| e-texts navigator |
| Wylie |
172a1 དཔའ་རྣམས་ཀྱང་ཅི་ནས་ཏིང་ངེ་འཛིན་འདི་ཐོབ་ནས་ཉན་ཐོས་དང་། རང་སངས་རྒྱས་ཐམས་ཅད་ལ་མ་མཆིས་པའི་ཡོན་ཏན་དང་།། ཕན་ཡོན་གང་དག་ལགས་པ་འདི་དང་ལྡན་པར་གྱུར་ད་གཅིག། བཅོམ
172a2 ལྡན་འདས་སེམས་ཅན་གང་དག་ཏིང་ངེ་འཛིན་རིན་པོ་ཆེ་འདི་རྣ་ལམ་དུ་མྱི་ཐོས་པ་དང་།། ཐོས་ན་ཡང་མོས་པར་མྱི་འགྱུར་བ་དེ་དག་ནི། བདུད་ཀྱིས་བྱིན་གྱིས་རླབས་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ
172a3 པ། སྲེད་མྱེད་ཀྱི་བུ་དེ་དེ་བཞིན་ཏེ། ཁྱོད་ཚིག་ཇི་སྐད་ཟེར་བ་བཞིན་ནོ།། གཞན་ཡང་བྱང་ཆུབ་སེམས་དཔའ་གང་དག་ཏིང་ངེ་འཛིན་འདིས་ངེས་པར་བྱུང་བ་རྣམས་དང་།
172a4 ངེས་པར་འབྱུང་བར་འགྱུར་བ་དེ་དག་ནི་ཡོན་ཏན་དཔག་ཏུ་མྱེ་དྲ་པ་དང་ལྡན་པ་དང་། ཡོན་ཏན་བསམ་གྱིས་མྱི་ཁྱབ་པ་དང་ལྡན་པ་ཡི་ན་ནོ།། དེ་ནས་བྱང་ཆུབ་སེམས་དཔའ་སྲེད་མྱེད་ཀྱི་བུས་འཇམ།
172a5 དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇ། མ་དཔལ་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འ་ཛི་ནད་འདི་ཐོབ་པར་འདོད་པས་ནི།། སོ་སོའི་སྐྱེ་བོའི་ཆོས་རྫས
172a6 ཀྱང་ཆུད་མྱི་གཟན་པ་དང་། སངས་ཀྱི་ཆོས་རྣམས་ཀྱང་ཐོབ་པར་མྱི་བྱའི་ཕྱིར་སྦྱར་བར་བྱའོ།། ཅི་ནས་ཆོས་དང་ཆོས་མ་ཡིན་པ་ལ་སྦྱར་བར་ཡང་མྱི་བྱ། འབྲལ་བར་ཡང་མྱི་བྱ་བ་དེ་ལྟ་དེས་སྦྱོར་བར
172a7 བྱའོ།། ཅི་ན་འཁོར་བའི་ཁོངས་སུ་ཡང་རྟོགས་ལ། འཁོར་བར་བྱ་བའི་ཕྱིར་ཡང་སློབ་པར་མྱི་བྱེད་པ་དང་། འཁོར་བའི་ཉེ་བའི་ཉོན་མོངས་པས་ཀྱང་ཉོན་མོངས་པར་མྱི་འགྱུར་བ་དང་། མྱ་ངན་ལས་འདས་པོའི
172a8 ཕྱིར་ཡང་སློབ་ལ། ཉན་ཐོས་དང་། རང་སངས་རྒྱས་ཀྱི་ཡོངས་སུ་མྱ་ངན་ལས་འདས་པས་ཀྱང་ཡོངས་སུ་མྱ་ངན་འདས་པར་མྱི་བྱེད་པ་དེ་ལྟར་དེས་སྦྱོར་བར་བྱའོ།། གཞན་ཡང་སྲེད་མྱེད་ཀྱི་བུ་བྱང་ཆུབ་སེཾས
172a9 དཔའ་སེམས་དཔའ་ཆེན་པོ་ཏིང་ངེ་འཛིནད་འདི་འཐོབ་པར་འདོད་པས་ཡེ། བསོད་ནམས་ཐམས་ཅད་ཡང་དག་པར་བྱུང་བ་ལ་བསླབ་པར་བྱ་སྟེ། ཟག་པ་དང་བཅས་པ་དང་། ཟག་པ་མྱེད་པའི་བསོད་ནམས་གང་དག
iiif viewer powered by OpenSeadragon
