| e-texts navigator |
| Wylie |
127b1 མཐོང་བ་དང་། ཆོས་ཉན་པ་དང་། དགེ་འདུན་ལ་བསྙེན་བཀུར་བགྱིད་པ་དང་མྱི་བྲལ་བ་དང་། སྤྱང་ངས་པ་མ་མཆིས་པའི་ཆོས་ཅན་གྱི་སླད་དུ་དྲན་པ་དང་ལྡན་པར་འགྱུར་བ་དང་།། ཆོས་ཀྱི་དགོངས་པ་རྟོགས་པར་འགྱུར།
127b2 བའི་སླད་དུ་བློ་གྲོས་དང་ལྡན་པར་འགྱུར་བ་དང་། དོན་རྟོགས་པ་རྗེས་སུ་ཐོབ་པའི་སླད་དུ་རྟོགས་པ་དང་ལྡན་པར་འགྱུར་བ་དང་། རང་གི་སེམས་ཡོངས་སུ་དག་པའི་སླད་དུ་ངོ་ཚ་དང་ལྡན་པར་འགྱུར་བ་དང་། སྡིག་པའི
127b3 ལས་ཐམས་ཅད་སྤོང་བའི་སླད་དུ་ཁྲེལ་ཡོད་པ་ཕུན་སུམ་ཚོགས་པར་འགྱུར་བ་དང་།། ཆོ་ག་དང་སྤྱོད་པ་ཕུན་སུམ་ཚོགས་པའི་སླད་དུ་བརྟན་པ་དང་ལྡན་པར་འགྱུར་བ་དང་། ཉོན་མོངས་པ་ཐམས་ཅད་བསལ་བའི་སླད
127b4 རུ་དཔའ་བར་འགྱུར་བ་དང་། འཁོར་ཐམས་ཅད་ཀྱི་ནང་དུ་བག་ཚ་དང་བྲལ་བའི་སླད་དུ་སྲན་ཐུབ་པར་འགྱུར་བར་མཛད་དུ་གསོལ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས
127b5 དཔའ་ཆེན་པོ་རྣམས་བསོད་ནམས་ཡོངས་སུ་མྱི་ཉམས་པ་དང་། ཆོས་ཡོངས་སུ་ཕྱི་ཉམས་པ་དང་། ཤེས་རབ་ཡོངས་སུ་མྱི་ཉམ། ས་པ་དང་། ཡེ་ཤེས་ཡོངས་སུ་མྱི་ཉམས་པར་འགྱུར་ལགས
127b6 ཇི་ལྟར་ན་ལྷག་པའི་བསམ་པ་བརྟན་པས་བྱང་ཆུབ་ཀྱི་སེམས་ཡོངས་སུ་མྱི་ཉམས་པ་དང་། མྱ་ངན་ལས་འདས་པའི་མཐར་ཐུག་གི་བར་དུ་སེམས་ཅན་ཐམས་ཅད་ལ་མཛའ་བ་བརྟན་པ་དང་། ཇི་སྐད་སྨྲས་པ་དེ་བཞིན
127b7 དུ་བགྱིད་པ་དང་། སངས་རྒྱས་ཀྱི་ཆོས་ཡོངས་སུ་རྫོགས་པར་བགྱི་བའི་སླད་དུ་གནས་པས། སེམས་ཅན་རྣམས་ལ་མྱི་སླུ་བ་དང་། གཏོང་བ་ཐམས་ཅད་ཀྱི་རྗེས་སུ་འཇུག་པས་མ་བསྟན་པའི་སྦྱིན་པ་དང་ལྡན་པ་དང་།
127b8 སྡོམ་པ་གསུམ་ཡོངས་སུ་དག་པ་ལ་གནས་པས་མ་བསྟན་པའི་ཚུལ་ཁྲིམས་དང་ལྡན་པ་དང་། གནོད་སེམས་མྱེད་པའི་ཡིད་ཀྱིས་སེམས་ཅན་ཐམས་ཅད་ལ་སེམས་སྙོམས་པས། མ་བསྟནད་པའི་བཟོད་པ་དང
127b9 ལྡན་པ་དང་། ཡོངས་སུ་མྱི་སྐྱེ་བའི་ཡིད་ཀྱིས་དོན་ཐམས་ཅད་ཡོངས་སུ་བསྒྲུབ་པས་མ་བསྟན་པའི་བརྩོན་འགྲུས་དང་ལྡན་པ་དང་། དྲན་པ་དང་ཤེས་བཞིན་ལ་མཁས་ཏེ། བསམ་གཏན་དང་། ཏིང་ངེ་འཛིན་དང་།
iiif viewer powered by OpenSeadragon
