| e-texts navigator |
| Wylie |
123b1 རྣམས་སུ་ཡང་བདག་གིས་ཀུན་ཏུ་བསྲུང་བར་བགྱི།། དེ་ནས་རྒྱལ་པོ་རྣམ་ཐོས་ཀྱི་བུས།། ཚིགས་སུ་བཅད་པ་འདི་སྐད་གསོལ་ཏོ།། གང་དག་བྱང་ཆུབ་ཕྱིར་བརྩོན་པ།། དེ་ལ་ཅི་འདྲ་འོས་པའི།། དེ་འདྲའི་མཆོད།
123b2 པ་བགྱི་བར་ནི།། སེམས་ཅན་ཀུན་གྱིས་མྱི་ནུས་སོ།། དེ་ནས་བཅོམ་ལྡན་འདས་ལ་རྒྱལ་པོ་ཆེན་པོ་རྣམ་ཐོས་ཀྱི་བུ་བདེན་པའི་ཟླ་བ་ཞེས་བྱ་བ་དེས། རིན་པོ་ཆེ་སྣ་བདུན་ལས་བྱས་པའི་གདུགས་གསོལ་ནས།
123b3 ཚིགས་སུ་བཅད་པ་འདི་སྐད་ཅེས་གསོལ་ཏོ།། དེ་བཞིན་གཤེགས་ལས་བདག་ཉིད་ཀྱིས།། ཆོས་ཀྱི་རྣམ་གྲངས་བཟུང་བར་བགྱི།། ཕ་རོལ་ལ་ཡང་བསྟན་པར་བགྱི།། བདག་གི་བསམ་པ་དེ་འདྲའོ།།
123b4 བཅོམ་ལྡན་འདས་ཀྱིས་བདག་སེམས་དང་།། སྔོན་གི་སྤྱོད་པ་ཅི་འདྲ་མཁྱེན།། ཇི་ལྟར་བདག་གི་སེམས་དུད་པ།། བདག་ནི་འཇིག་རྟེན་རྣམ་འདྲེན་འགྱུར།། སངས་རྒྱས་དཔག་མྱེད་བསྐྱོབ
123b5 པ་ལ།། བདག་གིས་གདུགས་འདི་ཕུལ་བ་ཡིས།། བདག། ནི་ཐུབ་པ་ཁྱོད་འདྲ་བར།། སྤྲི་གཙུགས་ལྟར་ཡང་མྱི་ཀ་དང། འགྱུར།། སངས་རྒྱས་སྐྱེས་བུ་དམ་པ་ཡང་།། བདག་གིས
123b6 བྱམས་པས་བལྟས་པ་ཡིས།། ཡོངས་སུ་དག་པའི་མྱིག་ཐོབ་སྟེ།། རྒྱལ་བ་མ་ཕམ་ལྟ་བར་བགྱི།། ཡེ་ཤེས་ཕ་རོལ་ཕྱི་ནང་པའོ།། སྟོན་པས་དེ་ནས་ལུང་བསྟནད་ཏེ།། ཁྱེད་ནི་དེ་ནས་ཕྱི་དུས
123b7 ན།། དགའ་ལྡན་དུ་ཡང་སྐྱེ་བར་འགྱུར།། དགའ་ལྡན་ནས་ནི་འཆི་འཕོས་ནས།། རྒྱལ་བ་བྱམས་པ་མཐོང་བར་འགྱུར།། བསྐལ་པ་སྟོང་ཕྲག་ཉི་ཤུར་ནི།། མཆོད་པར་བྱས་ནས་འབྱུང་བར་འགྱུར
123b8 ཁྱོད་ནི་རབ་ཏུ་བྱུང་ནས་ཀྱང་།། ཚངས་པར་སྤྱད་པ་རབ་སྤྱོད་དེ།། བསྐལ་པ་བཟང་འདིར་གང་འབྱུང་བ།། བདག་པོ་དེ་དག་མཐོང་བར་འགྱུར།། ཐམས་ཅད་ལ་ཡང་མཆོད་བྱས་ཏེ།། ཚངས
123b9 པ་སྤྱད་པ་སྤྱད་ནས་ནི།། བསྐལ་པ་བྱེ་བ་དྲུག་བརྩོན།། དེ་ནིས་ཁྱོད་ནི་སངས་རྒྱས་འགྱུར།། སངས་རྒྱས་ཞིང་ནི་ལེགས་བརྒྱན་པ།། རིན་ཅེན་གདུགས་ཤེས་བྱ་བར་ནི།། བྱང་ཆུབ་སེམས་དཔའ་ཤ་དག་ལ
iiif viewer powered by OpenSeadragon
