| e-texts navigator |
| Wylie |
61a1 གང་ན་འདི་འདྲ་གྲག་པོའི།། ཕྱོགས་དེ་སངས་རྒྱས་སྟོངས་མ་ཡིན།། སེམས་དཔའ་ཆེན་པོ་རིང་མྱི་ཐོགས།། བྱང་ཆུབ་སྙིང་པོར་འགྲོ་བར་འགྱུར།། གང་རྣམས་འཇིག་རྟེན་བསྟནད་པ་འདི།། རྣ་ལམ།
61a2 རྣམས་གྲག་པར་གྱུར་ད་པ་དག། གཡོ་ཅན་བདུད་རྣམས་བཅོམ་ནས་ནི།། བྱང་ཆུབ་མཆོག་ཏུ་རྫོགས་འཚང་རྒྱ།། དེ་ནས་བཅོམ་ལྡན་འདས་ཀྱིས་ཚངས་པ་ཁྱད་པར་སེམས་ལ་འདི་སྐད་ཅེས་བཀའ་སྩལ་ད་ཏོ།། ཚངས་པ
61a3 དེ་བཞིན་གཤེགས་པ་འཇིག་རྟེན་གི་ཡུལ་ལས་འདས་པས།། འཇིག་རྟེནད་དང་འཇིག་རྟེན་ཀུན་ཏུ་འབྱུང་བ་དང་།། འཇིག་རྟེ་ནད་འགོག་པ་དང་འཇིག་རྟེནད་འགོག་པར་འགྲོ་བའི་ལམ་དུ་ཡང་འདོགས་སོ།། ཚངས་པ་དེ་ལ།
61a4 འཇིག་རྟེན་ད་ཞེས་བྱ་བ་ནི་ཕུང་པོ་ལྔ་རྣམས་སོ།། གང་དེ་ལ་ཆགས་པ་དེ་ནི་འཇིག་རྟེན་ཀུན་ཏུ་འབྱུང་བའོ།། གང་ཕུང་པོ་རྣམས་ཀྱི་ཟད་པ་དང་།། འགག་པ་དེ་ནི་འཇིག་རྟེན་འགག་པའོ།། གང་ཕུང་པ་རྣམས་ཀྱི་ཟད
61a5 པ་དང་། འགག་པ་དན་འཇིག་རྟེན་འགག་པ་ལ།། གང་ཕུང་པོ། རྣམས་ཚོལ་བ་དང་། མྱི་ཚོལ་བ་གཉིས་སུ་མྱེད་པ་དེ་ནི་ལམ་མོ།། གཞན་ཡང་ཚངས་པ་ཕུང་པོ་རྣམས་ཕུང་པོ་རྣམས་ཤེས་ཐ་སྙད་དུ
61a6 འདོགས་པ་ལ་གང་སྨྲ་བ་དང་། སྨྲ་བར་བལྟ་བ་འདི་ནི་འཇིག་རྟེན་ནོ།། གང་བལྟ་བ་དེ་ནི་རྗེས་སུ་འབྲང་བ་འདི་ནི་འཇིག་རྟེན་ཀུན་འབྱུང་བའོ།། གང་ལྟ་བ་དེ་ཇི་ལྟ་བ་བཞིན་དུ་མཚན་ཉིད་འགག་པ་དེ་མི།། འཇིག
61a7 རྟེན་འགག་པ་ཞེས་བྱའོ།། ལམ་གང་གིས་ལྟ་བ་དེ་དག་མྱི་འཛིནད་པ་དེ་ནི་འཇིག་རྟེནད་འགག་པར་འགྲོ་བའི་ལམ་སྟེ། ཚངས་པ་ངས་འདི་ལ་བསམས་ནས།། པ་ནི་ལུས་འདོམ་གང་བ་འདི་ལ།། འཇིག་རྟེནད་དང
61a8 འཇིག་རྟེན་དཀུན་བྱུང་བ་དང་། འཇིག་རྟེནད་འགག་པ་དང་། འཇིག་རྟེན་འགྲག་པར་འགྲོ་བའི་ལམ་དུ་འདོགས་སོ་ཞེས་ཚིག་དེ་སྐད་བཤང་ངོ་།། དེ་ནས་བཅོམ་ལྡན་འདས་ལ་ཚངས་པ་ཁྱད་པར་སེམས་ཀྱིས་འདི་སྐད་ཅེས་གསོལ
61a9 ཏོ།། བཅོམ་ལྡན་འདས་དེ་བཞིན་གཤེགས་པས་གང་འདི་འཕགས་པའི་བདེན་པ་བཞི་བསྟནད་པ།། བཅོམ་ལྡན་འདས་འཕགས་པ་རྣམས་ཀྱི་བདེན་པ་གང་ལགས།། བཅོམ་ལྡན་འདས་ཀྱིས་བཀའ་སྩལ་པ།།
iiif viewer powered by OpenSeadragon
