| e-texts navigator |
| Wylie |
174'b1 ཀྱི་སྐྲག་པ་དེའི་ཚེ། དགའ་བ་ལ་གནས་པ་ཡིན་ནོ།། གང་གི་ཚེ་སངས་རྒྱས་ཀྱི་ཞིང་ཐམས་ཅད་མྱི་ཟད་པའི་ཆོས་ཉིད་ཀྱི་སྐྲག་པ་དེའི་ཚེ། གཏང་སྙོམས་ལ་གནས་པ་ཡིན་ནོ།། སྲེད་མྱེད་ཀྱི་བུ་གཞན་ཡང་བྱམས་པའི།
174'b2 ཞེ་འགྲས་པ་མྱེད་པའི་མཚན་ཉིད་དོ།། སྙིང་རྗེ་ནི་ཀུན་ཏུ་སྤྱོད་པ་མྱེད་པའི་མཚན་ཉིད་དོ།། དགའ་བ་ནི་གནོད་སེམས་མྱེད་པའི་མཚན་ཉིད་དོ།། གཏང་སྙོམས་ནི་མ་ཁེངས་མ་དུད་པོའི་མཚན་ཉིད་དོ།། སྲེད་མྱེད་ཀྱི།
174'b3 བུ་གཞན་ཡང་བྱམས་པ་དང་། སྙིང་རྗེ་ཡིན་ལ་བྱམས་པ་ཆེན་པོ་ཡང་ཡིན། སྙིང་རྗེ་ཆེན་པོ་ཡང་མ་ཡིན་པ་ཡང་ཡོད་དེ། བྱམས་པ་ཆེན་པོ་དང་། སྙིང་རྗེ་ཆེན་པོ་གང་ཡིན་པ་དེ་ནི་ཉན་ཐོས་དང་། རང་སངས་རྒྱས་ཐོས
174'b4 ཅད་ལ་མྱེད་དོ།། ཉན་ཐོས་དང་རང་སངས་རྒྱས་ལ་ཡོད་པ་གང་ཡིན་པ་དེ་ནི། བྱམས་པ་དང་སྙིང་རྗེ་ཡིན་ཏེ། སེམས་ཅན་ཐམས་ཅུད་བདེ་བར་གྱུར་ད་ཅིག་ཅེས་བྱ་བ་འདི་ནི། བྱམས་པ་དང་སྙིང་རྗེ་ཡིན
174'b5 གྱི། བྱམས་པ་ཆེན་པོ་དང་། སྙིང་རྗེ་ཆེན་པོ་མ་ཡིན་ནོ།། འོན་བྱམས་པ་ཆེན་པོ་དང་། སྙིང་རྗེ་ཆེན་པོ་གང་ཡིན་ཞེ་ན། སེམས་ཅན་ཐམས་ཅད་ལ་སེམས་བསྙོམས་པ་གང་ཡིན་པ་དེ་ནི་བྱམས
174'b6 པ་ཆེན་པོའོ།། སེམས་ཅན་ཐམས་ཅད་སྡུག་བསྔལ་ཐམས་ཅད་ལས་ཡོངས་སུ་གྲོལ་བར་བྱེད་པ་གང་ཡིན་པ་དེ་ནི་སྙིང་རྗེ་ཆེན་པོའོ།། བདག་གི་བདེ་བ་སྤངས་ནས།། འགྲོ་བ་ལྔར་སྐྱེས་པའི་སེམས་ཅན་རྣས
174'b7 ཀྱི་ནང་དུ་བསམས་བཞིན་དུ་སྲེད་པར་འགྲོ་བ་ལེན་པ་གང་ཡིན་པ་དེ་ནི་བྱམས་པ་ཆེན་པོ་ཞེས་བྱའོ།། བདག་གིས་སེམས་ཅན་འདི་དག་འཁོར་བའི་ལམ་ངན་པ་ལས་བསྒྲལ་ཏེ། ལམ་བཟང་པོར་དགོད་པར་བྱའོ།།
174'b8 སྙམ་པ་གང་ཡིན་པ་དེ་ནི་སྙིང་རྗེ་ཆེན་པོ་ཞེས་བྱའོ།། སྲེད་མྱེད་ཀྱི་བུ་དེ་བས་ན་རྣམ་གྲངས་འདིས་ཀྱང་ཁྱོད་ཀྱིས་ཉན་ཐོས་དང་རང་སངས་རྒྱས་རྣམས་ནི་བྱམས་པ་དང་། སྙིང་རྗེ་ཡིན་ལ།། བྱམས་པ་ཆེན་པོ་དང་།
174'b9 སྙིང་རྗེ་ཆེན་པོ་ནི་མ་ཡིན་པར་ཡང་ཡོད་པ་དེ་ལྟར་རིག་པར་བྱའོ།། སྲེད་མྱེད་ཀྱི་བུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་བྱམས་པ་ཆེན་པོ་དང་། སྙིང་རྗེ་ཆེན་པོ་དང་ལྡན་པར་བྱའོ།
iiif viewer powered by OpenSeadragon
