| e-texts navigator |
| Wylie |
101b1 སྨྲས་པ་འཇམ་དཔལ་ཟད་པའི་ཆོས་ཉིད་ཀྱིས་འདུས་བྱས་སོ་ཞེས་བྱ་བའི་གྲངས་སུ་འགྲོའོ།། སྨྲས་པ་ཚངས་པ་འདུས་བྱས་ཅི་ལ་གནས།། སྨྲས་པ་འདུས་མ་བྱས་ཀྱི་རང་བཞིན་ལ་གནས་སོ།། སྤྲས་པ་ཚངས་པ་འདུས་བྱས
101b2 དང་འདུས་མ་བྱས་ཀྱི་ཆོས་རྣམས་ལ་ཐ་དད་དུ་བྱ་བ་ཅི་ཡོད།། སྨྲས་པ་འཇམ་དཔལ་འདུས་བྱས་དང་འདུས་མ་བྱས་ཀྱི་ཆོས་རྣམས་ལ་ཐ་དད་དུ་བྱ་བ་ནི་ཐ་སྙད་དོ།། དེ་ཅིའི་ཕྱིར་ཞེ་ན། ཐ་སྙད་ཀྱིས་འདི་ནི་འདུས་བྱས་སོ།། འོད
101b3 འདི་ནི་འདུས་མ་བྱས་སོ་ཞེས་བསྟན་ཏོ།། ཡང་འདུས་བྱས་ཀྱི་ཆོས་ཉིད་གང་ཡིན་པ་དེ་ནི་འདུས་བྱས་ཀྱི་ཆོས་ཉིད་ཀྱང་དེ་ཡིན་ཏེ།། ཆོས་ཉིད་ལ་ཐ་དད་པ་མྱེད་དོ།། སྨྲས་པ་ཚངས་པ་ཆོས་ཉིད་ཅེས་བྱ་བ་འདི་གང་གི་ཚིགས
101b4 དགས་ཡིན། སྨྲས་པ་འཇམ་དཔལ་ཆོས་ཉིད་ཅེས་བྱ་བ་ནི་འདུས་མ་བྱས་དང་། བྱེ་བྲག་མྱེད་པར་གྱུར་པའི་ཆོས་རྣམས་ཀྱི་ཚིག་བླ་དགས་སོ།། སྤྲས་པ་ཚིག་བླ་དགས་ཤེས་བྱ་བའི་ཆོས་དོན་ཅི་སྨྲས་པ།། ཕ་རོལ་རྣམ།
101b5 པར་རིག་པར་བྱ་བའི་ཆེད་དུ་བསྟནད་པས་ན། འདི་ནི་དེའི་ཕྱིར་ཚིག། བླ་དགས་ཤེས་བྱའོ།། དེ་ཅིའི་ཕྱིར་ཞེ་ན། ཚིག་བླ་དགས་ཐམསཅད་ནི་ལྷག་པར་བྱེད་པས་སྒྲོ་འདོག་པ་ཡིན་ཏེ། དེའི་ཕྱིར་དེ་བཞིན
101b6 གཤེགས་པ་སྤྲོ་མྱི་འདོགས་ཤིང་ལྷག་པར་ཡང་མྱི་འཛིན་ལ། སྟོན་དེ་པས་དེ་ནི་ལྷག་པའི་ཚིག་ཅེས་བྱའོ།། ཡང་འཇམ་དཔལ་ཚིག་ཐམ་ས་ཅད་ནི་ཚིག་མ་ཡིན་པ་ན། དེའི་ཕྱིར་སངས་རྒྱས་ཀྱི་ཚིག་ནི་བརྗོད
101b7 དུ་མྱེད་པ་ཞེས་བྱའོ།། དེ་ཅིའི་ཕྱིར་ཞེ་ན། ཡང་དག་པར་རྫོགས་པའི་སངས་རྒྱས་ཉིད་ནི།། བརྗོད་པས་རབ་ཏུ་དབྱེ་བ་མ་ཡིན་ནོ།། སྤྲས་པ་ཡང་དག་པར་རྫོགས་པའི་སངས་རྒྱས་ཇི་ལྟར་རབ་ཏུ་དབྱེ། སྨྲས་པ་གཟུགས
101b8 སུ་ཡང་མ་ཡིན། མཚན་དུ་ཡང་མ་ཡིན། ཆོས་ཉིད་དུ་ཡང་རབ་ཏུ་མྱི་དབྱེ་བའོ།། སྨྲས་པ་ཅི་གཟུགས་ཀྱི་མཚན་ཉིད་ཀྱིས་ཆོས་ལྭ་བ་དང་བུ་རབ་ཏུ་བྱེ་འམ། སྨྲས་པ་དེ་ནི་མ་ཡིན་ནོ།། སྨྲས་པ་གཟུགས་ཀྱི་མཚན་ཉིད་ཀྱི་ཆོས
101b9 ཀྱི་དེ་བཞིན་ཉིད་གང་ཡིན་པ་དེ་མི། དེ་ལས་ཀྱང་མ་ཡིན་གཞན་ལས་ཀྱང་མ་ཡིན་ཏེ། དེ་ལྟར་དེ་བཞིན་གཤེགས་པ་རྣམས་རབ་ཏུ་དབྱེའོ།། འདི་ལྟར་དེ་བཞིན་ཉིད་ཀྱིས་རབ་ཏུ་བསྟན་ཅིང་། ཆུང་ཟ་བར་ཡང་མྱི་འགྱུར་བ་དེ
iiif viewer powered by OpenSeadragon
