| e-texts navigator |
| Wylie |
280a1 པར་བྱེད་དོ།། སྲིད་པ་ཡོད་པས་སྡུག་བསྔལ་མྱོང་བར་ཟད་དེ། འདི་ལ་ལས་མངོན་པར་འདུ་བྱེབ་སུ་ཡང་མྱེད་ཅིང་སྲིད་པ་མངོན་པར་འགྲུབ་པར་བྱེད་པ་ཡང་མྱེད་དེ་དེ་ནི་ཆོས་རྣམས་ཀྱི་དོན་དམ་པའོ།། དཔལ་ལྡན་མ་འོད་ཀྱང
280a2 སེམས་ཅན་རྣམས་ཇི་ལྟར་དོན་དམ་པ་རྟོགས་པར་འགྱུར་སྙམ་ནས། ཐ་སྙད་ཉེ་བར་བཟུང་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་སེམས་ཅན་རྣམས་ལ་ཆོས་སྟོན་ཏོ།། དཔལ་ལྡན
280a3 མ་ཐ་སྙད་ནི་ཡང་དག་པ་མ་ཡིན་ཏེ། དེ་ཅིའི་ཕྱིར་ཞེ་ན། དེ་ལ་ཞོང་དུ་ཆུད་པར་བྱེད་པ་ཡང་མྱེད། དེ་ལ་ཤེས་པར་བྱེད་པ་ཡང་མྱེད་པའི་ཕྱིར་རོ།། དཔལ་ལྡན་མ་འདི་ལྟ་སྟེ་དཔེར་ན། དེ་བཞིན་གཤེགས་པས་སྤྲུལ་པ་སྤྲུལ་ལ། དེ
280a4 བཞིན་གཤེགས་པས་སྤྲུལ་པ་དེས་ཀྱང་སྤྲུལ་པ་གཞན་སྤྲུལ་ན། དེ་ལ་དེ་བཞིན་གཤེགས་པས་སྤྲུལ་པ་ཡང་གསོག་སྟེ། བརྫུན་པ་བསླུ་བའི་ཆོས་ཅན་ནོ།། སྤྲུལ་པས་སྤྲུལ་པ་གང་ཡིན་པ་དེ་ཡང་གསོག་སྟེ་བརྫུན་པ་བསླུ་བའི
280a5 ཆོས་ཅན་ནོ།། དཔལ་ལྡན་མ་དེ་བཞིན་དུ་གང་གིས་ཆོས་མངོན་པར་འདུ་བྱ་བ་མངོན་པར་འདུ་བྱས་པ་དེ་ཡང་གསོག་སྟེ་བརྫུན་པ་བསླུ་བའི་ཆོས་ཅན་ནོ།། ཆོས་གང་མངོན་པར་འདུ་བྱ་བ་དེ་ཡང་གསོག་སྟེ་བརྫུན་པ
280a6 བསླུ་བའི་ཆོས་ཅན་ནོ།། གསོལ་པ་འདི་ལྟ་སྟེ་བཅོམ་ལྡན་འདས་ཀྱི་ས་སྟོང་པ་ཉིད་ཀྱི་འཁོར་ལོ་དང་། ངེས་པར་འབྱིན་པའི་འཁོར་ལོ་དང་ངེས་པར་འབྱེད་པའི་འཁོར་ལོ་དང་། བསམ་གྱིས་མྱི་ཁྱབ་པའི
280a7 འཁོར་ལོ་དང་། བསྐོར་བ་མ་ལགས་པའི་འཁོར་ལོ་དང་། མཚུངས་པ་མ་མཆིས་པའི་འཁོར་ལོ་དང་། ཇི་ལྟ་བ་བཞིན་གྱི་འཁོར་ལོ་དང་། སྐྱེ་བ་མ་མཆིས་པའི་འཁོར་ལོ་དང་། དངོས་པོ་མ་མཆིས་པའི་འཁོར་ལོ་དང་། མཚན་ཉིད
280a8 མ་མཆིས་པའི་འཁོར་ལོ་འདི་བསྐོར་བ་ནི། ནམ་མ་ཞའི་འཁོར་ལོ་འདི་བསྐོར་ལགས་སོ།། དེ་ནས་བྲམ་ཟེ་མོ་དཔལ་ལྡན་མས། ཙན་དན་གྱི་ཕྱེ་མ་སྤར་གང་བླངས་ཏེ་བཅོམ་ལྡན་འདས་ཀྱི་ཞབས་ལ་གཏོར་ནས། ཚིག་འདི
280a9 སྐད་ཅེས་བཅོམ་ལྡན་འདས་ལ་དགེ་བའི་རྩ་བ་འདིས་བདག་མ་འོངས་པའི་དུས་ན། འདི་ལྟ་སྟེ་སྟོང་པ་ཉིད་ཀྱི་འཁོར་ལོ་ནས་མཚན་ཉིད་མ་མཆིས་པའི་འཁོར་ལོའི་བར་དུ་ཆོས་ཀྱི་འཁོར་ལོ་དེ་ལྟ་བུ་བསྐོར་བར་གྱུར་ད་ཅིག་ཅེས་སྨྲས་སོ།
iiif viewer powered by OpenSeadragon
