| e-texts navigator |
| Wylie |
129a1 སྐྱོང་ཀོའུ་ཏ་མའི་ཐ་ད་དུ་སོང་ལ། བཅོམ་ལྡན་འདས་དེ་ཅི་འདྲ་བ་དང་། བདག་ཅི་འདྲ་བ་སད་པར་བྱ་གོར་མ་འཆག་སྙམ་མོ།། དེ་ནས་ཚན་པོ་ཆེ་ཆེན་པོ་དྲི་མ་མྱེད་པའི་གཟ་གཟི་བརྗིད། ཡངས་པའི།
129a2 གྲོང་ཁྱེར་ཆེན་པོ་ནས་བྱུང་ནས། ཨ་མྲས་བསྲུངས་པའི་ཚལ་ཆེན་པོ་ཁང་པ་རྩེགས་པའི་གནས་ག་ལ་བ་དེར་སོང་སྟེ་ཕྱི་ནད་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཁོར་འབུམ
129a3 ཕྲག་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ཏེ།། སངས་རྒྱས་ཀྱི་མཐུ་ཆེན་པོས་སྟོནད་ཅིང་། རིའི་རྒྱལ་པོ་རེ་རབ་རྒྱ་མཚོའི་ནང་ནས་མངོན་པར་འཕགས་པ་དང་། འདྲ་ལ་ཀུན་ནས་མཛེས་ཤིང་བལྟ་བས་ཆོག
129a4 མྱི་ཤེས་པ་མཐོང་ངོ་།། དེ་ནས་བཅོམ་ལྡན་འདས་མཐོང་ན་དགའ་བ་དང་། དང་བ་དང་། མཆོག་ཏུ་དཀའ་བ་ཆེན་པོ་ཐོབ་བོ།། དེ་དགའ་རབ་དང་དང་བ་དང་མཆོག་ཏུ་དགའ་བ་ཆེན་པོ་ཐོབ་ནས། བཅོམ་ལྡན
129a5 འདས་ཀྱི་ཞབས་ལ་གཏུགས་ཏེ། བཅོམ་ལྡན་འདས་ལ་བསྐོར་བ་བྱས་ནས། ཕྱོགས་གཅིག་ཏུ་འདུག་སྟེ། བཅོམ་ལྡན་འདས་འབའ་ཞིག་ལ་ཕྱག་འཚལ་ཞིང་། མགོ་བོར་ཐལ་མོ་སྦྱར་ནས
129a6 བཅོམ་ལྡན་འདས་ལ་རྟོག་ཅིང་འདུག་གོ།། དེ་ནས་བཅོམ་ལྡན་འདས་ཀྱིས་ཚན་པོ་ཆེ་ཆེན་པོ་དྲི་མ་མྱེད་པའི་གཟིའ་བརྗིད་ཀྱི་ལྷག་པའི་བསམ་པ་ཐུགས་སུ་ཆུད་ནས། ང་རྒྱལ་དང་། རྒྱགས་པ་དང་། དྲེགས་པ
129a7 འདུལ་བའི་ཕྱིར། གནས་བརྟན་མོའུ་འགལ་གི་བུ་ཆེན་པོ་ལ་བཀའ་སྩལ་པ། མོའུ་འགལ་གྱི་བུ་ཁྱོད་སོང་ལ། ང་བྱང་ཆུབ་སེམས་དཔར་གྱུར་པ་ན། ཤག་ཀྱའི་བུ་མོ་ས་མཚོ་མའི་ཕྱིར་མདའ་འཕངས་པ་གང
129a8 ཡིན་པ་དེར་ལོང་ཤིག། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་བ་མོའུ་དགལ་གྱི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་སྣམ་འདའ་དེ་ག་ལ་མཆིས། བདག་གིས
129a9 མ་མཐོང་བ་ལགས་སོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཕྱག་གཡས་པ་ནས་སྣང་བར་བྱེད་པ་ཞེས་བྱ་བའི་འོད་ཟེར་གཅིག་བཏང་སྟེ། འོད་ཟེར་དེས་སྟོང་གསུམ་གི་སྟོང་ཆེན་པོའི་འཇིག་རྟེན་གྱི
iiif viewer powered by OpenSeadragon
