| e-texts navigator |
| Wylie |
168a1 བའི་ཚིག་ཀྱི་སྨྲ་ཞིང་། ཆོས་ལ་བསྐུར་བ་བཏབ་ནས། ཆོས་མ་ཡིན་པ་སྨྲབ་མྱི་བྱེད་ན། བྱང་ཆུབ་སེམས་དཔའ་ཡོངས་སུ་སྦྱང་བ་བྱས་པ་ཡིན་པར་རིག་པར་བྱའོ།། གལ་ཏེ་བྱང་ཆུབ་སེམས་དཔའ་ཞག
168a2 བདུན་གྱི་བར་དུ་ཟན་ཆད་ནས།། ཁ་ཟས་བསྟབས་ན་ཡང་ཐམས་ཅད་མཁྱེནད་པ་ཉིད་ཀྱི་སེམས་འབའ་ཤིག་དེ་ལ་མངོན་དུ་འགྱུར་ཞིང་། སེམས་ཅན་ཐམས་ཅད་རབ་ཏུ་དགྲོལ་བར་བྱ་བའི་ཕྱིར་ཤིག་ཕྱིར། དེ་ལ་བྱང་ཆུབ་ཀྱི
168a3 སེམས་མངོན་དུ་འགྱུར་ན། བྱང་ཆུབ་སེམས་དཔའ་ཡོངས་སུ་སྦྱང་བ་བྱས་པ་ཡིན་པར་རིག་པར་བྱའོ།། འཇམ་དཔལ་གཞན་ཡང་བྱང་ཆུབ་སེམས་དཔའ་ཆོས་ཉན་པའི་ཕྱིར་ས་གཞི་མཚོན་ཆ་བཏགས་པ་འམ།། མྱེས
168a4 བཀང་བ་རྒལ་ཏེ་འགྲོ་བར་བྱེད་ལ། ལུས་འཕངས་པ་འམ། སྲོ་དག་འཕངས་པར་མྱི་བྱེད་དེ། ཕུང་པོ་དང་། ཁམས་དང་། སྐྱེ་མཆེད་རྣམས་ནི་བརྙེད་པར་སླའོ།། སངས་རྒྱས་བཅོམ་ལྡན་འདས
168a5 རྣམས་ནི་རྙེད་པར་དཀའོ།། ཆོས་སྟོནད་པ་ནི་རྙེད་པར་དཀའོ།། ཆོས་ལ་གུས་པོའི་སེམས་ཅན་རྣམས་ཀྱང་རྙེད་པར་དཀའོ།། སྙམ་དེ་ལྟར་ཡང་བསློབ་སྟེ། གལ་ཏེ་དེ་ལྟ་བུར་འཛིན་པ་ལ་ཞུགས
168a6 ན། བྱང་ཆུབ་སེམས་དཔའ་ཡོངས་སུ་སྦྱང་བ་བྱས་པ་ཡིན་པར་རིག་པར་བྱའོ།། འཇམ་དཔལ་གཞན་ཡང་གལ་ཏེ་བྱང་ཆུབ་སེམས་དཔའ་ཚིག་བཞི་པའི་ཚིགས་སུ་བཅད་པ་གཅིག་གམ་སྡོམ་པའམ། ཆོས་ཀྱི
168a7 གདམ་ངག་གྱིས་ནི་ཆེས་ཡི་རངས་པར་འགྱུར་ལ། འཁོར་ལོས་བསྒྱུར་བའི་རྒྱལ་སྲིད་ཀྱིས་ནི། ཡིད་རངས་པར་མྱི་འགྱུར་བ་དང་། སེམས་ཅན་གཅིག་ལ་ཡང་ཚིག་བཞི་པའི་ཚིགས་སུ་བཅད་པ་བསྒྲགས་པས་ནི
168a8 ཆེས་ཡིད་རངས་པར་འགྱུར་ལ། བརྒྱ་བྱིན་དུ་འགྱུར་བའི་ཐོབ་པས་ནི་དེ་ལྟ་མ་ཡིན་ན། བྱང་ཆུབ་སེམས་དཔས་ཡོངས་སུ་སྦྱང་བ་བྱས་པ་ཡིན་ནོ།། འཇམ་དཔལ་གཞན་ཡང་བྱང་ཆུབ་སེམས་དཔའ་དུད་འགྲོའི་སྐྱེ་གནས
168a9 སུ་གྱུར་པ་ཁྱི་ལ་སྦྱིན་པ་བྱེད་པས་ནི། ཆེས་ཡིད་རངས་པར་འགྱུར་ལ། ཚངས་པར་འགྱུར་བ་ཐོབ་པས་ནི་མ་ཡིན་ན། བྱང་ཆུབ་སེམས་དཔའ་ཡོངས་སུ་སྦྱང་བ་བྱས་པ་ཡིན་པར་རིག་པར་བྱའོ།། འཇམ་དཔལ
iiif viewer powered by OpenSeadragon
