཐའོ།། འཆི་འཕོ་མྱེད་པ་དང་། སྐྱེ་བ་མྱེད་པོའི་ཚུལ་གྱིས་འཁོར་བ་ཡང་མྱ
67b2 ངན་ལས་འདས་པའོ།། མངོན་པར་ཆགས་པའི་ཚུལ་གྱིས་མྱ་ངན་ལས་འདས་པ་ཡང་འཁོར་བའོ།། ཐ་སྙད་དུ་འདོགས་པའི་ལྟ་བས་བདེན་པ་ཡང་བརྫུན་པའོ།། མངོན་པོའི་ང་རྒྱལ་ཅན་རྣམས་ལ་ནི།། བརྫུན་པ་ཡང
67b3 བདེན་པའོ།། ཞེས་དེ་ལྟར་ཤེས་སོ།། གཞན་ཡང་ཚངས་པའི་དེ་བཞིན་གཤེགས་པ་ནི་ལྡེམ་པོ་ངག་གིས་རྣམ་གྲངས་ཀྱིས་བདག་ཉིད་རྟག་པར་སྨྲ་བར་ཞལ་གིས་བཞེས་སོ།། བདག་ཉིད་ཀུན་ནས་ཉོན་མོངས་པར་སྨྲ་བ
67b4 དང་། ཆད་པར་སྨྲ་བ་དང་། བྱ་བ་མྱེད་པར་སྨྲ་བ་དང་། ལོག་པར་བལྟ་བུ་དང་། མ་དད་པ་དང་། བྱས་པ་མྱི་གཟོའ་བ་དང་། ཚམས་གཅོད་པ་དང་། སྐྱུགས་པ་ཟ་བ་དང་། ཀོ་སྐབས་མྱི་ཕྱེད་པར་ཞལ་གྱིས་བཞེས་ཀྱང
67b5 དེ་བཞིན་གཤེགས་པ་ནི་བཤད་པ་འདི་དག་ལ་མྱི་འབྱུང་བ་སྣང་ངོ་པོ།། ལྡེམ་པོ་དག་གང་གིས་སེཾས་ཅན་རྣམས་ལྷག་པོའི་ང་རྒྱལ་འཛིན་ད་པར་འདོར་བར་འགྱུར་བའི་ལྡེམ་པོ་ངག་དེ་དེ་བཞིན་གཤེགས་པ
67b6 སྟོར་ང་ཏེ།། དེ་ནི་དེ་བཞིན་གཤེགས་པའི་ལྡེམ་པོ་ངག་གོ།། ཚངས་པ་དེ་ལྟར་ན་དེ་བཞིན་གཤེགས་པ་ལྡེམ་པོ་དག་ཏུ་ཆོས་སྟོནད་ཏོ།། དེ་ལ་བྱང་ཆུབ་སེམས་དཔའས་སྤྱོད་པ་ལ་མཁས་པར་བློ་སྤྱད་པར
67b7 བྱའོ།། དེ་དེ་ལྟར་མཐར་ཕྱི་རད་པས་བསྟནད་པ་ཐམས་ཅད་ལ་མཁས་པར་འགྱུར་རོ།། དེ་སེམས་ཅན་རྣམས་ལ་གཟུགས་ཀྱིས་སྐུ་སྟོནད་པས་སངས་རྒྱས་འབྱུང་ངོ་སྙམ་དུ་མོས་པར་འགྱུར་རོ།། ཆོས་ཀྱི་སྐུས་རབ་ཏུ་ཕྱེ་བའི
67b8 ཕྱིར་དེ་བཞིན་གཤེགས་པ་མ་བྱུང་བའོ།། ཞེས་མོས་པར་འགྱུར་རོ།། ཡི་གེ་རྣམ་པར་རིག་པ་ལྷུར་བྱེད་པའི་སེམས་ཅན་རྣམས་ལ་དེ་བཞིན་གཤེགས་པས་ཆོས་བསྟན་ཏོ།། ཞེས་མོས་པར་འགྱུར་རོ།། ཆོས་ཉིད་བརྗོད་དུ
67b9 མྱེད་པར་ངེས་པར་བྱས་ནས། ཆོས་བསྟན་པ་མྱེད་དོ་ཞེས་མོས་པར་འགྱུར་རོ།། ཕྱི་ནོད་ཅི་ལོ་ཀ་ལས་བྱུང་བའི་ཉོན་མོངས་པ་ཡོངས་སུ་མྱ་ངན་ལས་ཟླ་བའི་ཕྱིར་ཡོངས་སུ་མྱ་ངན་ལས་འདས་པ་ཡོད་དོ་ཞེས་མོས་པར།
iiif viewer powered by OpenSeadragon
