| e-texts navigator |
| Wylie |
171b1 གནས་དང་། ལུས་ངེས་པ་ཡང་ཡིན་ནོ།། ཕས་ཀྱིས་རྒོལ་བ་ཐམས་ཅད་ཀྱི་ཀྱི་ཚུགས་པ་ཡིན་ནོ།། སངས་རྒྱས་བཅོམ་ལྡན་འདས་རྣམས་ཀྱི་དམ་པའི་ཆོས་ཡོངས་སུ་འཛིནད་པ་ཡང་ཡིན་ནོ།། དམ་པའི་ཆོས་ཀུན་ཏུ་སྲུང
171b2 བའི་ཕྱིར་ལུས་དང་སྲོག་ཡོངས་སུ་གཏོང་བ་ཡང་ཡིན་ནོ།། སངས་རྒྱས་ཀྱི་ཡུལ་ཡང་སྟོན་ལ། གཏན་ཏུ་ཡོངས་སུ་མྱ་ངན་ལས་འདའ་བར་ཡང་མྱི་བྱེད་དོ།། འཁོར་གིས་བག་ཚ་བ་དང་། འཇིགས་པ་དང་། བྲལ་བས་ན་མྱི
171b3 འཇིགས་པ་ཐོབ་པ་ཡང་ཡིན་ནོ།། བྱ་བ་ཐམས་ཅད་ཀྱང་ཤེས་པས་བྱེད་ཀྱི་ང་རྒྱལ་གྱིས་བྱེད་པ་མ་ཡིན་ནོ།། སྒྱུ་མ་ལྟ་བུའི་ཏིང་ངེ་འཛིན་ལ་རྣམ་པར་འཕྲུལ་བས་ན། བཀོད་པ་ཆེན་པོ་དང་ལྡན་པ་ཡང་ཡིན་ནོ།། གནོད
171b4 བ་ཐམས་ཅད་དང་བྲལ་བས་ན། མྱི་གཡོ་བའི་ཤུགས་ཐོབ་པ་ཡང་ཡིན་ནོ།། སངས་རྒྱས་ཀྱི་ཞིང་དུ་ཚིག་གིས་ཤིན་ཏུ་གོ་བར་བྱེད་པས་ན་སྒྲའི་ཚིག་ཡོངས་སུ་དག་པ་ཡང་ཡིན་ནོ།། བདུད་ཀྱི་དཔུང་ཐམས
171b5 ཅད་འཇོམས་པས་ན། སེམས་དཔའ་ཡང་ཡིན་ནོ།། སངས་རྒྱ། ས་ཀྱི་ཞིང་ཐམས་ཅད་གཡོ་བར་བྱེད་པས་ན། རྫུ་འཕྲུལ་གྱིས་རྣམ་པར་འཕྲུལ་པའི་ཕ་རོལ་ཏུ་ཕྱིནད་པ་ཡང་ཡིན་ནོ།། དོན་དང་ཆོས
171b6 དང་ངེས་པའི་ཚིག་དང་།། སྤོབས་པ་ཕུན་གསུམ་ཚོགས་པས་ན་སོ་སོ་ཡང་དག་པར་རིག་པ་ཐོབ་པ་ཡང་ཡིན་ནོ།། བག་ཡོད་པས་མ་ཐོགས་པ་མྱེད་པའི་ཡེ་ཤེས་ལ་མོས་པ་ཡང་ཡིན་ནོ།། སེམས་ཅན་ཐམས་ཅད
171b7 ལ་ཐམས་ཅད་མཁྱེན་པོའི་ཡེ་ཤེས་ཡང་དག་པར་བསྟོན་པས་ན། སངས་རྒྱས་ཀྱི་ཕྲིན་ལས་ལ་ཉེ་བར་གནས་པ་ཡང་ཡིན་ནོ།། སྲེད་མྱེད་ཀྱི་བུ་དེ་ལྟ་བས་ར་བྱང་ཆུབ་སེམས་དཔའ་བསོད་ནམས་ཐམས་ཅད་བསྡུས་པ
171b8 ཏིང་ངེ་འཛིན་དུ་འདི་ལ་ངེས་པར་འགྱུར་བ་གང་ཡིན་པ་དེ་དག་གི་རྣམ་པ་དེ་དག་ཡིན་ནོ།། རྟགས་ནི་དེ་དག་ཡིན་ནོ།། མཚན་མེད་དེ་དག་ཡིན་ནོ།། ཡོན་ཏན་དང་། ཕན་ཡོན་ནི་དེ་དག་ཡིན་ནོ།། དེ་ནས་བཅོམ་ལྡན་འདས
171b9 ལ་བྱང་ཆུབ་སེམས་དཔའ་སྲེད་ཀྱི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་སེམས་ཅན་ཐམས་ཅད་ཀྱིས་ཀྱང་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་འདི་ཐོབ་པར་འགྱུར་ད་ཅིག། བྱང་ཆུབ་སེམས
iiif viewer powered by OpenSeadragon
