| e-texts navigator |
| Wylie |
128b1 རྣམས་ཡོན་ཏན་གི་བྱུང་བར་འདི་དག་དང་། གཞན་དག་ཀྱང་ཐོབ་པར་འགྱུར་བ་ངས་བཤང་ངོ་།། བཅོམ་ལྡན་འདས་ལེགས་སོ་ཞེས་གསོལ་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་སྲེད་མྱེད་ཀྱི
128b2 བཅོམ་ལྡན་འདས་ཀྱིས་བལྟར་ཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ།། སྲེད་མྱེད་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་བསོད་ནམས
128b3 ཐམས་ཅད་བསྡུས་པ་ཞེས་བྱ་བ་ཡོད་དེ། དེ་ལ་བརྟེན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བསོད་ནམས་ཡོངས་སུ་ཉམས་པར་མྱི་འགྱུར་བ།། ཆོས་ཡོངས་སུ་ཉམས་པར་མྱི་འགྱུར་བ།
128b4 དང་། ཤེས་རབ་ཡོངས་སུ་ཉམས་པར་མྱི་འགྱུར་བ་དང་། ཤེས་ཡོངས་སུ་ཉམས་པར་མྱི་འགྱུར། སངས་རྒྱས་མཐོང་བ་དང་། ཆོས་ཉན་པ་དང་། དགེ་འདུན་ལ་བསྙེན་བཀུར་བྱེད་པ་དང་མྱི་བྲལ
128b5 བར་མྱི་འགྱུར། བསྡུ་བའི་དངོས་པོ་བཞི་ལ་བརྩོན་པ་དང་། སེམས་ཅན་ཐམས་ཅད་ཡོངས་སུ་མྱི་གཏོང་བར་གནས་པ་ནས། སྒོ་ཐམས་ཅད་ནས་ཡོངས་སུ་བསྔོ་བ་ལ་མཁས་པས། ཐབས
128b6 ལ་མཁས་པར་འགྱུར་བའི་བར་དེ་དག་དང་། ཡོན་ཏད་གཽ་ཁྱད་པར་གན་ན་དང་ཡང་ལྡན་པར་འགྱུར་རོ།། དེ་ནས་བཅོམ་ལྡན་འདས་ཀྱིས་བས་ད་ནམས་ཐམས་ཅད་བསྡུས་པའི། ཏིཔ་ངེ་འཛིན་འདིའི་མྱིང་ཙམ
128b7 བཀའ་སྩལ་ནས། ཅང་མྱི་གསུང་བར་གྱུར་ཏོ།། དེ་ནས་དེའི་ཚེ་དྲི་མ་མྱེད་པའི་གཟི་བརྗིད་ཅེས་བྱ་བ་ཆེན་པོ་ཆེ་ཆེན་པོ་སྟོབས་ཆེན་པོ་དང་ལྡན་པ་ཞིག་ཡངས་པའི་གྲོང་ཁྱེར་ཆེན་པོ་ན་གནས་སོ།། དེ་ནས་འདི་སྙམ
128b8 དུ་སེམས་ཏེ།། བདག་ནི་ཆེན་པོ་ཆེ་ཆེན་པོ་སྟོབས་པོ་ཆེའི་ཤུགས་དང་ལྡན་པ་སྟེ། འཛམ་བུའི་གླིང་འདིའི་སེམས་ཅན་ལ་འདི་ལྟ་སྟེ་སྟོབས་སམ། སྤྲོ་བ་བདག་དང་མཉམ་པ་ཡང་མྱེད་ན། ལྷག་པ་ལྟ་ག་ལ་ཡོད།
128b9 སྙམ་མོ།། དེས་དགེ་སྦྱོང་གོའུ་ཏ་མ་སྟོབས་པོ་ཆེའི་ཤུགས་དང་ལྡན་ཏེ། སྟོབས་བཅུའི་སྟོབས་དང་ལྡན་ཞིང་སྲེད་མྱེད་ཀྱི་བུའི་ལུས་ཐོབ་པོ་ཞེས་གྲག་གོ་སྙམ་མོ།། དེ་ཡང་འདི་སྙམ་དུ་སེམས་ཏེ། བདག་དགེ
iiif viewer powered by OpenSeadragon
