| e-texts navigator |
| Wylie |
102a1 ལྟར་རབ་ཏུ་དབྱེའོ།། སྨྲས་པ་དེ་ལྟར་ན་དེ་བཞིན་གཤེགས་པ་ཅི་ཞིག་མངོན་པར་རྫོགས་པར་སངས་རྒྱས།། སྨྲས་པ་འཇམ་དཔལ་དེ་ལྟར་ན་དེ་བཞིན་གཤེགས་པས་ཆོས་ཐམས་ཅད་ཀྱི་རང་བཞིན་དང་ངོ་བོ་ཉིད
102a2 ཀྱིས་ཇི་ལྟ་བ་བཞིན་དུ་མངོན་པར་རྫོགས་པར་སངས་རྒྱས་ཤིང་། མངོན་པར་རྟོགས་ཏེ། དེའི་ཕྱིར་ཡང་དག་པར་རྫོགས་པའི་སངས་རྒྱས་ཤེས་བྱའོ།། དེ་ནས་བཅོམ་ལྡན་འདས་ལ་བྲམ་ཟེ་ཤིང་ས་ལ་ཆེན་པོ་ལྟ་བུའི་བུ་མཉམ
102a3 པར་གནས་ཀྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་ཐེག་པ་ཆེན་པོ་ལ་ཡང་དག་པར་ཞུགས་པར་བགྱི།། དེ་ནས་བཅོམ་ལྡན་འདས་ཀྱིས། དེའི་ཚེ་ཚིགས་སུ་བཅད་པ
102a4 འདི་དག་གསུངས་སོ།། མཁས་པ་དེ་དག་གཟུགས་གཞིག་ཕྱིར། བྱང་ཆུབ་ཏུ་ནི་མ་ཞུགས་ཏེ། གཟུགས་བཞིན་བྱང་ཆུབ་དེ་བཞིན་ཞེས།། མཁས་པ་དག་ནི་དེ་ལྟར་འཇུག། དེ་བཞིན་ཉིད་ཀྱིས་ཕྱེ་བས་ན།། གཟུགས
102a5 ལྟར་བྱང་ཆུབ་དེ་བཞིན་ཏེ། མཁས་མཆོག་དེ་དག་བྱང་ཆུབ་ལ། ཡོངས་སུ་དབྱེ་བར་མྱི་འཇུག་སྟེ།། བྱང་ཆུབ་དོན་ནི་དབྱེར་མྱེད་དེ། དོན་ལ་བྱང་ཆུབ་མྱི་དམྱིགས་སོ།། དོན་དམ་འདི་ལ་གང་བརྩོན
102a6 བ།། དེ་དག་བྱང་ཆུབ་ཉིད་ལ་ཞུགས།། ཕུང་པོ་དང་ནི་ཁམས་རྣ་མས་དང་།། སྐྱེ་མཆེད་དག་ལ་བྱང་ཆུབ་ཚོལ།། བྱང་ཆུབ་དེའི་རང་བ་ཞིན་ཏེ།། དེ་ལས་གུད་ན་བྱང་ཆུབ་མྱེད།། ཆོས་རྣམས་རབ་དང
102a7 ཕ་མ་དང་།། བར་མ་ནམ་ཞིག་མྱི་འཛིནད་ཅིང་།། གང་ཡང་འདོར་བར་མྱི་བྱེད་པ།། དེ་ཚེ་བྱང་ཆུབ་ཡང་དག་ཞུགས།། ནམ་ཞིག་ཆོས་དང་ཆོས་མ་ཡིན།། གཉིས་སུ་དེ་དག་ཁས་མྱི་ལེན།། གཉིས་སུ་གྱུརྡ་པ་ཡང་མ
102a8 ཡིན། དེ་དག་བྱང་ཆུབ་རབ་ཏུ་ཞུགས།། འདུས་མ་བྱས་ནི་གཉིས་སུ་མྱེད།། འདུས་བྱས་དག་ནི་གཉིས་མྱེད་ན།། འདི་གཉིས་མཐའ་སྟེ་རྣམ་པར་སྤངས།། བྱང་ཆུབ་སྤྱད་པ་དེ་དག་སྤྱོད།། སོ་སོའི་སྐྱེལས་རབ
102a9 འདས་ལ།། མྱི་འགྱུར་བ་ལ་མྱི་གནས་ཤིང་།། འབྲས་བུ་མ་ཐོས་འཕགས་པ་རྣམས།། དེ་དག་འཇིག་རྟེན་སྦྱིན་འོས་ཡིན།། འཇིག་རྟེན་ཆོས་རྣམས་ཀུན་བལྟ་ཞིང་།། འཇིག་རྟེན་ན་ཡང་པད་མ་བཞིན།།
iiif viewer powered by OpenSeadragon
