| e-texts navigator |
| Wylie |
125b1 གསོལ་པ་བཅོམ་ལྡན་འདས་བདག་གིས་གཟུང་ངོ་།། བཅོམ་ལྡན་འདས་ཀྱིས་བཀའ་སྩལ་པ།། ཀུན་དཀའ་བོ་དེ་ལྟ་བས་ན། ཆོས་ཀྱི་རྣམ་གྲངས་འདི་གཟུང་བ་དང་། བཅང་བ་དང་། ཀླག་པ་དང་། ཡང་དག་པར་ར་།
125b2 ཏུ་བསྟནང་པའི་ཕྱིར།། ཁྱོད་ལ་ཡོངས་སུ་གཏད་དོ།། གསོལ་པ། བཅོམ་ལྡན་འདས་གང་ཆོས་ཀྱི་རྣམ་གྲངས་འཛིནད་ཏམ། འཆང་ངམ། ཀློག་གམ། གཞན་དག་ལ་སྟོན་ཏམ། ཡི་གེར་བྲིས་པ་ལ་མཆོད་པ
125b3 བགྱིད་ན། དེས་བསོད་ནམས་ཇི་ཙམ་ཞིག་བསྐྱེད་པར་འགྱུར།། བཅོམ་ལྡན་འདས་ཀྱིས་བཀའ་སྩལ་ད་པ། ཡི་གེ་དང་ངེས་པའི་ཚིག་ཇི་སྙེད་ཀྱི་ཆོས་ཀྱི་རྣམ་གྲངས་འདི་བསྟན་པ་དེ་སྙེད་ཀྱི། དེ་བཞིན་གཤེགས་པ་དགེ
125b4 སྲོང་གི་དགེ་འདུན་དང་བཅས་པ་ལ། བདེ་བའི་ཡོ་བྱད་ཐམས་ཅད་ཀྱིས།། བསྙེན་བཀུར་བྱས་པ་བས།། གང་ཆོས་ཀྱི་རྣམ་གྲངས་འདི་འཛི་ནད་པ་དང་། བཟུང་ནས་ཀྱང་གཞན་ལ་སྟོནད་པ་དང་། ཀློག་པ་དེ་ནི
125b5 དེ་བས་ཆེས་བསོད་ནམས་མང་དུ་བསྐྱེད་དོ།། ཀུན་དགའ་བོ།། གང་གིས་དམ་པའི་ཆོས་ཡུན་རིང་དུ་གནས་པར་བྱ་བའི་ཕྱིར། ཆོས་ཀྱི་རྣམ་གྲངས་འདི་གླེགས་བམ་དུ་བྲིས་ཏེ། མཆོད་ན་དེ་ཚེ་འདི
125b6 ཉིད་ལ་གཏེར་ཐོབ་པ་བཅུ་འཐོབ་པོ།། བཅུ་གང་ཞེ་ན། སངས་རྒྱས་ཀྱི་སྤྱན་རབ་ཏུ་ཐོབ་པས། སངས་རྒྱས་མཐོང་བའི་གཏེར་དང་ལྷའི་རྣ་བ་རབ་ཏུ་ཐོབ་པས། ཆོས་ཉན་པའི་གཏེར་དང་། ཕྱིར
125b7 མྱི་ལྡོག་པའི་དགེ་འདུན་རབ་ཏུ་ཐོབ་པས་དགེ་འདུན་མཐོང་བའི་གཏེར་དང་། རིན་པོ་ཆེའི་ལག་པ་རབ་ཏུ་ཐོབ་པས། ཟླ་མྱི་ཤེས་པའི་ལོངས་སྤྱོད་ཀྱི་གཏེར་དང་།། མཚན་དང་དཔེའ་བྱད་བཟང་པོ་ཡོངས་སུ་རྫོགས
125b8 པས་གཟུགས་ཀྱི་གཏེར་དང་།། གཡོག་མྱི་ཕྱེད་པས། གཡོག་གི་གཏེར་དང་། གཟུངས་རབ་ཏུ་ཐོབ་པས་ཐོས་པའི་གཏེར་དང་། སྤོབས་པ་རབ་ཏུ་ཐོབ་པས། དྲན་པའི་གཏེར་དང་། ཕ་རོལ་གི་རྒོལ་བ་ཚར
125b9 གཅོད་པས། མྱི་འཇིགས་པའི་གཏེར་དང་། སེམས་ཅན་ཐམས་ཅད་ཉེ་བར་འཚོ་བས། བསོད་ནམས་ཀྱི་གཏེར་རོ།། ཡང་བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བསྟན་པ་ན། བྱང་ཆུབ་སེམས
iiif viewer powered by OpenSeadragon
