| e-texts navigator |
| Wylie |
53b1 པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལྟུང་བ་ལས་འབྱུང་བ་ལ་མཁས་པ་རྣམས་ཡིན་ཏེ།། བཞི་གང་ཞེ་ན། ནང་ནས་མྱི་སྐྱེ་བའི་ཆོས་ལ
53b2 བཟོད་པ་དང་། མྱི་འཕོ་བས་མྱི་འགག་པ་ལ་བཟོད་པ་དང་། རྒྱུ་ལ་སོ་སོར་རྟོག་པས།། རྟེནད་ཅིང་འབྲེལ་པར་འབྱུང་བ་ལ་བཟོད་པ་དང་། གཅིག་ནས་གཅིག་ཏུ་སེམས་ཕན་ཚུན་དུ་གྱུར་ད་པ་སྟེ། བཞི་པོ་འདི་དག་གོ།།
53b3 ཚངས་པ་ཆོས་བཞི་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཉོན་མོངས་པ་རྣམ་པར་སྦྱོང་སྟེ།། བཞི་གང་ཞེ་ན། ཚུལ་བཞིན་དུ་སོ་སོར་རྟོག་པ་དང་།། མ་འོངས་པ་ན་སྡོམ་པ་དང་། དཀར་པོའི་ཆོས
53b4 ཀྱི་སྟོབས་བསྐྱེད་པ་དང་། རབ་ཏུ་དབེན་པར་གནས་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འཁོར་གྱི་ནང་དུ་འགྲོ་སྟེ། བཞི་གང་ཞེ
53b5 ན། ཆོས་འདོད་པའི་ཕྱིར་ཏེ།། ཀླན་ཀ་ཚོལ་བའི་བསམ་པས་མ།། ཡིན་པ་དང་། རི་མོ་དང་བཅས་པའི་ཕྱིར་ཏེ། ང་རྒྱལ་དང་བྱིངས་པས།། མ་ཡིན་པ་དང་། དགེ་བ་གང་ཡིན་པ་ཚོལ་བའི་ཕྱིར་ཏེ། བདག་སྤྱོས
53b6 པས་མ་ཡིན་པ་དང་། སེམས་ཅན་རྣམས་དགེ་བའི་རྩ་བ་ལ་གཟུ་ང་བའི་ཕྱིར་ཏེ།། རྙེད་པ་དང་། བཀུར་སྟི་དང་། ཚིགས་སུ་བཅད་པོའི་ཕྱིར་མ་ཡིན་པ་སྟེ། བཞི་པོ་འདི་དག་གོ།། ཚངས་པ་ཆོས་བཞི་དང
53b7 ལྔར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཀྱི་སྦྱིན་པ་རྣམ་པར་འབྱེད་དེ། བཞི་གང་ཞེ་ན། དམ་པའི་ཆོས་ཡོངས་སུ་འཛིན་པ་དང་། བདག་ཉིད་ཀྱི་ཤེས་རབ་གསལ་བར་བྱེད་པ་དང་། སྐྱེས་བུ་དམ་པའོ།
53b8 ལས་བྱེད་པ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་སྟོནད་པ་སྟེ། བཞི་པོ་འདི་དག་གོ།། ཚངས་པའི་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་རྒྱུའི་སྟོབས་དང་ལྡན་ཞིང་།
53b9 དགེ་བའི་རྩ་བ་ཆུང་མྱི་ཟ་བ་ཡིན་ཏེ། བཞི་གང་ཞེ་ན། གཞན་གི་འཁྲུལ་པ་ལ་ཉེས་པར་མྱི་ལྟུང་བ་དང་། ཁྲོས་པ་རྣམས་ལ་བྱམས་པ་སྒོམ་པ་དང་། ཆོས་རྣམས་ཀྱི་རྒྱུ་སྟོནང་པ་དང་། བྱང་ཆུབ་ཀྱི་སེམས་མྱི་གཏོང་བ་སྟེ།
iiif viewer powered by OpenSeadragon
