| e-texts navigator |
| Wylie |
244a1 གཉེན་པའི་ཚིག་བྱེད་པ་ཡིན། བལ་བའི་ཚིག་མྱེད་པ་ཡིན། ཀུན་ཏུ་མ་བསྲུངས་པའི་ཚིག་མྱེད་པ་ཡིན། དུས་ལས་ལྷག་པར་སྨྲས་པའི་ཚིག་མྱེད་པ་ཡིན། གནོད་སེམས་འབར་བའི་ཚིག་མྱེད་པ་ཡིན། འཐབ་པ་དང
244a2 ཆོད་པ་དཔའགྱེད་པའི་ཚིག་མྱེད་པ་ཡིན། བོབ་ཀྱིས་འཇལ་བའི་ཚིག་མྱེད་པ་ཡིན། ཚིག་འགྱུར་བ་བྱེད་པ་ཡིན། ན་ས་ཀར་གི་ལྟད་མོས་པའི་ཚིག་ལྟ་བུ་མྱེད་པ་ཡིན། ཆོས་དང་འགལ་བའི་ཚིག་མྱེད་པའི
244a3 གསང་འཕེལ་བའི་ཚིག་མྱེད་པ་ཡིན། སེམས་ཅན་ལ་གནོད་པའི་ཚིག་མྱེད་པའི་ཡིན། བདག་ལ་བསྟོད་པའི་ཚིག་མྱེད་པ་ཡིན། གཞན་ལ་སྨོད་པའི་ཚིག་མྱེད་པ་ཡིན། འཕྱ་བ་དང་སྙིང་པའི་ཚིག་མྱེད་པ་ཡིན། སངས་རྒྱས་དང
244a4 ཆོས་དང་དགེ་འདུན་དང་འགལ་བའི་ཚིག་མྱེད་པ་ཡིན། འཕགས་པ་ལ་བསྐུརྡ་པ་འདེབས་པའི་ཚིག་མྱེད་པ་ཡིན། ངོ་མྱི་འཆོད་པའི་ཚིག་མྱེད་པ་ཡིན། ཚིག་འཁྲུལྡ་པའི་སྐྱོན་ཐམས་ཅད་དང་བྲལ་བའི་ཚིག་ཉིད་ནི
244a5 ཚིག་དྲུག་བཅུ་ཎ་བཞི་པ་ཡིན་ཏེ། བློ་གྲོས་རྒྱ་མཚོ་བྱང་ཆུབ་སེམ།། ས་དཔའི་ངག་གི་ལས་ནི་ཚིག་འཁྲུལ་པའི་སྐྱོན་དྲུག་བཅུ་ཎ་བཞི་པོ།། དེ་དག་དང་བྲལ་ཞིང་ཡོངས་སུ་དག་པར་བྱུང་ངོ་།། དེའི་ངག་དེ་ནི་ཕྱད
244a6 པར་ལུང་སྟོན་པ་དང་ཡང་དག་པ་ལུང་སྟོན་པདང་དེ་ཁོ་ན་ལུང་སྟོན་པ་དང་བདེན་པ་རྣམ་པར་དགོད་པ་ལུང་སྟོན་པ་དང་། བདེན་པའི་རྗེས་སུ་འབྲང་བ་དང་། སེམས་ཅན་ཐམས་ཅད་ཀྱི་སྐད་ལ་འཇུག་པ་དང་། སེཾས།
244a7 ཅན་ཐམས་ཅད་ཀྱི་བསམ་པ་ལུང་སྟོན་པ་དང་། སེམས་ཅན་ཐམས་ཅད་ཚིམ་པར་བྱེད་པ་དང་། སེམས་ཅན་ཐམས་ཅད་ཀྱི་དབང་པོ་སྐུལ་པར་བྱེད་པ་དང་། ཉོན་མོངས་པ་ཐམས་ཅད་རབ་ཏུ་ཞི་བར་བྱེད་པ་དང་། སངས་རྒྱས་ཀྱིས
244a8 བྱིན་གིས་རླབས་པ་དང་། ཆོས་དང་མྱི་འགལ་བ་དང་། བསོད་ནམས་ཀྱི་རྒྱུ་འཐུན་པ་ཤིན་ཏུ་རྣམ་པར་ཕྱེ་བ་དང་། ཟླ་བ་ལྟར་དྲི་མ་མྱེད་ཅིང་སྙན་པ་དང་། འདོད་ཆགས་ཀུན་ཏུ་སྐྱེད་པ་མ་ཡིན་པ་དང་། ཚར་བཅད་ནས་ཡོན་ཏན་སྨྲ་བ་དང
244a9 ཞེ་སྡང་ཕྱི་སྐྱེད་པ་དང་། ཟབ་ཅིང་གཏིང་དཔག་དཀའ་བ་དང་། གཏི་མུག་ཀུན་ཏུ་མྱི་སྐྱེད་པ་དང་། ཕྱོགས་བཅུར་གོ་བར་བྱེད་ཅིང་རྒྱས་པར་འགེངས་པ་དང་། ཚིག་དོན་མྱེད་པ་མ་ཡིན་པ་དང་། ཐམས་ཅད་ཀྱི་རྗེས་སུ་ཞུགས་པ
iiif viewer powered by OpenSeadragon
