| e-texts navigator |
| Wylie |
66b1 སངས་རྒྱས་ཀྱི་མཛད་པས་སེམས་ཅན་རྣམས་ལ་ཉེ་བར་གནས་པ་ཞེས་བྱའོ།། གསོལ་དཔ་བཅོམ་ལྡན་འདས་དེ་བཞིན་གཤེགས་པའི་སྟོབས་ལྔའི་སྦྱོར་བ་གང་ལགས།། བཅོམ་ལྡན་འདས་ཀྱིས་བཀའ་སྩལ་པ། ཆོས
66b2 སྨྲ་བ་དང་། སྡེམ་པོ་ངག་དུ་སྨྲ་བ་བསྟནང་པ་དང་།། ཐབས་ཀྱི་ཆོས་ལ་མོས་པར་བྱེད་པ་དང་། ཚུལ་ཉེ་བར་བསྟནད་པ་དང་། སྙིང་རྗེ་ཆེན་པོའི་རྗེས་སུ་འདུག་པ་སྟེ། ཚངས་པ་འདི་དག་ནི་གང་ཉན་ཐོས་དང་རང་སངས་རྒྱས་ཐམས
66b3 ཅད་ཀྱིས་མ་ཡིན་པ།། དེ་བཞིན་གཤེགས་པའི་སྟོབས་ལྔའི་སྦྱོར་བའོ།། གསོལ་པ་བཅོམ་ལྡན་འདས་གསུང་བ་གང་གིས་དེ་བཞིན་གཤེགས་པའི་ཆོས་རྣམས་གསུང་། བཅོམ་ལྡན་འདས་ཀྱིས་བཀའ་སྩལ་པ། ཚངས
66b4 པ་འདས་པ་སྨྲ་བ་དང་། མ་འོངས་པ་སྨྲ་བ་དང་། ད་ལྟར་བྱུང་བ་སྨྲ་བ་དང་། ཀུན་ནས་ཉོན་མོངས་པ་སྨྲ་བ་དང་། རྣམ་པར་བྱང་བ་སྨྲ་བ་དང་། དགེ་བ་དང་མྱི་དགེ་བ་སྨྲ་བ་དང་། འཇིག་རྟེན་པ་དང་། འཇིག་རྟེན་ལས་འདས
66b5 བ་སྨྲ་བ་དང་། ཟག་པ་དང་བཅས་པ་དང་། ཟག་པ་མྱེད་པར་སྨྲ་བ། དང་། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མྱེད་པར་སྨྲ།། བ་དང་། འདུས་བྱས་དང་འདུས་མ་བྱས་སྨྲ་བ་དང་། བདག་དང་སེཾས
66b6 ཅན་དང་། སྲོག་དང་། གསོའ་བ་དང་། སྐྱེས་བུ་དང་། གང་ཟག་སྨྲ། བ་དང་། ཐོབ་པ་མངོན་དུ་བྱེད་པ་སྨྲ་བ་དང་། འཁོར་བ་དང་མྱ་ངན་ལས་འདས་པ་སྨྲ་བ་དང་། ཚངས་པ་སྨྲ་བ་དེ་དག་ཀྱང་ཡོངས་སུ་མ་གྲུབ
66b7 པའི་ཚུལ་གྱིས་སྨྲ་བ་སྒྱུ་མ་ལྟ་བུར་བལྟའོ།། མྱེད་པ་མཐོང་བའི་ཚུལ་གྱིས་སྨྲ་བ་རྨྱི་ལམ་ལྟ་བུར་བལྟའོ།། རཔ་ཀའི་སྒྲ་སྐད་ཀྱི་ཚུལ་གྱི་སྨྲ་བ་བྲག་ཆ་ལྟ་བུར་བལྟའོ།། རྐྱེ་དང་འདུས་པའི་ཚུལ་གྱིས་སྨྲ་བ་མྱི་གཡོར་ལྟ་བུར་བལྟའོ།།
66b8 རྒྱུ་མྱི་འཕོ་བའི་ཚུལ་གྱིས་སྨྲ་བ་གཟུགས་བརྙ་ལྟ་བུར་བལྟའོ།། ཕྱི་ནང་ཅི་ལོག་ཏུ་མཐོང་བའི་ཚུལ་གྱིས་སྨྲ་བ་སྤྱིག་རྒྱུ་ལྟ་བུར་བསྡུའོ།། མྱི་འབྱུང་མྱ་འཇིག་པའི་ཚུལ་གྱིས་སྨྲ་བ་ནས་ཀ་ལྟ། ཁུར་བལྟའོ།། བརྗོད་དུ་མྱེད་པའི
66b9 ཚུལ་གྱིས་སྨྲ་བ་སྨྲར་མྱེད་པར་བལྟའོ།། ཚངས་པ་བྱང་ཆུབ་སེམས་དཔའ་གང་ཆོས་སྨྲ་བ་འདི་ཤེས་ན། བྱང་ཆུབ་སེམས་དཔའ་དེ་དག་ནི་སྨྲ་བ་ཐམས་ཅད་སྨྲ་བ་ཡང་། ཆོས་གང་ལ་ཡང་མངོན་པར་མྱི་ཆགས་སོ།།
iiif viewer powered by OpenSeadragon
