| e-texts navigator |
| Wylie |
55b1 མ་ཡིན་པའོ།། སྨྲས་པ་ཚངས་པ་ཇི་ལྟར་ན་ཆོས་ཐམས་ཅད་ཚུལ་བཞིན་ཆོས་ཐམས་ཅད་ནི་ཚུལ་བཞིན་མ་ཡིན།། སྨྲས་པ་ཆོས་ཐམས་ཅད་བསམ་གྱིས་མྱི་ཁྱབ་པའི་ཕྱིར། ཆོས་ཐམས་ཅད་ནི་ཚུལ་བཞིན་མོ།། ཆོས་ཐམས
55b2 ཅད་བསམ་གྱིས་མྱི་ཁྱབ་པ་ལ་སེམས་པར་ཞུགས་པ་དེ་དག་གྱིས་ཚུལ་བཞིན་མ་ཡིན་པའོ།། ཆོས་ཐམས་ཅད་ནི་དབེན་པའི་མཚན་ཉིད་དེ་དེ་ནི་དེ་བཞིན་ནོ།། གང་དབེན་པ་ལ་མ་མོས་པ་དེ་དག་ནི་ལྷག་པར་བྱེད་པ་ལ་ཞུག།
55b3 པའོ།། གང་ལྷག་པར་བྱེད་པ་ལ་ཞུགས་པ་དེ་དག་ནི། ལྷག་པར་བྱེད་པ་ལ་བརྩོན་པའོ།། གང་ལྷག་པར་བྱང་བ་ལ་བརྩོན་པ་དེ་དག་ཅི་ཙམ་དུ་ལྷག་པར་བྱེད་པ་དེ་ཙམ་དུ་ཚུལ་བཞིན་མ་ཡིན་པའོ།། སྨྲས་པ་ཚངས་པ
55b4 ཆོས་རྣམས་ཀྱི་ཚུལ་གང་ཡིན་སྨྲས་པ།། རིགས་ཀྱི་བུ་རང་གི་ཡུལ་དབེན་པ་འདོད་ཆགས་དང་བྲལ་བའི་མཐའ་ནི་ཆོས་རྣམས་ཀྱི་ཚུལ་ལོ།། སྨྲས་པ་ཚངས་པ་གང་ཆོས་རྣམས་ཀྱི་ཚུལ་འདི་ཁོང་དུ་ཆུད་པའི་སེམས
55b5 ཅན་དེ་དག་ནི་ཉུང་ཞིག་འབྱུང་བར་འགྱུར་རོ།། སྨྲས་པ་རིགས་ཀྱི།། བུ་འདོད་ཆགས་དང་བྲལ་བའི་མཐའ་ནི་གཅིག་པ་ཡང་མ་ཡིན།། མང་པོ་ཡང་མ་ཡིན་ཏེ། དྲ་བ་ཅན་གི་འོད་རིགས་ཀྱི་བུ་འམ།
55b6 རིགས་ཀྱི་བུ་མོ་གང་ཆོས་རྣམས་ཀྱི་ཚུལ་བཞིན་འདི་དག་གི་རྗེས་སུ་སོང་བ་འམ། རྗེས་སུ་འགྲོ་བའམ། རྗེས་སུ་འགྲོ་བར་འགྱུར་བ་དེ་ངག་གིས་ཆོས་གང་ཡང་མ་རྟོགས། མྱི་རྟོགས་པར་མྱི་འགྱུར་རོ།།
55b7 དེ་ཅིའི་ཕྱིར་ཞེ་ན། ཁོང་དུ་ཆུད་བ་མྱེད་པར་བཅོམ་ལྡན་འདས་ཀྱིས་ཀུན་ཤེས་པ་དང་། ལུང་བསྟན་ང་པ་གསུངས་སོ།། གང་རྣམས་ཚུལ་བཞིན་དུ་ཆོས་བསྟནད་པ་དང་། འདི་ཐོས་ནས་མོས་པར་བྱེད་པ་དེ་དག་མི།། ཇི་ལྟར
55b8 བསྟན་པ་དེ་བཞིན་དུ་སྦྱོར་བ་ཡིན་ཏེ། དེ་དག་ནི་ཆོས་གང་ལ་ཡང་སྤྲོ་བར་མྱི་བྱེད་པར་འགྱུར་རོ།། སུ་ཆོས་གང་ལ་ཡང་སྤྲོས་པར་བྱེད་པར་མྱི་འགྱུར་བ་དེ་དག་ནི་ཆོས་གང་ཡང་ཁུང་དུ་ཆུད་པར་མྱི་འགྱུར་རོ།། སུ་ཆོས་གང
55b9 ལ་ཡང་ཁོང་དུ་ཆུད་པར་མྱི་འགྱུར་བ་དེ་དག་མི། འཁོར་བར་འགྲོ་བ་ཡང་མ་ཡིན། མྱ་ངན་ལས་འདས་པའི་ཆོས་ཅན་ཡང་མ་ཡིན་ནོ།། དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱིས་འཁོར་བར་ཡང་མ་དམྱིགས། ཡོངས་སུ
iiif viewer powered by OpenSeadragon
