| e-texts navigator |
| Wylie |
48b1 མུ་མྱེད་པ་དང་ལྡན་པ་ཡིན་ནོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་དྲ་བ་ཅན་གི་འོད་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འདི་ལྟར་དེ་བཞིན་གཤེགས་པའི།།
48b2 སྐུ་ལ་བཀོད་པ་ཚད་མ་མཆིས་པར་བསྟནད་པ་འདི་དང་། ཐབས་མཁས་པ་བསམ་གྱིས་མྱི་ཁྱབ་པ་དང་ལྡན་པའི་ཆོས་བསྟན་པ་ངོ་མཚརང་ཏོ།། བཅོམ་ལྡན་འདས་འོད་ཟེར་འདི་དག་ནི་བདག་ཅག་གིས་སྔོན་མ་ཐོས་ཏེ།
48b3 ཇི་ལྟར་བཅོམ་ལྡན་འདས་ཀྱིས་བཤད་པའི་ངོར་བདག་འཚལ་བར་བལྟར་ན། བཅོམ་ལྡན་འདས་བྱང་ཆུབ་སེམས་དཔའ་གང་ལ་ལ་འོད་ཟེར་འདི་དག་གི་མྱིང་ཐོས་ནས་དད་པ་སྙེད་པར་འགྱུར་བ་དེ་དག་ཐམས་ཅད་ཡང་དག་པར
48b4 རྫོགས་པའི་སངས་རྒྱས་ཀྱི་འོད་ཟེར་འདི་ལྟ་བུས་རབ་ཏུ་སྣང་བར་བགྱིད་པའི་སྐུ་དང་ལྡན་པར་འགྱུར་རོ།། ཡང་བཅོམ་ལྡན་འདས་དེ་བཞི་ན་གཤེགས་པས་འོད་ཟེར་གང་གིས་སངས་རྒྱས་ཀྱི་ཞིང་གཞན་གྱི
48b5 བྱང་ཆུབ་སེམས་དཔའ་རྣམས་བསྐུལ་མ་ཐག་ཏུ་མྱི་མཇེད་གི་འཛི།། གརྟེན་གི་ཁམས་འདིར་མཆི་བར་འགྱུར་བ་དང་། བྱང་ཆུབ་སེམས། དཔའ་སུ་དག་འདྲི་བ་དང་། ལུང་བསྟན་པ་དང་། བཤད་པ་ལ་མཿ
48b6 ཕྱི་ནད་པ་རྣམས་མཆིས་ནས་དེ་བཞིན་གཤེགས་པ་ལ་ཀུན་ཞུཞིང་བསྙེན་བཀུར་བགྱིད་པ་དང་། སླར་ཞུ་བར་འགྱུར་བའི་འོད་ཟེར་བྱངཆུབ་སེམས་དཔའ་བསྐུལ་བ་ཞེས་བགྱི་བ་བཏང་དུ་གསོལ་པ་དེ་ནཱ།
48b7 བཅོམ་ལྡན་འདས་ཀྱིས་དེའི་ཚེ་། འོད་གང་གིས་འཇིག་རྟེ་རང་གི་ཁམས་མཐའ་ཡས་མུ་མྱེད་པ་སྡང་བར་འགྱུར་བའི་འོད་ཟེར་དེ་ལྟ་བུ་སྐུ་ལས་ཕྱུང་སྟེ། བྱང་ཆུབ་སེམས་དཔའ་རྔམས་འོད་དེས་བསྐུལ་མ་ཐག་ཏུ་མྱི་མཇེད།
48b8 ཀྱི་འཇིག་རྟེ་རང་གི་ཁམས་འདིར་ཕྱི་ནད་པར་གྱུར་ཏོ།། དེ་ནས་སངས་རྒྱས་ཀྱི་ཞིང་འདི་ནས་ཤར་ཕྱོགས་སུ་སངས་རྒྱས་ཀྱི་ཞིང་བརྒྱ་སྟོང་ཕྲག་གང་ཀའི་ཀླུང་བདུར་བཅུ་རྩ་གཉིས་ཀྱི་བྱེ་མ་སྙེད་འདས་པ་ན། ཡོངས་སུ
48b9 དག་པ་ཞེས་བྱ་བའི་འཇིག་རྟེན་གི་ཁམས་ཡོད་དེ། དེ་ན་ཟླ་བ་པའི་འོད་ཅེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ད་ལྟར་བཞུགས་པ་འཚོ་ཞིང་བཞེས་ཏེ། བྱང་ཆུབ་སེས
iiif viewer powered by OpenSeadragon
