| e-texts navigator |
| Wylie |
132a1 སྟོབས་གང་ཡིན་པ་དེ་ནི། བྱང་ཆུབ་སེམས་དཔལས་བཅུ་ལ་གནས་པ་སྲིད་པ་ཐ་མ་པ་གཅིག་གི་སྟོབས་ཡིན་ཏེ།། མོའུ་འགལ་གི་བུ་སྟོབས་དེ་དང་ལྡན་ན། བྱང་ཆུབ་སེམས་དཔའ་སེམས
132a2 དཔའ་ཆེན་པོ་བཙས་མ་ཟག་ཏུ་ས་ལ་གོམ་པ་བདུན་འགྲོ་བར་འགྱུར་རོ།། མོའུ་འགལ་གི་བུ་གལ་ཏེ་འཇིག་རྟེན་གི་ཁམས་གཞན་ན་བཞུགས་པའི་སངས་རྒྱས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་གང་ལ
132a3 འདུག་པའི་འཇིག་རྟེན་གི་ཁམས་དེ་རྡོ་རྗེའི་རང་བཞིན་དུ་བྱིན་གྱིས་མ་རླབས་སུ་ཟིན་ན། བཙས་མ་ཐག་ཏུ་གོམ་པ་བདུན་འདོར་བའི་ཚེ། འཇིག་རྟེན་གི་ཁམས་དེའི་ས་ཆེན་པོ་ཐུར་དུ་དཔག་ཚད་དྲུག་ཁྲི་བརྒྱ་སྟོང་ཞོམ་པར
132a4 འགྱུར་ཏེ།། དེའི་འོག་ནས་ཆུའི་ཕུང་པོ་ལས་ཆུའི་རྒྱུ་ཤིང་རྟའི་སྲོག་ཤིང་ཙམ་ས་གཞི་ཆེན་པོ་བརྟོལ་ཏེ་འབྱུང་བར་འགྱུར་བ་ཞིག་ན། འོན་ཀྱང་སངས་རྒྱས་ཀྱི་མཐུས་ས་ཆེན་པོ་དེ་ཡང་ཞོམ་པར་མྱི་འགྱུར་ལ། སེམས་ཅན
132a5 རྣམས་ལ་ཡང་གནོད་པར་མྱི་འགྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སྲིད་པ་ཐ་མ་བ་བཙས་མ་ཐག་པའི་སྟོབས་དང་། མྱུར་བ་དང་། ཤུགས་དང་མཐུ་ནི་དེ་འདྲའོ།། མོའུ་འགལ
132a6 གི་བུ་བྱང་ཆུབ་སེམས་དཔའ་སྲིད་པ་ཐ་མ་པ་བཙས་མ་ཟག་བཅུའི་སྟོབས་གང་ཡིན་པ་དེ་ནི།། བྱང་ཆུབ་སེམས་དཔའ་ཡང་འཚོའི་མཆོག་ལ་བབ་པ་གཅིག་གི་སྟོབས་ཏེ། སྟོབས་དེ་དག་དང་ལྡན
132a7 བའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། བྱང་ཆུབ་མངོན་པར་རྫོགས་པར་འཚང་རྒྱ་བར་བྱ་བའི་ཕྱིར། བྱང་ཆུབ་ཀྱི་སྙིང་པོར་འགྲོའོ།། ཇི་ལྟ་བུའི་སྟོབས་དང་ལྡན་པས། བྱང་ཆུབ་སེམས་དཔའ་སེམས་དཔའ
132a8 ཆེན་པོ་བྱང་ཆུབ་ཀྱི་སྙིང་པོར་འགྲོ་བ་དེ་བས་འབུམ་འགྱུར་གིས་ལྷག་པའི་སྟོབས་ཀྱིས་ནི་བྱང་ཆུབ་ཀྱི་སྙིང་པོ་ལ་འདུག་གོ།། དེ་བས་ཀྱང་ཆེས་གྲངས་མྱེད་དཔག་ཏུ་མྱེད་བརྗོད་དུ་མྱེད་བསམ་གྱིས་མྱི་ཁྱབ་པའི་སྟོབས་དང
132a9 ལྡན་ན།། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། མོའུ་འགལ་གི་བུ་གལ་ཏེ་འཇིག་རྟེན་གི་ཁམས་ཐམས་ཅད་ཀྱི་སེམས་ཅན་གང་ཡིན་པ་དེ་དག་ཐམས་ཅད་བྱང་ཆུབ་མངོན
iiif viewer powered by OpenSeadragon
