| e-texts navigator |
| Wylie |
266a1 འབྲལ་མེད་པའི་རྫུ་འཕྲུལ་སྣ་ཚོགས་འདི་ནི་རྣམ་པར་རོལ་ཏོ།།དེ་ནས་རྒྱལ་མཆོག་སྐྱེས་བུ་ཡིས།།རྡོ་རྗེ་འཛིན་པ་ལ་སོགས་པ།།བྱ་བ་རྡུལ་སྙེད་བཅས་པ་ལ།།གསང་།
266a2 བ་འདི་ནི་གཏད་པར་མཛོད།།ང་ཡི་གསང་བའི་སྙིང་པོ་འདི།།དུས་གསུམ་སངས་རྒྱས་ཐམས་ཅད་ཀྱི།།བསྟོན་པ་ཀུན་གྱི་རང་བཞིན་ཏེ།།མ་ལུས་ཀུན་གྱི་ཐབསུ་སྣང་།།གསང་སྔགས་རྡོ་རྗེ
266a3 ཐེག་པ་སྟེ།།དཔལ་ལྡན་སྒྱུ་འཕྲུལ་ཐུགས་ཀྱི་རྒྱུད།།ཆོས་རྣམས་མ་ལུས་ཀུན་སྣང་བ།།གསང་བའི་མེ་ལོང་ཐབས་ཀྱི་རྒྱུད།།རྒྱལ་བ་རྡུལ་སྙེད་ཀུན་འདུས་ནས།།དམ་པ་འདི་ལ་སྔགས་པར
266a4 མཛད།།སྒྱུ་འཕྲུལ་དྲ་བའི་རྒྱུད་ཆེན་པོ།།ཟབ་མོའི་ལུང་གི་ངེས་དོན་འདི།།རིགས་ཆད་དམན་པའི་གང་ཟག་གིས།།ཐམས་ཅད་ལ་ནི་མེ་ལོང་ལྟར།།བལྟས་ཀྱང་གཟུགས་བརྙན་མི་སྣང་བྱ།།།
266a5 སྟོན་པ་གཉིས་ལ་རྒྱབ་ཕྱོགས་ཤིང་།།བརྟགས་པ་ཕྱི་རོལ་ཆོས་ལ་ཞེན།།སློབ་དཔོན་ལ་ནི་བརྙས་བྱེད་དང་།།རྡོ་རྗེ་སྤུན་ལ་སྡང་སེམས་ཆེ།།ཟབ་མོའི་དོན་ལ་སྐུར་བྱེད་ཅིང་།།གསང་རྒྱུད་དོན
266a6 ལ་འཕྱ་བ་དང་།།སེར་སྣ་རང་ཕྱོགས་ཆགས་པ་ཆེ།།དད་དང་དམ་ཚིག་མི་ལྡན་ཞིང་།།རྒྱལ་སྲིད་རིན་ཆེན་མི་གཏོང་བའི།།ཕྱི་ནང་གཉིས་ལྷའི་གང་ཟག་ལ།།བསྐལ་པ་ཞིང་གི་རྡུལ
266a7 སྙེད་དུ།།ལུས་སེམས་བྲལ་བའི་བྱེད་གྱུར་ཀྱང་།།གསང་བའི་གླེགས་བམ་མི་བསྟན་ན།།དབང་དང་དངོས་གྲུབ་རྣམས་ཀྱང་མིན།།རྨོངས་པས་གལ་ཏེ་བྱིན་ན་ནི།།དེ་ཉིད་མནར
iiif viewer powered by OpenSeadragon
