| e-texts navigator |
| Wylie |
176a1 པའི་སྐུ་ལ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱི་བར་དུ་མངོན་པར་འགྲུབ་སྟེ།། དེ་དག་ནི་སེམས་ཅན་ཐམས་ཅད་ཀྱིས་བསམ་པར་མྱི་ནུས་སོ།། དེས་ན་དེ་བཞིན་གཤེགས་པ་བསོད་ནམས།
176a2 བསམ་གྱིས་མྱི་ཁྱབ་པའི་མཚན་དང་ལྡན་པ་ཞེས་བྱའོ།། བསོད་ནམས་བརྒྱའི་མཚན་བསྟན་པ་འདི་བཤད་པ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གི་ཁམས་འདི་རྣམ་པ་དྲུག་དུ་གཡོས་ཏེ། སྣང་བ་ཆེན་པོས
176a3 ཁྱབ་པར་གྱུར་ཏོ།། སིལ་བསྟན་འབུམ་ཡང་མ་བརྡུངས་པར་འཁྲོལ་བར་གྱུར་ཏོ།། མེ་ཏོག་གི་ཆར་ཆེན་པོ་ཡང་མངོན་པར་བབ་པོ།། ལྷ་དང་བཅས་པའི་འཇིག་རྟེན་ཡང་ངོ་མཚར་དུ་གྱུར་ད་ཏེ། ཅམོ་དང་ཀ་ཞ་སྒྲ་གཏོད
176a4 ནས་ཐལ་མོ་སྦྱར་ཏེ། དེ་བཞིན་གཤེགས་པ་ལ་ཕྱག་འཚལ་ནས།། ཚིག་འདི་སྐད་དུ་སེམས་ཅན་གང་དག་གིས།། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་དག་ནི་ལེགས་པར་བརྙེད་པ་ལེགས
176a5 བསོད་ནམས་བརྒྱའི་མཚན་འདི་ལྟ་བུ་དང་ལྡན་པར་གྱུར་ད་པ་དེ་དག། གིས་ནི། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་ད་ག་ཐམས་ཅད་དང་། ཉན་ཐོས་དང་། རང་སངས་རྒྱས་ཐམས་ཅད
176a6 ཀྱང་ཟིལ་ཀྱིས་ནོན་ལགས་སོ།། ཏིང་ངེ་འཛིན་རིན་པོ་ཆེ་འདི་སེ་མས་ཅན་གང་དག་གི་རྣ་ལམ་དུ་གྲག་པ་འམ།། ཐོས་ནས་ཀྱང་མ་ནོར་བར་བསྒྲུབ་པ་དེ་དག་ཀྱང་རྙེད་པར་ལེགས་པར་རྙེད་པ་ལེགས་སོ།
176a7 ས་ཕྱོགས་གང་ན་ཏིང་ངེ་འཛིན་འདི་སྤྱོད་པ་དེ་དག་ཀྱང་བསྐལ་བ་དང་ལྡན་པ་ལགས་སོ།། རིགས་ཀྱི་བུ་འམ་རིགས་ཀྱི་བུ་མོ་གང་དག་ཏིང་ངེ་འཛིན་རིན་པོ་ཆེ་འདི་རྒྱས་པར་ཡང་དག་པར་སྟོནད་པ་དེ་དག་ནི། དེ་བཞིན
176a8 གཤེགས་པས་བྱིན་གྱིས་བརླབས་པར་རིག་པར་བྱའོ།། གང་དུ་ཏིང་ངེ་འཛིན་གི་ཆོས་ཀྱི་རྣམ་གྲངས་འདི་རྣ་ལམ་དུ་གྲག་པར་འགྱུར་བ་དེར་ནི།། འཇིག་རྟེན་གི་ཁམས་གང་གའི་ཀླུང་གི་བྱེ་མ་སྙེད་ཞུགས་ཀྱིས་བལྟམ
176a9 པ་ཡང་འབོགས་སོ།། ཏིང་ངེ་འཛིན་འདི་མཉན་པའི་སླད་དུ་མཆི་བར་བགྱིའོ་ཞེས་ཀྱང་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་དེ་ནི་དེ་བཞིན་གཤེགས་ཏེ། ཁྱོད་ཇི་སྐད
iiif viewer powered by OpenSeadragon
