| e-texts navigator |
| Wylie |
146b1 པོ་ཁྱོད་ལ་མཆོད་པ།། དཔེར་ན་རི་ནི་རབ་ཏུ་མ་གཡོས་དང་། ཇི་ལྟར་རྒྱ་མཚོ་གཏིང་ནི་མྱི་དཔོགས་ལྟར།། བདུད་རྣམས་ཐམས་ཅད་ཀྱིས་ཀྱང་མྱི་གཡོས་ལ། ཐུབ་པ་སྐྱེས་བུ་མཆོག་ནི་བསམ་གཏན་མཛད། ཟང་ཟིང་ཀྱི།
146b2 མངའ་མཚམས་གྱི་མངའ་ཞིང་། ཐ་དད་ཀྱི་མངལ་རྟེན་པ་མྱི་མངལ་ལ།། གནས་ཀྱི་མངལ་ཞིང་ལྡང་བ་མྱི་མངའ་བ། ཐུབ་པ་སྐྱེས་བུ་དམ་པ་བསམ་གཏན་མཛོད།། རྟོག་གེ་རྣམས་ཀྱི་ཡུལ་ནི་མ་ལགས་ཤིང་།། བྱིས་པ།
146b3 རྣམས་ཀྱི་སྤྱོད་ཡུལ་མ་ལགས་ལ།། སེམས་དང་སེམས་ལས་བྱུང་ལས་རབ་འདས་པ། བསམ་གཏན་ཕ་རོལ་གཤེགས་པ་བསམ་གཏན་མཛད།། མགོན་པོ་སེང་གེ་བཞིན་དུ་གསུང་ཡང་སྤོགས།། ཐུབ་པ་འབྲུག་བཞི་ནི་སྲོག།
146b4 པ་རབ་ཏུ་མཛད། དཔལ་བོ་ཟླ་བ་བཞིན་དུ་རབ་ཏུ་མཛེས།། སེམས་ཅན་དཀོན་མཆོག་ཁྱོད་ལ་ཕྱག་འཚལ་ལོ།། དེ་ནས་བཅོམ་ལྡན་འདས་ཀྱིས་མྱི་མཇེད་ཀྱི་བདག་པོ་ཚངས་པའི་བསྐུལ་པའི་ཚོགས་སུ་བཅད་པ་འདི་ལྟ་བུ
146b5 འདི་དག་གིས་བསྐུལ་པ་ཐུགས་སུ་ཆུད། ཇི་ལྟར་བསྐྱིལ་དཀྲུང་བཅས་པ་དེ་ཉིད་ཀྱིས་ཏིང་ངེ་འཛིན་དེ་ལས་བཞེངས་སོ།། བཞེངས་ནས་བཅོམ། ལྡན་འདས་ཀྱིས་མྱི་མཇེད་ཀྱི་བདག་པོ་ཚངས་པ་ལ་སྨན་པའི་ཕྱིར་མགུར
146b6 སུལ་བའི་སྒྲ་མཛད་པ་དང་། མྱི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ཏིང་ངེ་འཛིནད་དེ་ལས་བཞེངས་ཏེ། ཇི་ལྟར་སྐྱིལ་མོ་གྲུ་ང་བཅས་པ་དེ་ཉིད་ཀྱིས་བཞུགས་པར་མཐོང་ངོ་།། མཐོང་ནས་ཀྱང
146b7 བཅོམ་ལྡན་འདས་ག་ལ་བ་དེར་སོང་སྟེ་ཕྱིནད་ནས། བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ཏེ།། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས
146b8 ཀྱི་ཁཇེད་ཀྱི་བདག་པོ་ཚངས་པས་བཅོབ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་བསྐབས་དབྱེ་བར་གན་ངན། དེ་བཞིན་གཤེགས་པ་དགྲ་བཅོམ་པ་ཡང
146b9 དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུ་ལགས་སོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་མྱི་མཇེད་ཀྱི་བདག་པོ་ཚངས་པ་ལ་འདི་སྐད་ཅེས་བཀའ་སྩལ་ད་ཏོ།། ཚངས་པ་ཞུ་བ་ལུང་བསྟན་པཱ།
iiif viewer powered by OpenSeadragon
