| e-texts navigator |
| Wylie |
176b1 ཟེར་བ་དེ་བཞིན་ནོ།། རིགས་ཀྱི་བུ་འམ་རིགས་ཀྱི་བུ་མོ་གང་དག་ཏིང་ངེ་འཛིན་འདི་མྱི་ཉན་པ་དང་། གྱི་འཆང་བ་དང་། མྱི་ཀློག་པ་དང་། ཀུན་ཆུབ་པ་ཀྱི་བྱེད་པ་དང་། གཞན་དགས་ཡང་རྒྱས་པར་ཡང་དག་པར་གྱི་སྟོན་དཔ།
176b2 དེ་དག་ནི།། བདུད་ཀྱིས་བྱིན་གྱིས་བརླབས་པར་རིག་པར་བྱའོ།། རིགས་ཀྱི་བུ་བྱང་ཆུབ་སེམས་དཔའ་གང་དག་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་འདི་གཞན་ལ། རྒྱས་པར་ཡང་དག་པར་མྱི་སྟོན་དག
176b3 དེ་དག་ལ་ནི་མང་དུ་ཐོས་པ་ཞེས་ང་མྱི་སྨྲའོ།། དེ་ནས་ལྷའི་བུ་དེ་དག་དང་། བྱང་ཆུབ་སེམས་དཔའ་དེ་དག་གྱིས་མཐུན་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བསོད་ནམས་ཐོས
176b4 ཅད་བསྡུས་པའི་ཏིང་ངེ་འཛིན་གྱི་ཆོས་ཀྱི་རྣམ་གྲངས་འདི་ཅི་ནས་སླང་མའི་དུས་ན། སྤྱོད་པ་དང་།། རྒྱས་པར་འགྱུར་བར་བཅོམ་ལྡན་འདས་ཀྱིས་བྱིན་གྱིས་བརླབ་དུ་གསོལ།། དེ་ནས་བཅོམ་ལྡན་འདས་ཀྱིས
176b5 དེའི་ཚེ། སྦྱིན་མཚམས་ཀྱི་མཛོད་སྤུ་ནས་འོད་ཕྱུང་སྟེ། འོད་དེས། འཇིག་རྟེན་གི་ཁམས་མཐའ་ཡས་མུ་མྱེད་པ་སྣང་བར་བྱས་སོ།། འོད་དེ་ལས་དེ་བཞིན་གཤེགས་པ་དགྲ་བཅོམ་པ་ཡང་དག་པར
176b6 རྫོགས་པའི་སངས་རྒྱས་ཀྱི་རྣམ་གྲངས་འདི་བྱིན་གྱིས་བརླབས་སོ་ཞེས་སྒྲ་ཡང་བྱུང་ངོ་།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་ད་པ། ཀུན་དགའ་བོ་དེ་བཞིན་གཤེགས
176b7 པ་ནི་རིང་པོར་མྱི་ཐོགས་པར་ཟླ་བ་གསུམ་འདས་པ་ན་ཡོངས་སུ་མྱ་ངན་ལས་འདའ་བར་འགྱུར་ཏེ། ཀུན་དགའ་བོ་ཆོས་ཀྱི་རྣམ་གྲངས་འདི་གཟུང་བ་དང་། གཞན་དག་ས་ཡང་རྒྱས་པར་ཡང་དག་པར་བསྟན་པའི་བར་གྱི་ཕྱིར
176b8 ཁྱོད་ལ་གཏད་དོ།། ཀུན་དགའ་བོ་སེམས་ཅན་གང་དག་སུ་ཡང་རུང་སྟེ། ཆོས་ཀྱི་རྣམ་གྲངས་འདི་འཆང་བར་བྱེད་པ་དེ་དག་ལ་ནི་སངས་རྒྱས་བཅོམ་ལྡན་འདས་རྣམས་ཡོངས་སུ་མྱ་ངན་ལས་འདའ་བར་མྱི་འགྱུར་རོ།།
176b9 ཆོས་ཀྱང་ནུབ་པར་མྱི་འགྱུར་རོ།། དེ་ཅིའི་ཕྱིར་ཞེ་ན། ཀུན་དགའ་བོ་གལ་ཏེ་ཆོས་ཀྱི་རྣམ་གྲངས་འདི་ལ་བསྒྲུབ་པར་བྱེད་ན། དེ་ནི་སངས་རྒྱས་མཐོང་བ་ཡིན་ལ། གཞན་དག་ལ་བརྗོད་ཅིང་སྟོན་པ་དེ་ནི་དམ་པའི་ཆོས
iiif viewer powered by OpenSeadragon
