| e-texts navigator |
| Wylie |
175a1 བསྟནད་པ་འདི་བཤད་པ་ན། སྲོག་ཆགས་བརྒྱད་སྟོང་གིས་ཐ་ར་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཚིག་འདི་སྐད་དུ་བཅོམ་ལྡན་འདས་བདག་གརྒྱས་ས་དཔལ་རྒན
175a2 ནུར་གྱུར་ད་པ་འདིས་བཤད་པ་གང་ལགས་པའི་གནས་འདི་དག་གིས་གནས་པར་བགྱིའོ།། ཞེས་ཀྱང་གསོལ་ཏོ།། བྱང་ཆུབ་སེམས་དཔའ་བརྒྱད་ཁྲིས་ནི་བསོད་ནམས་ཐམས་ཅད་བསྡུས་པའི་ཏིང་ངེ་འཛིནད་འདི་ཐོག
175a3 པོ།། སྲོག་ཆགས་བརྒྱད་སྟོང་ནི་ཆོས་རྣམས་ལ་ཆོས་ཀྱི་མྱིག་རྡུལ་མྱེད་ཅིང་དྲི་མ་དང་བྲལ་བར་རྣམ་པ་དག་གོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྲེད་མྱེད་ཀྱི་བུས་འདི་སྐད་ཅེས་གསོལ་ཏོ།། བཅོམ་ལྡན
175a4 འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསོད་ནམས་བརྒྱའི་མཚན་དང་ལྡན་པ་ཞེས་བགྱི་བ་དེ་ལ་བསོད་ནམས་ཇི་ལྟ་བུ་དག་གིས་དེ་བཞིན་གཤེགས་པའི་བསོད་ནམས
175a5 བརྒྱའི་མཚན་རྣམས་མངོན་པར་འགྲུབ་པ་ལགས།། དེ་སྐད་ཅེས་གསོ་ལད་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྲེད་མྱེད། ཀྱི་བུ་ལ་འདི་སྐད་ཅེས་བཀའ་སྩལ་ཏོ།། སྲེད་མྱེད་ཀྱི་བུ་འཇིག
175a6 རྟེན་གི་ཁམས་གང་གའི་ཀླུང་གི་བྱེ་མ་སྙེད་དག་ན། སེམས་ཅན་ཇི་སྙེད་ཡོད་པ་སེམས་ཅན་དུ་བསྡུ་བར་འདུས་པ་དེ་དག་ཐམས་ཅད་འཁོར་ལོས་བསྒྱུར་བའི་བསོད་ནམས་ཀྱི་ཕུང་པོ་དང་ལྡན་པར་གྱུར་ད་ལ། སེམས
175a7 ཅན་དེ་དག་ཐམས་ཅད་ཀྱི་འཁོར་ལོས་བསྒྱུར་བའི་བསོད་ནམས་ཀྱི་ཕུང་པོ་གང་ཡིན་པའི་བསོད་ནམས་ཀྱི་ཕུང་པོ་དེ་དག་གཅིག་ཏུ་བསྡོམས་པ་ནི། ལྷའི་དབང་པོ་བརྒྱ་བྱིན་གཅིག་ལ་ཡོད་དོ།། སྲེད་མྱེད་ཀྱི་བུ་འཇིག་རྟེན་གི
175a8 ཁམས་གང་འགའི་ཀླུང་གི་བྱེ་མ་སྙེད་དག་ན། སེམས་ཅན་ཇི་སྙེད་ཡོད་པ། སེམས་ཅན་དུ་བསྡུ་བར་བསྡུས་པ་དེ་དག་ཐམས་ཅད་བརྒྱ་བྱིན་གྱིས་བསོད་ནམས་ཀྱི་ཕུང་པོ་དང་ལྡན་པར་གྱུར་པ་ལ། སེམས་ཅན་དེ་དག་ཐམས་ཅད
175a9 ཀྱི་བརྒྱ་བྱིན་གི་བསོད་ནམས་གི་ཕུང་པོ་གང་ཡིན་པའི་བསོད་ནམས་ཀྱི་ཕུང་པོ་དེ་དག་བསྡོམས་པའི་ཚངས་པའི་གཅིག་ཡོར་ལ། སྲེད་མྱེད་ཀྱི་བུ་འཇིག་རྟེན་ཀི་ཁམས་གང་འགའི་ཀླུང་གི་བྱེ་མ་སྙེད་དག་ན། སེམས་ཅན་ཇི་སྙེད
iiif viewer powered by OpenSeadragon
