| e-texts navigator |
| Wylie |
65a1 པར་འགྱུར་རོ།། དེ་དག་ཆོས་ཐམས་ཅད་ལ་མྱི་གནས་པའི་སླད་དུ། རླུང་དང་མཚུངས་པར་འགྱུར་རོ།། དེ་དག་ཉོན་མོངས་པའི་དྲིམ་ཐམས་ཅད་འབྲུ་བའི་སླད་དུ། ཆུ་དང་མཚུངས་པར་འགྱུར་རོ།།
65a2 དེ་དག་རློམ་སེམས་ཐམས་ཅད་ཡང་དག་པར་འཇོམ་པའི་སླད་དུ། མྱེ་དང་མཚུངས་པར་འགྱུར་རོ།། དེ་དག་སྐྱོང་མྱི་ནུས་པའི་སླད་དུ། རི་རབ་དང་མཚུངས་པར་འགྱུར་རོ།། དེ་དག་ལྷག་པའི་བསམ་པ་བརྟན་ཞིང
65a3 མྱི་ཕྱེད་པའི་སླད་དུ།། རྡོ་རྗེ་ལྟར་སྲ་བའི་འཁོར་ཡུག་ཀི་རི་ལྟ་བུར་འགྱུར་རོ།། དེ་དག་ཕས་ཀྱིས་རྒོལ་བ་ཐམས་ཅད་ཀྱིས་གདུལ་བར་དཀའ་བར་འགྱུར་རོ།། དེ་དག་ཉན་ཐོས་དང་རང་སངས་རྒྱས་ཐམས་ཅད་ཀྱིས
65a4 གཏིང་དཔག་དཀའ་བར་འགྱུར་རོ།། དེ་དག་ཆོས་རིན་པོ་ཆེ་ཐམ་ས་ཅད་འདུལ་བའི་སླད་དུ་རྒྱ་མཚོ་ལྟ་བུར་འགྱུར་རོ།། དེ་དག་ཉོན་མོངས་པ་ཐམས་ཅད་བས་པའི་སླད་དུ་གཏིང་དང་འདྲ་བར་འགྱུར་རོ།།
65a5 དེ་དག་ཆོས་ཡོངས་སུ་ཚོལ་བས་ཆོག་མྱི་ཤེས་པར་འགྱུར་རོ།། དེ་དག་ཤེས་རབ་ཀྱིས་ངོམས་པར་འགྱུར་རོ།། དེ་དག་ཆོས་ཀྱི་འཁོ། ར་ལོ་རབ་ཏུ་བསྐོར་བས། རྒྱལ་པོ་དང་མཚུངས་པར་འགྱུར་རོ།།
65a6 དེ་དག་གཟུགས་འཛིན་པའི་སླད་དུ། རྒྱ་བྱིན་དང་མཚུངས་པར་འགྱུར་རོ།། དེ་དག་དབང་བསྒྱུར་བའི་སླད་དུ་ཚངས་པ་དང་མཚུངས་པར་འགྱུར་རོ།། དེ་དག་ཆོས་མངོན་པར་སྒྲོག་པོའི་སླད་དུ། སྤྲིན་དང་འདྲ་བར་འགྱུར་རོ།།
65a7 དེ་དག་བདུད་རྩིའི་ཆར་རབ་ཏུ་འབེབས་པའི་སླད་དུ་ཆར་དང་འདྲ་བར་འགྱུར་རོ།། དེ་དག་དབང་པོ་དང་སྟོབས་དང་བྱང་ཆུབ་ཀྱི་ཡན་ལག་རྣམས་རྣམ་པར་འཕེལ་བར་བགྱིད་པར་འགྱུར་རོ།། དེ་དག་འཁོར་བའི་འདམ་ལ་རྒལ
65a8 བར་འགྱུར་རོ།། དེ་དག་སངས་རྒྱས་ཀྱི་ཡེ་ཤེས་ལ་ཞུགས་པར་འགྱུར་རོ།། དེ་དག་སངས་རྒྱས་ཀྱི་བྱང་ཆུབ་ལ་ཉེ་བར་འགྱུར་རོ།། དེ་དག་བློས་མཉམ་པ་མ་མཆིས་པར་འགྱུར་རོ།། དེ་དག་ཐོས་པས་མྱི་མཉམ་པ་དང
65a9 མཉམ་པར་འགྱུར་རོ།། དེ་དག་གཞལ་བ་སྲ་འདས་པའི་སླད་དུ། མཚུངས་པ་མ་མཆིས་པའི་སླད་དུ། མཚུངས་པ་མ་མཆིས་པར་འགྱུར་རོ།། དེ་དག་སྤོབས་པས་ཐོགས་པ་མ་མཆིས་པར་འགྱུར་རོ།། དེ་དག་གཟུངས
iiif viewer powered by OpenSeadragon
