| e-texts navigator |
| Wylie |
251b1 གདུང་དང་བདེ་བ་བྲལ་བ་དང་།།ཞན་རྟོག་དེ་ཉིད་ཆགས་པ་ཡི།།རང་གི་ལིང་གཱ་དེ་ཉིད་ལ།།གསང་བའི་ཕུར་པ་བནི་རྫོགས་པ།།གསང་བའི་ཡུལ་ལ་བཏབ་པ་ཡིས།།ལྷན་ཅིག་སྐྱེས་པའི་ཏིང་འཛིན་ལ།
251b2 ལས་བཞི་ཡ་བཅོལ་རྫོགས་པར་ལྡན།།རོལ་པའི་ཚུལ་དང་ཐིག་ལེ་གཉིས།།པདྨ་རྡོ་རྗེ་སྙིང་པོའི་རྩ།།ཉམས་དང་སྦྱོར་ཚུལ་གང་ཡིན་པ།།གསང་བའི་སྦྱོར་བའི་དུསུ་བལྟ།།གནས་པ་རྩ་ཡི
251b3 ཚུལ་དག་ནི།།ཁ་དོག་དབྱིབས་སོགས་ཐ་དད་པས།།མཆོད་རྫས་ཉི་ཟླར་བཅས་ཀུན་ལ།།གཟར་བུ་གཉིས་བཅོས་ཐབས་ཕུལ་བས།།ཐིག་ལེ་ཆེན་པོར་འབབ་པར་འགྱུར།།གསང་བའི་དོན
251b4 ལ་དགའ་བ་དང་།།རིག་པའི་རྟུལ་ཞུགས་སྤྱོད་པ་དང་།།དབང་པོ་དར་ཅིང་སྨིན་པ་དང་།།ཐིག་ལེའི་དོན་ལ་མོས་པ་དང་།།རླུང་དང་བཅུད་ལ་གོམས་པ་ཡི།།རྣལ་འབྱོར་ཕོ་མོར་བཅས་པ་ཀུན
251b5 དྲན་རྟོག་ཕྱི་མ་བཅས་པའི་ཡིད།།གདུལ་བའི་དོན་དུ་དེ་བཤད།།གང་དག་ཐབས་ལ་མཁས་པ་དང་།།དབང་དང་དམ་ཚིག་ལྡན་པ་ཡིས།།ཐབས་དང་སྦྱོར་བ་ལ་བརྩོན་ཞིང་།།ཉི་ཟླ་རྩེ་སྦྱོར
251b6 དབང་ཐོབ་ནས།།བཟུང་ཟློག་འབྱོངས་པའི་གར་ཐབས་ཀྱིས།།དངོས་པོ་ལྷན་ཅིག་སྐྱེས་པའི་དོན།།སེམས་ལྔའི་ཚུལ་གྱིས་གསལ་བར་སྐྱེ།།ཉི་ཟླ་ཞོན་པའི་རྫུ་འཕྲུལ་དང་།།རྒྱུ་བའི་རླུང་ལ་དབང
251b7 ཐོབ་པ་ས།།ཁམས་བཞི་འདུས་པའི་སྙིང་པོ་ལས།།བདེ་ཆེན་ཐིག་ལེ་མི་རྟོག་པ།།ཐབས་ཀྱིས་ད་ལྟར་མངོན་དུ་སྣང་།།ཐབས་དང་བྲལ་བའི་སློབ་དཔོན་གྱིས།།སྐལ་མེད་ལས་ཀྱིས་དམན་པ
iiif viewer powered by OpenSeadragon
