| e-texts navigator |
| Wylie |
255a1 གཟིགས་པས།།སྣ་ཆགས་མཛད་པའི་ཚུལ་ཉིད་ཀྱིས།།དེ་སྙེད་སྤྱོད་ལ་མཐའ་ཡས་ཏེ།།དོན་དང་འཐུན་པ་འབའ་ཞིག་སྟོན།།ཐ་མལ་བ་དང་ཐབས་ཉིད་དང་།།ལུས་ངག
255a2 ཡིད་ཀྱིས་ཅི་འཚམ་པར།།དོན་འགྱུར་སྤྱོད་པ་བསམ་མི་ཁྱབ།།གང་དུ་བྱམས་དང་སྐྱིང་རྗེ་ཡིས།།མི་ཁྱབ་མིང་གི་རྣལ་འབྱོར་ཏེ།།ཐེག་པ་ཆེན་པོའི་རིགས་ཆད་ཅིང་།།དམན་པའི་རིགསུ་གྱུར
255a3 པ་ཡིན།།རྩ་བ་མེད་པའི་སེམས་ཉིད་ནི།།ཆོས་རྣམས་ཀུན་གྱི་རྩ་བ་སྟེ།།ན་མཁའི་རིས་དང་དབྱེར་མོད་ལྟར།།མ་ལུས་རང་རྒྱུད་བྲལ་བ་ཡི།།ངོ་བོ་དེ་མིན་བརྫུན་པ་མིན།།ཆོས་རྣམས
255a4 མིང་ཙམ་དངོས་པོ་མེད།།སྒོ་གསུམ་འདི་ལྟར་བརྟན་པ་ནི།།ཐུགས་རྗེ་ཆེན་པོ་སྤྱོད་པ་ཡིན།།དེ་ནས་སྒྱུ་མའི་རང་བཞིན་ཉིད།།རང་བཞིན་གཉིས་མེད་རིག་པ་ཡི།།ཡི་གེ་ཧཱུཾ་དུ་གསལ་བར་བསྒོམ།
255a5 ཕྱི་ནང་སྣོད་བཅུད་མ་ལུས་པ།།འཕྲོ་འདུས་ཧཱུཾ་དུ་གསལ་བར་བྱ།།རྡུལ་ཕྲན་དེ་སྙེད་འདུས་པ་ལྔས།།ཐིག་ལེ་མི་དམིགས་སྟོང་པར་བལྟ།།མ་དང་ཨ་ལས་ཉི་ཟླའི་གདན།།གང་བསྒྲིལ་ཧཱུཾ
255a6 བཅས་གསལ་བར་བྱ།།རང་རང་གསུང་ཡང་འགལ་བ་མེད།།སྒྲིལ་མའི་སྙིང་པོ་ཕྱག་མཚན་སྟེ།།འཕྲོ་འདུ་འཕྲ་མོའི་རང་བཞིན་སྐུ།།གསལ་ལ་སྐྱོན་དང་བྲལ་བར་སྒོམ།།དེ་ནས་རང་རང
255a7 ཚད་གྱུར་པའི།།རགས་པའི་ཕྱག་རྒྱ་ཆེན་པོ་ཉིད།།ཞི་དང་ཁྲོ་བོ་སྐབས་དག་དུ།།ཇི་ལྟར་འཐད་པར་བསྒོམ་པར་བྱ།།ཡང་ན་ཞལ་གཅིག་ཕྱག་གཉིས་ཏེ།།ཡང་ན་ཞལ་གསུམ་ཕྱག
iiif viewer powered by OpenSeadragon
