| e-texts navigator |
| Wylie |
285b1 བྱེད་པའི་སྙིང་རྗེ་ཆེན་པོ་དང་། གཞན་བྱེད་དུ་འཇུག་པའི་སྙིང་རྗེ་དང་། མཐའ་གཉིས་བསལ་བའི་སྙིང་རྗེ་ཆེན་པོའོ།། གཞན་ཡང་གསུམ་སྟེ། བདག་ལ་ཕན་པའི་ཕྱིར་ཤེས་པ་ཡོངས་སུ་ཚོལ་བ་དང་། གཞན་ལ་ཕན་པའི་ཕྱིར
285b2 ཤེས་པ་ཡོངས་སུ་ཚོལ་བ་དང་། གཉིས་ཀའི་དོན་ཡོངས་སུ་རྫོགས་པར་བྱ་བའི་ཕྱིར། བརྩོན་འགྲུས་ཆོམ་པའོ།། གཞན་ཡང་གསུམ་སྟེ། འདས་པ་ལ་ཟད་པར་ཤེས་པ་དང་། མ་འོངས་པ་ལ་མ་ཕྱིན་པར་ཤེས་པ་དང་། ད་ལྟར
285b3 བྱུང་བ་ལ་ཆོས་གནས་པ་མྱེད་པར་ཤེས་པའོ།། གཞན་ཡང་གསུམ་སྟེ། ངེས་པའི་སེམས་ཅན་རྣམས་ལ་རབ་ཏུ་གྲོལ་པོའི་བྱམས་པ་དང་། མ་ངེས་པའི་སེམས་ཅན་རྣམས་ལ་རབ་ཏུ་གྲོལ་བའི་བྱམས་པ་དང་། ལོག་པ་ཉིད་དུ
285b4 ངེས་པའི་སེམས་ཅན་རྣམས་ལ་སྐྱབ་པ་ཆེན་པོའི་བྱམས་པ་ཆེན་པོའོ།། ། གཞན་ཡང་གསུམ་སྟེ། འགྲོགས་ན་བདེ་བས་ལུས་ལས་སུ་རུང་བ་དང་། ཕ་རོལ་ཀུན་བསྲུང་བས་དག་བསྟན་པ་དང་། དྲང་བས་སེམས
285b5 ལས་སུ་རུང་བའོ།། གཞན་ཡང་གསུམ་སྟེ། མྱི་མུག་པ་ལ་ཡ། ང་གནས་ལ། འདོད་ཆགས་ལ་སྤྱོད་པའི་སེམས་ཅན་དང་། འགྲོ། གས་པ་ལ་ཡང་མྱི་སྤོད་པ་དང་། བྱམས་པ་ལ་ཡང་གནས་ལ།
285b6 ཞེ་སྡང་ལ་སྤྱོད་པའི་སེམས་ཅན་དང་། འགྲོགས་པ་ལ་ཡང་མྱི་སྤྱོད་པ་དང་། རྟེན་ཅིང་འབྲེལ་པར་འབྱུང་བ་ལ་ཡང་རྣམ་པར་ལྟ་ལ།། གཽཏི་མུག་ལ་སྤྱོད་པའི་སེམས་ཅན་དང་། གཏི་མུག་ལ་སྤྱོད་པའི་སེམས་ཅན
285b7 དང་འགྲོགས་པ་ལ་ཡང་མྱི་སྤོད་པའོ།། གཞན་ཡང་གསུམ་སྟེ། ལེགས་པར་སྤྱད་པའི་ཕྱིར་ཕན་པ་དང་། ཆོ་ག་ཤེས་པའི་ཕྱིར་རན་པ་དང་། ཕྱིས་འགྱོད་པ་མྱེད་པའི་ཕྱིར་བཟོད་པའོ།། གཞན་ཡང་གསུམ་སྟེ། ཐོས
285b8 པ་ཡོངས་སུ་འཛིན་པ་དང་། ཚིག་དང་ཡི་གེ་རྣམས་འཛིན་པ་དང་། སཱ་ལ་སྔོན་གི་མཐའ་དང་ཕྱི་མའི་མཐར་ཡོངས་སུ་ཆད་པར་ཤེས་པའོ།། གཞན་ཡང་གསུམ་སྟེ། ནོར་བདུན་ཡང་དག་པར་འདུ་བས་འབུལ་བར་མྱེད་པ་དང་།
285b9 ཆོས་ཀྱི་སྦྱིན་པས་རྣམ་པར་འགྲེལན་པས་གཏོང་བ་ཆེན་པོ་དང་། ཟང་ཟིང་ཀུན་ཏུ་འགྱེད་པས་ལོངས་སྤྱོད་ཆེ་བའོ།། གཞན་ཡང་གསུམ་སྟེ། དོན་དམ་པས་བདེན་པས་བདེན་པ་དང་། མྱི་སླུ་བས་ཡང་དག་པ་དང་། དེ་བཞིན་ཉིད
iiif viewer powered by OpenSeadragon
