| e-texts navigator |
| Wylie |
57a1 སྟེ་དཔེར་ན་སྐྱེས་བུ་ཀཞམ་ཞིག་ནམ་མཁའ་རྙེད་པར་བྱའོ་ཞེས་ནམ་མཁའ་ཚོལ་ཏེ།། ཕྱོགས་དང་ཕྱོགས་མཚམས་སུ་རྒྱུག་ཅིང་། མི་ཙམ་དུ་ནམ་མཁའ་མྱིང་ནས་བརྗོད་ཀྱང་ནམ་མཁའ་ཀ་མྱི་རྙེད།
57a2 དོ།། དེ་ནས་ནམ་མཁའ་དེ་ཉིད་ཀྱི་ནང་ནས་འགྲོ་ཡང་དེ་མྱི་མཐོང་ངོ་།། དེ་ཅིའི་ཕྱིར་ཞེ་ན། གང་ནམ་མཁའ་ཞེས་བྱ་བ་དེ་ནི་མྱིང་ཙམ་མོ།། རིགས་ཀྱི་བུ་དེ་བཞིན་དུ་དགེ་སློང་འདི་དག་ཀྱང་མྱ་ངན་ལས་འདས་པ་དངོས་པོར
57a3 ཚོལ་ཏེ། མྱ་ངན་ལས་འདས་པ་དེ་ཉིད་ལ་རྣམ་པར་སྤྱོད་ཀྱང་དེ་མྱི་མཐོང་ངོ་།། ཁོང་དུ་མྱི་ཆུད་དོ།། དེ་ཅིའི་ཕྱིར་ཞེ་ན། རིགས་ཀྱི་བུ་གང་མྱ་ངན་ལས་འདས་པ་ཞེས་བྱ་བ་དེ་ནི་མྱིང་ཙམ་མོ།། ཇི་ལྟར་ནམ་མཁན་ཀ་ཞེས་བརྗོད་ཀྱང
57a4 དེ་གཟུང་དུ་མྱེད་པ་དེ་བཞིན་དུ་མྱ་ངན་ལས་འདས་པ་མྱ་ངན་ལས་དངས་པ་ཞེས་བརྗོད་པ་ཡང་གཟུང་དུ་མྱེད་པའོ།། དེ་ནས་དགེ་སློང་ལྔ་བརྒྱ་པོ་དེ་དག་བཤད་པ་འདི་ཐོས་ནས།། ཟག་པ་ལས་ལེ་ནད་པ
57a5 མྱེད་པར་སེམས་རྣམ་པར་གྲོལ་ཏེ།། མངོན་པར་ཤེས་པ་ཐོབ་པ་དེ། ངག་གིས་ཚིག་སྨྲས་པ། བཅོམ་ལྡན་འདས་གང་རྣམས་ཆོས་ཐམ། ས་ཅད་ཤི་ནད་ཏུ་ཡོངས་སུ་མྱ་ངན་ལས་འདས་པ་ལ་མྱ་ངན་ལས
57a6 འདས་པ་དངོས་པོར་ཚོལ་བ་དེ་དག་ལ་སངས་རྒྱས་འབྱུང་བ་མ་མཆིས་སོ།། བཅོམ་ལྡན་འདས་བདག་ཅག་ནི་སོ་སོའི་སྐྱེ་བོ་ཡང་མ་ལགས།། བསྒོ་བ་པ་ཡང་མ་ལགས།། དགྲ་བཅོམ་པ་ཡང་མ་ལགས། འཁོར་བའི
57a7 ཆོས་ཅན་ཡང་མ་ལགས། མྱ་ངན་ལས་འདས་པའི་ཆོས་ཅན་ཡང་མ་ལགས་ཏེ། དེ་ཅིའི་སྲད་དུ་ཞེ་ན། བཅོམ་ལྡན་འདས་སངས་རྒྱས་འབྱུང་བ་ནི་བྱེད་པ་དང་། སེམས་པ་དང་། གཡོ་བ་དང་། སྤྲོས་པ་ཐམས་ཅད་མ་མཆིས
57a8 པའོ།། དེ་ནས་ཚེ་དང་ལྡན་པ་ཤ་རིའི་བུས་དགེ་སློང་དེ་དག་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་དག་གྱིས་དགེ་སྦྱོང་ཉིད་ཁོང་དུ་ཆུད་དོ།། རང་གི་དོན་བྱས་སོ།། དེ་དག་གིས་སྨྲས་པ། བཙུན་པ་ཤ་རིའི་བུ་བདག་ཅག
57a9 གྱིས་ཀུན་ནས་ཉོན་མོངས་པ་ཁོང་དུ་ཆུད་དོ།། མྱི་བྱ་བ་བྱས་སོ།། ཤ་རིའི་བུས་སྨྲས་པ།། ཚེ་དང་ལྡན་པ་བདག་ཅི་ལས་བསམས་ཏེ་དེ་སྐད་སྟོན་།། དེ་དག་གིས་སྨྲས་པ། བཙུན་པ་ཤ་རིའི་བུ་ཀུན་ནས་ཉོན་མོངས་པ
iiif viewer powered by OpenSeadragon
