| e-texts navigator |
| Wylie |
245b1 དཔག་ཚད་བརྒྱད་འགྲོ་བ།།དེ་ལ་གནས་བསམ་མ་ཡེངས་བྱས།།རླུང་གིས་ཁྱབ་པ་ཇི་ལྟ་བར།།དཔག་ཚད་བརྒྱ་ཕྲག་དུ་མ་ཡང་།།སྐད་ཅིག་ཙམ་གྱིས་བགྲོད་པར་འགྱུར།།གླལ་ཏེ་རྫུ་འཕྲུལ་བཞི་དག་གིས།།
245b2 རིགས་འཛིན་གོ་འཕང་འགྲོ་འདོད་ན།།སྔོན་དུ་དག་པའི་དོན་ཐོབ་ནས།།ཕྱོག་རྒྱ་གསལ་བར་གྱུར་པའི་ཚེ།།ན་མཁའི་ལིང་ག་ཟླ་བ་ལ།།ཧཱུ~ཾ་ལས་རྡོ་རྗེ་ཆོ་ག་གསུམ།།རིམ་པར་བསྟན་པའི་དབང་ཐོབ
245b3 ནས།།དངས་མའི་ཕྱག་རྒྱ་ལ་བརྟེན་པས།།རྡོ་རྗེ་ཟླར་བཅས་རླུང་བརྟེན་པས།།གང་འཐད་ཞིང་དུ་བསྐྱོད་པའི་ས།།རྡོ་རྗེ་རིག་པ་འཛིན་པ་ཡིས།།ཞིང་ཁམས་དག་པའི་བྱ་བ་འགྲུབ།།མདུན་གྱི་ནམ
245b4 མཁར་ཟླ་བ་ལ།།ོཾ་ལ་ཆོ་གའི་ཚུལ་གྱིས་བསྒྱུར།།བརྟན་པའི་འཁོར་ལོ་ཟླ་རླུང་གིས།།དངས་མའི་སྟོབས་ཀྱིས་ལུས་གནས་པས།།དེ་བཞིན་གཤེགས་པའི་རིག་འཛིན་པ།།ཞིང་ཁམས་སོ་སོར
245b5 བསྐྱོད་བྱས་ནས།།རང་གི་བསམ་པ་བསྒྲུབ་པར་བྱ།།ན་མཁའ་དབྱིངས་ཀྱི་ཟླ་བ་ལ།།ཏྲཻ་ལས་སྐྱེས་པའི་ཆོ་ག་ཡིས།།རིན་ཆེན་རླུང་ཟླར་བཅས་པ་ཡིས།།ཏིང་འཛིན་དྲག་པོ་བསྐྱོད་པའི་ཤུགས།།
245b6 དངས་མ་ལུས་ཡིད་བཅས་པ་ཡིས།།དག་པའི་ཞིང་ཁམས་ཀུན་བསྐྱོད་དེ།།ལྷག་པའི་བསམ་པ་འགྲུབ་པར་འགྱུར།།ན་མཁའི་དཀྱིལ་འཁོར་དབུས་གནས་པར།།པདྨ་རོ་བཅས་པའི་ཟླ་བ
245b7 བསྒོམ།།ཧྲིཿལས་སྣ་ཚོགས་ཆོས་མཆོག་སེམས།།གསལ་བརྟན་རླུང་གིས་སྟོབས་བསྟན་པས།།དངས་མའི་ལུས་ཡིད་གང་ཡིན་པ།།ཞིང་བསྐྱོད་བསམ་པ་གྲུབ་པར་འགྱུར།།ན་མཁའ
iiif viewer powered by OpenSeadragon
